Genese 17:1 - MUKANDA WA MYIDI MUKULU

¹ Abrame mumane kukumbaja bidimu makumi tshitema ne tshitema, Maweja-Nangila kumumuenekela, umuambila ne: — Ndi Mvidi Mukulu wa bukole buonsu. Witabe diyi dianyi, wikale muntu muakane.

Mukanda wa Nzambi Dihungila Dikulukulu ne Dihungila Dihia-dihia 2003

¹ Hakadi Abalama ne bidimu makumi tshitema ne tshitema, Yehowa wakamueneka kudi Abalama, wakamuambila ne, Ndi Nzambi wa Bukole Buonso, wenda ku mpala kuanyi, wikale muakane.

Genese 17:1 교차 참조

Genese 12:1

Maweja-Nangila kuambila Abrame ne: — Umuke mu ditunga dienu, mu diku dienu ne ku nzubu kua batatuebe. Uye mu ditunga dindi nkuleja.

Genese 12:7

Maweja-Nangila kumuenekela kabidi Abrame, umuambila ne: “Ditunga edi nendipeshe ndelanganyi yebe.” Abrame kuashila Maweja-Nangila tshilambuilu muaba mene uvua Maweja-Nangila mumumuenekele.

Genese 16:16

Tshidimu tshivua Agare mulela muana, Abrame uvua ne bidimu makumi muanda mukulu ne bisambombu.

Genese 18:1

Maweja-Nangila kumuenekela Abrahame ku mitshi ya tshijila ya ku Mambre. Abrahame uvua musombe mu mushiku wa mbelu wa kazubu kende ka ntenta diba dia munda munya.

Genese 18:14

Kakuena tshidi mua kukolela Maweja-Nangila to. Tshidimu tshiavua, ngondu wa momumue, nempingane apa. Diba adi mukajebe Sara neikale mumane kulela muana wa balume.

Genese 24:40

Mfumuanyi Abrahame kungandamuna ne: “Maweja-Nangila undi mvuluka matuku onsu, neakuendeshe diakalenga. Mutumibue wende neakulombole. Neakuleje nsongakaji wa mu tshisamba tshietu, mu diku dia tatu wanyi, uudi mua kuselela muananyi.

Genese 26:2

Maweja-Nangila kumuenekela Izake, umukandika ne: — Dikasa diebe kadidiatshi mu Ejipitu to. Kadi usombe anu mu ditunga edi dindi nkuleja.

Genese 28:3

Mvidi Mukulu wa bukole buonsu akuele lupemba mu dibaka diebe. Ulele bana ba bungi, ushale nkambua wa bisamba bivule.

Genese 35:11

Kumuambila ne: — Ndi Mvidi Mukulu wa bukole buonsu. Utante, uvulangane, wikale nkambua wa bisamba bia bungi, bakalenga nebafume ku ndelanganyi yebe.

Genese 43:14

Mvidi Mukulu wa bukole buonsu akaje muoyi wa muntu awu, bua anufuile luse, nupingane ne Binyamine, kabidi ne Shimeyone bonsu babidi kuneku. Kadi meme nkadi mumane kufuisha muananyi. Nenshale bu muntu uvua kayi mulele anyi?

Genese 46:3

Mvidi Mukulu kumuambila ne: — Meme ndi Mvidi Mukulu wa tatuebe Izake. Kutshinyi bua kuya ku Ejipitu to. Nemvudije ndelanganyi yebe mu ditunga dia Ejipitu.

Genese 48:15

Ke kuelaye Yozefe lupemba, wamba ne: Ndi ntendelela Mvidi Mukulu, uvua bankambua banyi, Abrahame ne Izake, bitabe, Ndi ntendelela Mvidi Mukulu, udi mundame too ne ku mpindiewu.

Genese 48:3

Kuambilaye Yozefe ne: — Mvidi Mukulu wa bukole buonsu uvua mummuenekele ku Kenaane mu musoku wa Luze, mungele lupemba.

Genese 5:22

Kushalaye kabidi ne muoyi bidimu nkama isatu, witaba Mvidi Mukulu, udisanga nende mu malu onsu. Kulelaye balume ne bakaji.

Genese 5:24

Yeye mumane kudisanga ne Mvidi Mukulu nanku, Mvidi Mukulu kumuambula, kuya nende, Enoke kayi umueneka kabidi pa buloba to.

Genese 6:9

Ndelanganyi ya Nowa idi nunku: Nowa nkayende munkatshi mua bantu ba tshikondu atshi, uvua muntu muakane, witaba Mvidi Mukulu, udisanga nende mu malu onsu.

1 Bakalenga 2:4

Maweja-Nangila neakumbaje bionsu bivuaye mumane kundaya, mungambile ne: “Pikala ndelanganyi yebe mingitabe, mienze mundi musue, nendamate mu bulelela, kabidi ne muoyi mujima, nansha wewe mumane kufua, misangu yonsu muntu wa ku ndelanganyi yebe neashale mukalenga wa bena Izrayele.”

1 Bakalenga 3:6

Shelomu kuandamuna ne: — Maweja-Nangila uvua muenzele tatu wanyi Davide, muntu webe malu mimpe a bungi, bualu Davide uvua mukuitabe muende muonsu, mukuenzele mudimu ne muoyi umue. Udi muenzele Davide bimpe, nansha kunyima kua lufu luende, bualu udi mumupe muana wa balume, udi mua kumupingana mu bukalenga. Ke mudibi bimueneka lelu.

