Genese 14:10 - MUKANDA WA MYIDI MUKULU

¹⁰ Mu tshibandabanda tshia Sidime, bavua bumbulemu bina bia bungi bia kabudimbu. Nanku bakalenga babidi, wa Sodome ne wa Ngomore, kudishinda mu bina abi pavuabu banyema mvita. Basatu bavua bashale kunyema batangila ku mukuna.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Tshibanda tshia Sidima tshiakadi tshiule tente ne bina bia bitume ne bakelenge ba Sodoma ne Amola bakanyema, bakahonamu, bakuabo bakashala bakanyemena ku mukuna.

Genese 14:10 교차 참조

Genese 11:3

Kuambilanganabu ne: “Tuenzayi tushole, tuoshe!” Bavua basa nzubu ne tushole, bibake pamue ne kabudimbu.

Genese 14:11

Bilobu binayi bivua bitshimuna, kupawulabi bintu bionsu bia bena Sodome ne bena Ngomore, too ne biakudia biabu, kunyemabu nabi.

Genese 14:17

Mukalenga wa bena Sodome kuya mu tshibandabanda tshia Shawe (mmumue ne tshia Mukalenga), bua kuakidila Abrame pawaye upingana ku mvita, mumane kutshimuna Kedorlayomere ne bamfumu bonsu bavuaye nabu.

Genese 14:21

Mukalenga wa bena Sodome kuambila Abrame ne: — Mpingajila meme bantu banyi, wewe ushale ne bintu.

Genese 14:3

Bakalenga batanu aba kudisangisha mu tshibandabanda tshia Sidime (mmumue ne muaba udi lelu Mayi manene a luepu). Kumvuanganabu bua kuluangana mvita.

Genese 14:9

Bavua baluisha Kedorlayomere, mukalenga wa bena Elame, Tidale, mukalenga wa bena Ngoyime, Amrafele, mukalenga wa bena Babilone, ne Ariyoke, mukalenga wa bena Elazare. Bakalenga aba bavua baluishangane banayi kua batanu.

Genese 19:17

Bobu bamane kupatuka mu ditunga, mutumibue wa Mvidi Mukulu mukuabu kuambila Lote ne: — Nyema, kolesha bua kudipandisha. Kutangidi panyima, kuimanyi pa muaba. Uye kusokoma ku mukuna bua kuvu kubutuka.

Genese 19:30

Lote uvua ne buowa bua kushala mu Soware. Ke nuwuaye mumuke ne bana bende ba bakaji babidi bua kuya kusokoma nabu mu lubuebue pa mikuna.

Misambu 83:10

Eyi, Mvidi Mukulu, enzela bantu aba bu muuvua muenzele Sisra ne Yabine, ku musulu wa muenji mukole wa Kishone. Nansha bu muuvua muenzele bena Madiyane,

Yeshaya 24:18

Muntu yonsu wanyema, bua mbila idi mukuatshisha bowa, neapone mu dijimba. Kadi pikalaye mupatuke mu dijimba, buteyi nebumukuate. Mvula wa bungi nealoke mulu. Buloba nebuzakale ne kuinshi kuabu.

Yirmeya 48:44

Muntu udi unyema mvita, bua bowa, neadishinde mu dijimba. Udi upatuka mu dijimba, nebamukuate mu bukondu. Ke dikenga dindi mulongoluele ditunga dia Mowabe, pangafika bua kudinyoka.

Yoshua 8:24

Bena Izrayele bavua bashipa baluishi babu munkatshi mua mpata, muaba uvua baluishi abu babalondakaja. Bobu bamane kubutula bena Ayi bonsu, kakuyi kushala muntu nansha umue, kupinganabu kabidi mu tshimenga tshia Ayi. Kubutulabu bantu bonsu bavua bashale ne muoyi.