Genese 15:18 - MUKANDA WA MYIDI MUKULU

¹⁸ Dituku adi, Maweja-Nangila kutua ndondu ne Abrame muaba awu, kumulaya ne: — Matunga aa nengapeshe ndelanganyi yebe, biangatshile ku musulu wa Ejipitu ne ku musulu munene wa Perate.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Mu dituku adi mene Yehowa wakahunga ne Abalama tshihungidi ne, Ndi mpa tunkanunuina biebe buloba abu ku musulu wa mu Ejipitu to ne ku musulu munene wa Pelata,

Genese 15:18 교차 참조

Genese 12:7

Maweja-Nangila kumuenekela kabidi Abrame, umuambila ne: “Ditunga edi nendipeshe ndelanganyi yebe.” Abrame kuashila Maweja-Nangila tshilambuilu muaba mene uvua Maweja-Nangila mumumuenekele.

Genese 13:15

Buloba ebu buonsu nenkupeshabu kashidi ne ndelanganyi yebe.

Genese 2:14

Musapa muisatu ke Tigre; wowu udi upita ku luseke ludi diba dipatukila lua tshimenga tshia Ashure. Musapa muinayi ke Perate.

Genese 24:7

Bualu pavua Maweja-Nangila, Mvidi Mukulu wa diulu, mumpatule mu ditunga dietu ne mu diku dia baledi banyi, uvua mundaye bua kupesha ndelanganyi yanyi ditunga edi. Nanku, anu yeye neatume mutumibue wende kumpala kuebe, bua akuleje nsongakaji uudi mua kuselela muananyi Izake.

Genese 26:4

Meme nemvudije ndelanganyi yebe bu mitotu ya kulu. Nempeshe ndelanganyi yebe ditunga dionsu edi. Kabidi mu dina dia ndelanganyi yebe, nengele bisamba bionsu bia pa buloba lupemba.

Genese 28:4

Mvidi Mukulu akuele wewe ne ndelanganyi yebe lupemba, muvuaye muele Abrahame, bua ditunga diudi usomba bu muenyi edi, didi Mvidi Mukulu mupeshe Abrahame, dishale diebe.

Genese 35:12

Wewe ne ndelanganyi yebe, ndi nnupesha ditunga dimvua mulaye Abrahame ne Izake. Nenku nendipeshe kabidi ndelanganyi yebe.

Genese 50:24

Yozefe kulayangana ne bana abu, ubambila ne: — Meme nkadi mikolu ku tshiina. Kadi Mvidi Mukulu neanuambuluishe. Neanunuishe mu ditunga edi, anufikishe mu ditunga divuaye mulaye Abrahame, Izake ne Yakobe.

2 Samuele 23:5

Ke malu adi Mvidi Mukulu muenzele bena nzubu wanyi. Uvua mutue nanyi ndondu wa kashidi, mujadike ndondu awu ne mikenji idi bantu kabayi mua kubenga. Bionsu bidi binsankisha, udi ubikumbaja.

2 Samuele 8:3

Pavua Adadezere, muana wa Rekobe, mukalenga wa Soba, mu ditunga dia bena Siriya, mu luendu, ukeba mua kukuata tshiakabidi buloba bua ku musulu wa Perate, Davide kumutshimuna.

1 Bakalenga 5:1

Bualu mukalenga Shelomu uvua ukokesha makalenga makese onsu, biangatshile ku musulu munene wa Perate ne ku ditunga dia bena Peleshete, too ne ku mukalu wa ditunga dia bena Ejipitu mene. Bakalenga bonsu bavua mu matunga aa bavua amu ku bumfumu bua mukalenga Shelomu. Bavua bamulambula milambu, bamuenzela mudimu matuku onsu avuaye ne muoyi.

1 Kulondolola 16:16

Ke dilaya divuaye mulaye Abrahame. Ke mutshipu uvuaye muditshipe kudi Izake.

1 Kulondolola 5:9

Ku luseke ludi diba dipatukila, bavua basomba too ne ku tshipela tshivua tshienza mikalu ya buloba buabu ne musulu wa Perate, musulu wa bena Babilone. Bualu bavua ne bimuna bia bungi mu ditunga adi dia Ngilaade.

2 Kulondolola 7:8

Anu tshikondu atshi, Shelomu ne bena Izrayele bonsu bavua muaba awu bapite bungi, kuenza tshibilu tshia tuzubu tua Bisasa matuku muanda mutekete. Bena Izrayele abu, bavua bafumine mu ditunga dijima dia bena Izrayele, biangatshile ku Lebo-Amate ku mutu mu ditunga, too ne ku musulu wa Ejipitu udi kuinshi mu ditunga.