1 Bakalenga 8:25

Nanku, mpindiewu Maweja-Nangila Mvidi Mukulu wa bena Izrayele, ukumbaje kabidi malaya makuabu, auvua mulaye tatu wanyi Davide, muntu webe. Uvua mumuambile ne: “Pikala ndelanganyi yebe mingitabe ne muoyi umue bu muuvua wewe muenze, ndi nkujadikila ne: muntu wa ku ndelanganyi yebe neakupingane misangu yonsu mu bukalenga, bua kushala mukalenga wa bena Izrayele!”

2 Bakalenga 20:3

— Eyi! Maweja-Nangila, uvuluke bionsu bimvua ngenza. Mvua mukuitabe ne muoyi mujima. Mvua anu ngenza malu mimpe bua kukusankisha! Pashishe, Izkiya kudila bikole.

Yobe 1:1

Ku kale, mu ditunga dia Usa, muvua muntu dina diende, Yobe. Muntu ewu uvua unemeka Mvidi Mukulu, umuitaba, uvua muntu muimpe, mubenge malu mabi.

Yobe 11:7

Kadi wewe udi mua kumanya malu adi munda mua Mvidi Mukulu anyi?

Misambu 115:3

Mvidi Mukulu wetu udi mu diulu, udi wenza bionsu bidiye musue.

Misambu 116:9

Nenku, nengende kumpala kua Maweja-Nangila mu buloba bua ba muoyi.

Misambu 25:14

Badi bitaba Maweja-Nangila, udi ubamanyisha malu ende masokome, ubalongesha mudi ndondu wende.

Ekesode 6:3

Meme ke Mvidi Mukulu wa bukole buonsu uvua mumuenekele Abrahame, Izake ne Yakobe. Kadi tshivua mubambile dina dianyi dia Maweja-Nangila to.

Nsumuinu 10:9

Kusomba biakane nkusomba talalaa. Muntu mubi neatunduke.

Yeshaya 38:3

“Eyi! Maweja-Nangila, vulukaku bionsu bimvua ngenza. Mvua mukulamate ne muoyi mujima. Mvua amu ngenza malu mimpe avua mua kukusankisha!” Pashishe Izkiya kudilaye muadi.

Yirmeya 32:17

— Eyi, Maweja-Nangila Mvidi Mukulu, uvua muleje bukole buebe ne meji ebe, pauvua mufuke diulu ne buloba. Wewe udi mua kuenza bionsu biudi musue.

Mika 6:8

Mbanulongeshe binudi ne bua kuenza, bidi Maweja-Nangila ujinga kudi bantu: udi unulomba bua nunemeke bantu ne bintu biabu, nuenzele bakuabu bimpe, nubanange, nuende bimpe mu njila udi Mvidi Mukulu wenu unuleja.

Dibadika 11:23

Maweja-Nangila kuandamuna Moshe ne: — Meme ndi ne bukole bua kukumbaja bionsu abi. Wewe nkayebe neudimuene amu mpindiewu mundi mbikumbaja.

Dibadika 24:16

Umvuayi diyi dianyi. Meme ndi ngumvua tshidi Mvidi Mukulu wamba. Ndi mmona bidi Maweja-Nangila wa bukole buonsu uleja. Yeye udi ummuenekela pandi mmukukuila.

Matayi 19:26

Yezu ubatangila, kubambilaye ne: — Ebi bidi bikolela bantu. Kadi bionsu bidi biteketela Mvidi Mukulu.

Matayi 5:48

Nuikale bantu balenga tshishiki, bu mu Tatu wenu udi mu diulu mulenga tshishiki.

Luke 1:6

Bonsu babidi bavua bakumbaja bivua Mvidi Mukulu musue, batumikila bimpe menemene mikenji yonsu ne meyi onsu bia Maweja-Nangila.

Bienzedi 23:1

Ke Polu kutangila bena Tshipangu, wamba ne: — Bana betu, too ne lelu mvua mukumbaje bimpe bidi Mvidi Mukulu musue. Nanku kondu ka munda kakena kantuuta.

Bienzedi 24:16

Ke pandi ngenza muanyi muonsu, bua kondu kanyi ka munda kikale katalale kumpala kua Mvidi Mukulu ne kua bantu.

Efeze 3:20

Mvidi Mukulu udi ne bukole bua kuenza bipite ne bitudi tulomba, nansha ne bitudi tuelela meji. Bualu, bukole budiye ukuata nabu mudimu munda muetu mbupite.

Dielulula 10:17

Numanye ne: Maweja-Nangila udi mfumu wa mvidie yonsu, ne mukalenga wa bakalenga. Yeye ke Mvidi Mukulu munene ne wa bukole bonsu, udi bantu bonsu batshina. Kena ne kansungansunga to. Kena witaba mabuejilu to.

Dielulula 18:13

Nanku nuenu bena Izrayele, nukumbaje amu bidi Maweja-Nangila Mvidi Mukulu wenu musue.

Dielulula 30:20

Nangayi Maweja-Nangila Mvidi Mukulu wenu, numutumikile, numuitabe ne muoyi umue. Nanku nenushale ne muoyi bidimu bia bungi mu ditunga di-vuaye mulaye bankambua benu, Abrahame, Izake ne Yakobe.

Filipe 4:13

Bu mudi Kristu unkolesha, ndi mua kupitshila mu bionsu amu bimpe.

Ebrewu 12:28

Nenku tuele Mvidi Mukulu tuasakidila, bualu tudi tupeta bukalenga budi kabuyi buzakala. Tumuele tuasakidila pa kuenzela Mvidi Mukulu mudimu udi umusankisha. Tumutumikile, tumutshine.

Ebrewu 7:25

Ke padiye mua kusungidila, mpindiewu ne matuku onsu, bonsu badi bapitshila kudiye bua kusemena pabuipi ne Mvidi Mukulu. Bualu yeye udi ne muoyi kashidi bua kubakuila kudi Mvidi Mukulu.