Genese 15:9 - MUKANDA WA MYIDI MUKULU

⁹ Maweja-Nangila kumuambila ne: — Ntuadile muana wa ngombe, mbuji ne mukoku wa tshimpanga bia bidimu bisatu. Pashishe ntuadile kamanda-nkutshi ne nkudimba.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Yeye wakamuambila ne, Wangate lukungulu lua ngombe lua bidimu bisatu, ne dishina dia mbushi dia bidimu bisatu, ne tshimpanga tshia mukoko tshia bidimu bisatu, ne nyunyu wa nkutshi ne mputu nyunyu

Genese 15:9 교차 참조

Genese 15:10

Abrame kumutuadila nyama yonsu ayi, kuyipanda nseke, kuteka luseke ne luseke bitangilangane. Kadi kena mupande nyunyi to.

Genese 15:8

Abrame kumukonka ne: — Maweja-Nangila Mvidi Mukulu wanyi, nemmanye ne: ditunga edi nedishale dianyi mushindu kaayi?

Genese 22:13

Abrahame ukenzakana, kumonaye mukoku wa tshimpanga, nsengu yatshi mipatame mu mutshi. Kuangataye mukoku wa tshimpanga awu, kulambula Mvidi Mukulu pa muaba wa muanende Izake.

Misambu 50:5

Udi wamba ne: “Nsangishilayi bena dianyi, bamvua mutue nabu ndondu, balaye mua kuntumikila, bajadike tshiovu ne milambu.”

Musambu wa Solomo 2:12

Bilongu bidi biela nzeba mu ditunga! Ke tshikondu tshidi bionsu bimba misambu. Nyunyi ya tumanda nkutshi idi idila mu madimi etu miaba yonsu.

Yeshaya 15:5

Ndi ndila, nkeba badi mua kuambuluisha bena Mowabe. Bena Mowabe badibu bipata, badi banyema too ne ku Soware, ne ku Eglate-Shelishiya. Badi benda babanda ku Lukite. Bakuabu badi banyema ku njila wa ku Oronayime, bela mbila ya dikenga.

Lewitiki 1:10

“Padi muena Izrayele ulambula mbuji nansha mukoku bu mulambu wa kuosha, asungule anu mukoku wa tshimpanga, nansha mbuji wa mpumbu udi kayi bulema.

Lewitiki 1:14

“Padi muena Izrayele ulambula Maweja-Nangila nyunyi bu mulambu wa kuosha, asungule kamanda-nkutshi nansha nkudimba.

Lewitiki 1:3

“Padiye ulambula ngombe bu mulambu wa kuosha, ngombe awu ikale anu mulume, kayi bulema. Aye nende mu mushiku wa mbelu wa ntenta wa kusambakena bua kulomba luse kudi Maweja-Nangila.

Lewitiki 12:6

“Nanku padi matuku a kudilongolola ku buvyele akumbana, bua muana wa balume, nansha bua wa bakaji uvuaye mulele, mukaji awu aye kudi mutuangaji, imanyine ku mushiku wa mbelu wa ntenta wa kusambakena. Amupeshe muana wa mukoku wa tshidimu tshimue bua aulambule Maweja-Nangila, bu mulambu wa kuosha. Neamupeshe kabidi nkudimba nansha kamanda-nkutshi bu mulambu wa kukobolola nawu bantu.

Lewitiki 12:8

“Kadi padi mukaji awu kayi mua kupeta muana wa mukoku, udi mua kufila nkudimba ibidi, nansha tumanda-nkutshi tubidi. Nyunyi umue ikale bu mulambu wa kuosha, mukuabu ikale bu mulambu wa kumukobolola nawu. Nanku padi mutuangaji ulambula bintu abi kudi Maweja-Nangila, buvyele bua mukaji buajiki.”

Lewitiki 14:22

Angata kabidi nkudimba ibidi nansha tumanda-nkutshi tubidi. Nyunyi umue ikale bua mulambu wa kudikobolola nawu, mukuabu bua mulambu wa kuosha.

Lewitiki 14:30

Mutuangaji angate nyunyi umue wa ku idi muntu mufile, kamanda-nkutshi nansha nkudimba,

Lewitiki 3:1

“Padi muena Izrayele ulambula ngombe bu mulambu wa bobumue, ngombe awu ikale mulume nansha mukaji, kayi bulema. Aye nende muaba wa tshijila,

Lewitiki 3:6

“Kadi padi muena Izrayele ulambula Maweja-Nangila mbuji nansha mukoku bu mulambu wa bobumue, tshimuna atshi tshikale tshilume nansha tshikaji, katshiyi bulema.

Lewitiki 9:2

Kuambilaye Arone ne: — Angata muana wa ngombe mulume udi kayi ne bulema, umulambule Maweja-Nangila bu mulambu wa kukobolola nawu bantu. Wangate kabidi mukoku wa tshimpanga udi kauyi ne bulema, uulambule Maweja-Nangila bu mulambu wa kuosha. Wimane nabi kumpala kua Maweja-Nangila.

Lewitiki 9:4

Bangate kabidi ngombe mulume, mukoku wa tshimpanga bua mulambu wa bobumue. Nenusakidile ku nyama mulambu wa bukula busampakaja ne mafuta. Bualu Maweja-Nangila neanumuenekele lelu.

Luke 2:24

Batua balambula kabidi ne mulambu udibu bafunde mu mikenji ayi ne: “Nufile nkutshi ibidi, nansha bana ba nkudimba babidi.”