Genese 16:13 - MUKANDA WA MYIDI MUKULU

¹³ Agare kudikonka ne: “Ndi mumone Udi mummone anyi?” Kuinyikaye Maweja-Nangila uvua umuakuisha dina ne: “Wewe udi Ele-Royi, mmumue ne: Mvidi Mukulu udi mummone.”

Mukanda wa Nzambi Dihungila Dikulukulu ne Dihungila Dihia-dihia 2003

¹³ Yeye wakidika Yehowa wakamuambila malu au ne, Wewe udi Nzambi udi utangila, bualu bua yeye wakamba ne, Nakamana kumona Nzambi, munyi mundi nshala ne muoyo?

Genese 16:13 교차 참조

Genese 16:7

Agare ufika mu tshipela, pabuipi ne mpokolu wa mayi uvua mu njila wa ku Shure, kusambakenaye ne mutumibue wa Maweja-Nangila.

Genese 22:14

Nanku Abrahame kuinyika muaba awu ne: “Mukuna wa Maweja-Nangila udi utupesha!” Mukuna awu batshidi baubikila too ne mpindiewu ne: “Pa mukuna ewu Maweja-Nangila neatupeshe.”

Genese 28:17

Bowa kumuenza. Kuambaye kabidi ne: — Mbimpe kunemeka muaba ewu, bualu ke mudi nzubu wa Mvidi Mukulu, ne tshibuelelu tshia mu diulu.

Genese 31:42

Mvidi Mukulu wa nkambua wanyi Abrahame, ne Mvidi Mukulu uvua mukuatshishe tatu wanyi Izake bowa, kayi mungambuluishe, uvua mua kumpingaja kuetu bianza bitupu. Kadi Mvidi Mukulu uvua mumone mumvua mudipuekeshe, mumone kabidi mudimu mukole undi mukuenzele. Ke padi Mvidi Mukulu mumbingishe butuku buudi wamba abu.

Genese 32:30

Yakobe kumuebeja ne: — Kadi wewe mene, dina diebe nnganyi? Kampande awu kumuandamuna ne: — Udi musue kumanya dina dianyi bua tshinyi? Pashishe kuelaye Yakobe lupemba.

Genese 32:31

Yakobe kuamba ne: — Ndi nginyika muaba ewu dina ne: Penuyele, mpala wa Mvidi Mukulu, bualu ndi mumonangane ne Mvidi Mukulu mpala ne mpala, meme kushala ne muoyi.

Ekesode 24:11

Bakulu ba bena Izrayele bamane kumona Mvidi Mukulu nanku, kudiabu, kunuabu pamue. Kadi Mvidi Mukulu kena muenzele bakulu ba bena Izrayele abu bibi to.

Nsumuinu 15:3

Mesu a Maweja-Nangila adi atangila miaba yonsu. Udi ujooja bimpe ne babi.

Nsumuinu 5:21

Wamanya! Maweja-Nangila udi ujooja mudi muntu yonsu wenza. Udi umona bionsu bidi muntu wenza.

Balombodi 6:24

Ngideyone kuenzela Maweja-Nangila tshilambuilu muaba awu, kutshinyikaye ne: “Maweja-Nangila udi ufila ditalala.” Mpindiewu tshilambuilu atshi tshitshidi mu Ofra, musoku wa mu diku dia Abiyezere.