Genese 16:5 - MUKANDA WA MYIDI MUKULU

⁵ Ke Sarayi kuambila Abrame ne: — Badi bampenda bipendu bionsu ebi bualu buebe. Meme kukupesha mupika wanyi bua ikale muena kuebe. Kadi katshia wimita difu, kena unnemeka kabidi to. Maweja-Nangila nkayende akose tshilumbu tshidi pankatshi petu nebe.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Salai wakambila Abalama ne, Bubi buanyi buikale kûdi wewe nakafila mukashi muena mudimu wanyi mu tshiadi tshiebe, ne hakamoneye ne, Nakuimita difu, yeye wakundengulula, Yehowa alumbuluile tshilumbu tshidi hankatshi hetu nʼebe.

Genese 16:5 교차 참조

Genese 16:4

Abrame kumubuelela mu nzubu. Agare kuimita difu. Pavua Agare mujadike ne: ndi ne difu, kutekelaye Sarayi kapeja.

Genese 31:53

Mvidi Mukulu wa Abrahame ne wa Nahore akose nsambu yetu nebe. Pashishe Yakobe kuditshipa mu dina dia Mvidi Mukulu uvua mukuatshisha tatuende Izake bowa.

2 Kulondolola 24:22

Mukalenga Yowashe kupua muoyi malu mimpe onsu avuabu bamuenzele kudi Yoyada, tatuende wa Zekarya. Kushipeshaye Zekarya. Bangabanga ne Zekarya kukula muoyi, kuelaye mbila ne: — Maweja-Nangila atangile bidi bienzeka, akunyoke!

Misambu 35:23

Mvidi Mukulu wanyi, juka, undumbuluile! Maweja-Nangila, tabuluka, unsungidile!

Misambu 43:1

Mvidi Mukulu wanyi, kosa nsambu yanyi amu pa yoyi, umbingishe kudi bantu badi kabayi luse. Unsungidile kudi bena dishima ne bena tshinyangu.

Misambu 7:8

Sangisha bisamba bionsu pabuipi nebe. Zangama ku mutu kuabi mu nkuasa webe wa butumbi.

Ekesode 5:21

Kuambilabu Moshe ne Arone ne: — Maweja-Nangila mmumone bionsu ebi. Neanunyoke, bualu tuetu katuena kabidi ne mushinga kudi mukalenga wa bena Ejipitu ne kudi bantu bende. Nudi batukebele dikenga ne lulu.

Yirmeya 51:35

Bantu ba mu Siyone badi bajinga ne: Bapingajile Babilone bibi bionsu bivuaye mutuenzele. Meme Yerushalayime ndi ngamba ne: Banyoke bena Babilone bua mashi etu avuabu bapumune!”

Balombodi 11:27

Meme tshiena mukuenzele bibi to. Wewe ke udi mungenzele bibi, bualu udi unduisha. Anu Maweja-Nangila, mulumbuluishi wa bantu, akose lelu tshilumbu tshidi pankatshi pa bena Izrayele ne bena Amone!

1 Samuele 24:16

Nanku, Maweja-Nangila neatulumbuluishe nebe. Yeye antangile, angakuile. Neakose tshilumbu tshianyi. Neansungidile mu bianza biebe.