2 Kulondolola 8:7

Mu ditunga amu mutshivua bantu ba bisamba bikuabu: Ke bena Iti, bena Amore, bena Perizi, bena Ivi ne bena Yebusa, mmumue ne bantu bonsu bavua kabayi bena Izrayele to.

2 Kulondolola 9:26

Bamfumu bonsu bavua ku bumfumu bua mukalenga Shelomu, biangatshile ku musulu munene wa Perate, too ne ku ditunga dia bena Peleshete, kabidi too ne ku mukalu wa ditunga dia bena Ejipitu.

Ezela 4:20

Ku kale mu tshimenga amu muvua bakalenga ba bukitu bavua balombola buloba bujima buvua ku luseke ludi diba dibuelela lua musulu wa Perate. Bavua balambuishamu bitadi, bafutshisha milambu mishilangane.

Nehemya 9:8

Wewe kujadika muvuaye mukuitabe ne muoyi umue. Nanku wewe kutua nende ndondu: kumulaya bua kumupesha ditunga dia bena Kenaane, bena Iti, bena Amore, bena Perizi, bena Yebusa ne bena Ngirgashi, bua ndelanganyi yende isombemu. Wewe kukumbaja biuvua muambe, bualu wewe udi wa diyi dimue.

Misambu 105:11

pavuaye umuambila ne: “Ndi nkupesha ditunga dia Kenaane bu bumpianyi buebe ne bua ndelanganyi yebe.”

Ekesode 13:11

Moshe kuamba kabidi ne: — Pikala Maweja-Nangila munufikishe mu ditunga dia bena Kenaane, divuaye munulaye nuenu ne bankambua benu,

Ekesode 2:24

Mvidi Mukulu kumvua mikemu yabu, kuvuluka ndondu uvuaye mutue ne Abrahame, Izake ne Yakobe.

Ekesode 23:23

“Kabidi mutumibue wanyi awu, neende kumpala kuenu bua kunufikisha mu ditunga dia bena Amore, bena Iti, bena Perizi, bena Kenaane, bena Ivi ne bena Yebusa. Nembutule bena bisamba ebi bionsu.

Ekesode 3:8

Ndi mufike bua kubasungidila kudi bena Ejipitu, kubumusha mu ditunga edi, kubabueja mu ditunga dialabale didi ne mabela ne buitshi bipite bungi. Ke ditunga didibu basombe mpindiewu kudi bena Kenaane, bena Iti, bena Amore, bena Perizi, bena Ivi ne bena Yebusa.

Ekesode 32:13

Uvuluke meyi ebe ne mitshipu biuvua mulaye bantu bebe Abrahame, Izake ne Yakobe bua kuvudija ndelanganyi yabu, bu mitotu ya mulu, kabidi bua kupianabu ditunga edi dionsu kashidi.

Ekesode 34:11

“Wewe Moshe, ukumbaje malu onsu andi mukuambile lelu aa. Meme nenkuipatshile bena Amore, bena Kenaane, bena Iti, bena Perizi, bena Ivi ne bena Yebusa.

Ekesode 34:24

Pangipata bisamba bikuabu bionsu binudi nabi pabuipi, nendiundishe mikalu ya ditunga dienu, bua panudi numuka bua kumonanganna nanyi misangu eyi isatu, bantu bakuabu kabena mua kuikala ne lukuka lua ditunga dienu to.

Ekesode 6:4

Mvua mutue nabu ndondu, mubalaye mua kubapesha ditunga dia Kenaane divuabu basombe bu bantu benyi.

Ekesode 6:8

Nennufile mu ditunga dimvua mulaye Abrahame, Izake ne Yakobe. Ditunga adi nedishale bupianyi buenu. Meme Maweja-Nangila ndi njadika bualu ebu.”

Yeshaya 27:12

Kadi dituku adi, Maweja-Nangila, neanowe, ashipule miepu yende ya ntete, ya ku musulu wa Perate, too ne ya ku musulu wa mu Ejipitu. Nenku, nuenu bena Izrayele, nennusangishe muntu ne muntu.

Yeshaya 55:3

Ntelejayi meme. Luayi kundi. Umvuayi diyi dianyi, nenuikale ne muoyi. Maweja-Nangila udi wamba ne: “Ndi ntua nenu ndondu wa kashidi. Ndi musue kunuenzela bilenga bimvua mulaye Davide.

