Genese 15:5 - MUKANDA WA MYIDI MUKULU

⁵ Maweja-Nangila kupatuka ne Abrame mu ntenta wende, umuambila ne: — Tangila mulu ne udi mua kubala mitotu idimu. Ke muikale bungi bua ndelanganyi yebe.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Yehowa wakaluhuka nʼandi mu nsubu, wakamba ne, Tangila mutu bala mitoto, biwamanya mua kuyibala Yeye wakamuambila ne, Tunkanunuina biebe netuikale bungi nunku.

Genese 15:5 교차 참조

Genese 12:2

Nenkuele lupemba, wikale tatu wa tshisamba tshinene tshia bantu. Dina diebe nedikale ne lumu lunene. Kabidi bantu bakuabu nebapete diakalenga kuudi.

Genese 13:16

Nemvudije ndelanganyi yebe bungi budi muntu kayi mua kuyibala. Bu mudi muntu kayi mua kubala lusenga ludi pa buloba, ke mudibu kabayi mua kubala ndelanganyi yebe.

Genese 16:10

Maweja-Nangila neavudije ndelanganyi yebe bungi budi muntu kayi mua kubala.

Genese 17:2

Ndi ntua nebe ndondu. Nemvudije ndelanganyi yebe.

Genese 22:17

Nenkuele lupemba; nemvudije ndelanganyi yebe bungi bua mitotu ya mulu, nansha bu lusenga lua ku muelelu wa mayi manene. Ndelanganyi yebe neyinyenge misoku ya bena lukuna bayi.

Genese 26:4

Meme nemvudije ndelanganyi yebe bu mitotu ya kulu. Nempeshe ndelanganyi yebe ditunga dionsu edi. Kabidi mu dina dia ndelanganyi yebe, nengele bisamba bionsu bia pa buloba lupemba.

Genese 28:14

Ndelanganyi yebe neyivulangane bu lusenga lua pa buloba. Neyimuangalake nseke yonsu inayi ya buloba. Nengele bisamba bionsu bia pa buloba lupemba mu dina diebe ne dia ndelanganyi yebe.

Genese 32:13

Wewe uvua mundaye ne: “Nenkulame, neupete dikasa dimpe. Nemvudije ndelanganyi yebe bu lusenga lua ku muelelu wa mayi manene, ludi muntu kayi mua kubala.”

1 Bakalenga 3:8

Mpindiewu nkaadi mulombodi wa bena Izrayele bauvua musungule. Bena Izrayele mbapite bungi, kabayi mua kubala to.

1 Kulondolola 27:23

Mukalenga Davide kavua mubadike bansongalume ba bena Izrayele bavua ne bidimu bishadile ku makumi abidi to. Bualu Maweja-Nangila uvua mudianjile kumanyisha ne: neavudije bena Izrayele bungi bu mitotu ya kulu.

Nehemya 9:23

Ndelanganyi yabu ivua ya bungi, mipite mitotu ya mu diulu. Udi mubafile bua bakuate ditunga dia Kenaane, diuvua mulaye bankambua babu.

Yobe 35:5

Ujoje mavuba, utangile tshibuashibuashi, kabiena bikupite ku bule anyi?

Misambu 147:4

Yeye kabidi ke udi ubala mitotu bungi buayi, uyinyika yonsu mena.

Ekesode 32:13

Uvuluke meyi ebe ne mitshipu biuvua mulaye bantu bebe Abrahame, Izake ne Yakobe bua kuvudija ndelanganyi yabu, bu mitotu ya mulu, kabidi bua kupianabu ditunga edi dionsu kashidi.

Yeshaya 51:2

Vulukayi Abrahame tatuenu, ne Sara uvua munulele. Abrahame kavua ne muana, pamvua mumubikile. Kadi meme kumuela lupemba, ndelanganyi yende kuvulangana pa buloba.

Yirmeya 33:22

Nemvudije ndelanganyi ya muntu wanyi Davide ne ndelanganyi ya Levi, badi bangenzela mudimu wa butuangaji. Nebikale bavule bu mitotu ya mulu idibu kabayi mua kubala, nansha bu lusenga ludi ku muelelu wa mayi manene ludi bantu kabayi mua kubala.

Rome 4:18

Abrahame uvua muitabe, mutekemene kabidi bivuaye kayi mua kutekemena. Ke yeye kuenza “nkambua wa bisamba bi-vule,” bilondeshile bivua Mvidi Mukulu mumuambile ne: “Ndelanganyi yebe neyikale bungi bua momumue ne mitotu.”

Dielulula 1:10

Maweja-Nangila Mvidi Mukulu wenu mmunuvudije. Mpindiewu nudi bungi bu mitotu ya mulu.

Dielulula 10:22

Pafikile bankambua benu mu Ejipitu, kabavua bapite ku makumi muanda mutekete to. Kadi mpindiewu, Maweja-Nangila Mvidi Mukulu wenu mmunuvudije bu mitotu ya mulu.

Ebrewu 11:12

Nenku muntu umue ewu, uvua mumane kuikala bu mufue, kulela ndelanganyi ya bungi, bungi kabuyi kubala, bu mitotu ya mu diulu, bu lusenga lua ku muelelu wa mayi manene.

Yoshua 24:3

Nanku meme kumusha nkambua wenu Abrahame mu ditunga adi divua dishiya dia Perate. Meme kumuendesha mu ditunga dia Kenaane dijima. Meme kuvudija ndelanganyi yende, kumupa Izake.