Genese 13:13 - MUKANDA WA MYIDI MUKULU

¹³ Kadi bena Sodome bavua bena buenzayi, babenga meyi a Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Bantu ba mu Sodoma bakadi babi, bakatamba kuhidia Yehowa.

Genese 13:13 교차 참조

Genese 10:9

Uvua kabidi tshilembi tshia bushuwa, muikale ne bukole bua kudi Maweja-Nangila. Biakashala bu makumbu ne: “Maweja-Nangila akuambuluishe bua wikale tshilembi bu Nimrode.”

Genese 15:16

Amu tunkanunuina tuebe tua tshikondu tshinayi netupingane mu ditunga edi kashidi. Bualu nengipate bena Amore anu pambamona ne bubi buabu budi bukengela dinyoka.

Genese 18:20

Pashishe Maweja-Nangila kuambila Abrahame ne: — Bantu mbafunde bena Sodome ne Ngomore kundi, bualu buenzayi buabu mbupite.

Genese 19:13

Bualu Maweja-Nangila mmumane kumvua lumu lua buenzayi bua bena tshimenga etshi, mututume bua kutshibutula.

Genese 38:7

Ere, muanabute wa Yuda, kavua ukumbaja bivua Maweja-Nangila musue nansha. Nanku Maweja-Nangila kumushipesha.

Genese 39:9

Mu nzubu emu katshiena utangila tshintu nansha tshimue. Tudi nende ne bumfumu bua mushindu umue ku bintu bionsu, pa kukumusha wewe, bualu udi mukajende. Nanku tshiena mua kuenzela Mvidi Mukulu bibi, kubunda tshibawu bunene nunku!

Genese 6:11

Mvidi Mukulu uvua mumone buenzayi bua bantu pa buloba bujima.

2 Bakalenga 21:6

Kufikaye ne ku dilambula muanende wa balume bu mulambu wa kuosha. Kuenzaye majimbu a mishindu mishilangane, kubukaye lubuku lua muzangu. Nanku, Menashe uvua wenza anu malu adi Maweja-Nangila mubenge, umufikisha munda.

Yeshaya 1:9

Kadi bu Maweja-Nangila muena bukole buonsu, kayi mupandishe kasumbu kakese ka bantu, tuvua mua kubutuka bu tshimenga tshia Sodome, tuvua mua kujimina bu tshimenga tshia Ngomore.

Yirmeya 23:14

Kadi bindi mumone kudi bambi ba mu Yerushalayime, bidi bibi bipite. Badi benza malu a tshiendenda, badi bashimangana. Badi bakolesha bena buenzavi ku muoyi, badi bakandika muntu yonsu bua kadilengeji. Badi amu bu bena Sodome. Bena Yerushalayime badi amu bu bena Ngomore.”

Yirmeya 23:24

Maweja-Nangila udi webeja ne: pikala muntu usokoma, tshiena ne mushindu wa kumumona anyi? Ndi miaba yonsu: mu diulu ne pa buloba. Kanuena bamanye bualu ebu anyi?

Dibadika 32:23

Kadi numanye ne: Nuenu kanuyi bakumbaje bionsu ebi, nenuikale bena tshibawu. Maweja-Nangila neanunyoke.

Matayi 9:10

Ke Matayi kuakidila Yezu ku nzubu kuende. Balambuishi ba bitadi ba bungi, ne bantu bakuabu kabidi bavua ne lumu lubi, kufikabu bua kudia ne Yezu, kabidi ne balongi bende, ku mesa.

Matayi 9:13

Nuye kuela meji bua kumvua tshidibu bafunde mu Mukanda wa tshijila ne: “Ndi musue bua nufuilangane luse. Tshiena njinga bua nundambule nyama nansha.” Bualu tshiena umvue bua kubikila bantu bimpe, kadi anu babi.

Yowanane 9:24

Baparushe kubikila muntu uvua mpofu awu tshiakabidi, kumuamba ne: — Uditshipe kumpala kua Mvidi Mukulu bua kuamba malu malelela. Tuetu tudi bamanye ne: muntu ewu udi muenji wa malu mabi.

Yowanane 9:31

Tudi bamanye ne: Mvidi Mukulu kena uteleja benji ba malu mabi. Kadi udi uteleja muntu udi umunemeka, ukumbaja bidiye musue.

Rome 1:27

Momumue kabidi balume badi babenga kubuelela bakaji babu mu nzubu. Mioyi idi ibajukuka kapia bua kusaminanganabu muoyi. Balume nkayabu badi benzelangana malu a bundu. Ke mudibu bapeta bobu nkayabu dinyoka dikumbanyina bubi buabu.

Ebrewu 4:13

Kakuena kantu nansha kamue kadi mua kusokoma Mvidi Mukulu. Bintu bionsu, bifukibua bionsu bisanga bidi bimueneka patoke ku mesu kuende. Yeye ke utudi ne bua kuambila malu etu onsu.

2 Petro 2:10

Neanyoke nangananga badi balonda majinga mabi a buntu buabu panu, babenga bumfumu bua Mvidi Mukulu. Balongeshi ba dishima bamvua mubambile aba, badi bantu ba dikamakama, badiambi. Kabena banemeka bifukibue bia lumu bidi mu diulu, kadi badi babipetula.

Yuda 1:7

Nuvuluke kabidi bimenga bia Sodome ne Ngomore, ne bikuabu bivua nabi mutumba. Bena bimenga abi bavua benza malu mabi, anu bu batumibue aba, bakeba kuenda buendenda ne bantu ba mushindu mukuabo. Badi babanyoka mpindiewu mu kapia ka kashidi, bua tshilejilu tshiabu tshidimuje bantu bonsu.

1 Samuele 15:18

Kadi, Mvidi Mukulu uvua mumane kukuambila tshiudi ne bua kuenza. Uvua mukutume bua wewe kushipa bena Amaleke, bena buenzayi, bua wewe kuluangana nabu mvita, too ne pabutukabu bonsu bua buenzayi buabu.

1 Samuele 2:17

Nanku bana ba balume ba mutuangaji Eli bavua bapepeja Maweja-Nangila bikole, bualu kabavua banemeka milambu ivuabu bamulambula.