Yirmeya 32:22

Uvua mulaye bankambua betu, muditshipe ne: nennupeshe ditunga. Ke muaba utudi tusomba lelu. Ditunga edi didi ne mabela ne buitshi, wewe kubapeshadi.

Yirmeya 32:40

Ndi ndaya ne: tshiena musue kubabenga kabidi to. Nanku nentue nabu ndondu wa kashidi. Nenbambuluishe bua bannemeke, bua kabalamuki kabidi kundi.

Lewitiki 26:42

Pashishe, nenkuluke ndondu wanyi, umvua mutue ne bankambua babu aba: Abrahame, Izake ne Yakobe. Nemvuluke kabidi malu onsu amvua mubalaye bua ditunga diabu.

Lewitiki 26:45

Nemvuluke ndondu umvua mutue ne bankambua babu, pamvua mubapatule mu ditunga dia Ejipitu, bisamba bionsu bitangile, bua meme kubapandisha ne kuikala Mvidi Mukulu wabu. Ndi Maweja-Nangila.”

Dibadika 34:5

Pashishe mukalu wenu neubende mu Ashimone, bua kufika ku musulu wa mu Ejipitu, ushiki la ku Mayi manene a pankatshi pa matunga.

Bienzedi 7:5

Mu ditunga edi Mvidi Mukulu kavua mupeshe Abrahame buloba nansha bukese, nansha muaba bunene bua dikasa to. Kadi Mvidi Mukulu kumulaya amu bua kumupa ditunga. Ndelanganyi yende ivua mua kudipiana, yeye mumane kufila. Kadi tshikondu atshi Abrahame kavua muanji kulela.

Dielulula 11:24

Ditunga dijima ndienu. Mikalu yadi idi mushindu ewu: kutuadija ku tshipela tshidi kuinshi mu ditunga, too ne ku mikuna ya Lebanone, idi ku mutu mu ditunga; ku musulu munene wa Perate luseke lua kudi diba dipatukila, too ne ku Mayi manene a pankatshi pa matunga, luseke lua kudi diba dibuelela.

Dielulula 12:20

Pikala Maweja-Nangila wenu mudiundishe ditunga dienu bu muvuaye mulaye, nenuikale nudia munyinyi munudi basue.

Dielulula 19:8

Panuikala banange Maweja-Nangila Mvidi Mukulu wenu, panuenza anu mudiye musue, panuakumbaja mikenji yonsu indi nnuambila eyi, yeye neadiundishe ditunga dienu. Neanupe ditunga dijima divuaye mulaye bankambua benu.

Dielulula 34:4

Ke Maweja-Nangila kuambila Moshe ne: — Tangila ditunga dimvua mulaye Abrahame, Izake ne Yakobe, mubambile ne: “Nempeshe ndelanganyi yenu ditunga edi.” Ndi nkulejiladi anu pa bule, kadi kuena ufikamu to.

Dielulula 7:1

Maweja-Nangila Mvidi Mukulu wenu, neanufikishe mu ditunga dinudi ne bua kukuata. Neanuipatshile bisamba ebi muanda mutekete: bena Iti, bena Ngirgashi, bena Amore, bena Kenaane, bena Perizi, bena Ivi ne bena Yebusa, bidi binupita bungi ne bukole.

Ebrewu 13:20

Mvidi Mukulu uvua mubishe ku lufu Mfumu wetu Yezu, udi mulami munene wa mikoku, ku mashi a mulambu wende, adi ajadika ndondu wa tshiendelele.

Yoshua 13:3

mmumue ne: ditunga didibu batangila bu dia bena Kenaane, biangatshile ku musulu wa Shikore, ku mikalu ne Ejipitu, too ne ku ditunga dia Ekrone ku mutu wa ditunga. Ke mudi bakalenga batanu ba bena Peleshete. Bimenga biabu binene bia bukalenga: ke Ngaza, Asdode, Askalone, Ngate ne Ekrone. Mudi kabidi ditunga dia bena Avi,

Yoshua 15:4

Mukalu awu uvua uyila ku Asmone, ufika ku musulu wa Ejipitu bua kuya kudiela mu Mayi manene a pankatshi pa matunga. Ke muvua mukalu wa buloba bua bena Yuda luseke lua kuinshi.

Didimanyisha 9:14

Diyi divua diambila mutumibue muisambombu uvua mukuate mpungi ne: “Sulula batumibue banayi bavuabu basuike nkanu pabuipi ne musulu wa Perate.”