Genese 14:5 - MUKANDA WA MYIDI MUKULU

⁵ Mu tshidimu tshia dikumi ne tshinayi, Kedorlayomere ne bakalenga bavuaye mudie nabu bulunda, kuluisha bena Refayime mu Ashetarote-Kamayime, bena Zuzime mu Ame, ne bena Emi mu mpata ya Kiriyatayime, kupitabu bakalenga bonsu abu bukole.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Mu tshidimu tshia dikumi ne binai Kedôlaome wakalua ne bakelenge bakadi nʼandi, bakahita Bena Lefa ba mu Ashelota kânayima bukole, ne Bena Zusa ba mu Hama, ne Bena Eme ba mu Shawe kiyatayima,

Genese 14:5 교차 참조

Genese 14:4

Bidimu dikumi ne bibidi, bavua anu ku bukokeshi bua Kedorlayomere too ne pakatombokabu mu tshidimu tshia dikumi ne tshisatu.

Genese 15:20

dia bena Iti, dia bena Perizi, dia bena Refayime,

2 Samuele 23:13

Dituku dikuabu, tshikondu tshia kunowa, bantu basatu ba mu “Tshisumbu tshia bena mvita Makumi asatu” kufika kudi Davide mu lubuebue lua Adulame, bualu bena mvita ba bena Peleshete bavua base mitanda mu tshibandabanda tshia bena Refayime.

2 Samuele 5:18

Bena Peleshete kufika mu tshibandabanda tshia mu Refayime.

2 Samuele 5:22

Bena Peleshete kuya kabidi kuluisha Davide. Kubuelabu mu tshibandabanda tshia Refayime.

1 Kulondolola 11:15

Dituku dikuabu, pavua bena Peleshete basa mu tshibandabanda tshia bena Refayime, bantu basatu ba mu “Tshisumbu tshia bena mvita Makumi asatu” kuya kudi Davide mu lubuebue luvua pabuipi ne nyongolu wa Adulame.

1 Kulondolola 14:9

Bena Peleshete kufika mu tshibandabanda tshia bena Refayime, kubanga kutshinyangakaja.

1 Kulondolola 4:40

Kusanganabu bisosa bia bungi bilenga mu buloba bualabale, butalale, kamuyi mutoyi. Ke muaba uvua ndelanganyi ya Kame misombe kale.

Misambu 105:23

Pashishe Yakobe kuya mu Ejipitu, Izrayele kusomba mu ditunga dia Kame.

Misambu 105:27

Ku bukole buende kuenzabu bishima munkatshi muabu, kuenzabu malu a kukema mu ditunga dia Kame.

Misambu 106:22

mubenzele malu a kukema mu ditunga dia Kame, ne malu adi akuatshisha bowa ku mayi manene a Luepu.

Misambu 78:51

mu meku a bena Ejipitu, mu ndelanganyi ya bana ba Kame, kubutulaye ba muana buta, bana bavuabu balela kumpala patshivuabu ne bukole.

Yeshaya 17:5

Nebadimone bu badi mu tshikondu tshia dinowa. Bakadi bamane kunowa ntete ya kuenza bukula. Bakadi bamane kusangisha bisumbu bia miepu. Bidi amu bu mudibu benza mu tshibandabanda tshia bena Refayime, bapele bashala bapumbulula amu miepu mikese.

Yirmeya 48:1

Maweja-Nangila wabukole buonsu, Mvidi Mukulu wa Izrayele udi umanyisha mukenji udi utangila bena Mowabe, wamba ne: Bena Nebo nebakenge! Tshimenga tshiabu netshinyanguke! Bena Kiriyatayime nebafue bundu. Nebakuate tshimenga tshiabu. Bena Mowabe nebafue bundu, kabakuikala ne bukole kabidi!

Yirmeya 48:23

tshia Kiriyatayime, tshia Bete-Ngamule, tshia Bete-Meyone,

Dibadika 32:37

Ndelanganyi ya Rubene kuasulula bimenga ebi: Eshebone, Elale, Kiriyatayime,

Dielulula 1:4

Malu aa avua menzeke, Moshe mumane kutshimuna Sihone, mukalenga wa bena Amore, uvua muase ku Eshebone. Uvua mumane kutshimuna kabidi mu tshimenga tshia Edreyi, Oge, mukalenga wa Bashane, uvua muase ku Ashetarote.

Dielulula 3:11

(Ku ndelanganyi ya bena Refayime bonsu, Oge, mukalenga wa Bashane, ke wa ndekelu udi mushale ne muoyi. Lukita luende bavua baluenze mu dibue. Batshidi mua kulumona mu Raba, tshimenga tshinene tshia bena Amone. Ludi ne bule bua metre anayi ne tshitupa, butshiama bua metre abidi.)

Dielulula 3:13

Tshitupa tshia tshisamba tshia Menashe, tshidi tshisomba luseke ludi diba dipatukila lua Yardene, ndi mutshipeshe tshitupa tshivua tshishale tshia buloba bua Ngilaade, ne ditunga dijima dia Bashane, mmumue ne: muaba uvuabu kudi mukalenga Oge kale. (Buloba bua Argobe, ne bua Bashane, badi babubikila kabidi ne: ditunga dia Refayime.

Dielulula 3:20

Nanku nuambuluishe bena Izrayele bakuabu, too ne pikala Maweja-Nangila mubafikishe mu ditunga didiye ubapesha didi dishiya, luseke ludi diba dibuelela lua musulu wa Yardene, bua kupetabu dikisha bu munudi bapete nuenu. Pashishe muntu yonsu wa kunudi neapingane kuende mu ditunga dindi mumupeshe.”

Dielulula 3:22

Nanku, kanubatshinyi to, bualu Maweja-Nangila Mvidi Mukulu wenu neanuluile mvita ayi.”

Yoshua 12:4

Mukalenga mukuabu uvua Oge. Udi umue wa ku bantu ba ndekelu ba bena Refayime. Uvua ulombola bantu bavua mu Bashane. Uvua usombela mu Ashetarote nansha mu Edreyi.

Yoshua 13:12

Muvua kabidi ditunga dia Oge, umue wa ku bakalenga ba ndekelu ba bena Refayime, uvua mukalenga mu Ashetarote ne mu Edreyi mu buloba bua Bashane. Moshe kutshimuna bisamba bia mu matunga aa, kubinyenga maloba abi.

Yoshua 13:19

Kiriyatayime, Sibma, Serete-Shakare pa kakuna kadi katangilangana ne tshibandabanda,

Yoshua 13:31

Muvua kabidi tshitupa tshia ditunga dia Ngilaade, ne bimenga bia Ashetarote ne Edreyi, bimenga binene bia kale bia Oge, mukalenga wa Bashane. Buloba buonsu ebu bavua babuabanyine tshia bibidi tshia meku a ndelanganyi ya Makire, muana wa Menashe.

Yoshua 9:10

Kabidi tudi bamanye muvuaye mukengeshe bakalenga babidi ba bena Amore bavua dishiya dia musulu wa Yardene. Bakalenga aba ke: Sihone, mukalenga wa Eshebone, ne Oge, mukalenga wa Bashane, uvua musombe mu Ashetarote.