Genese 13:10 - MUKANDA WA MYIDI MUKULU

¹⁰ Lote ukenzakana, kumona muvua mpata ya Yardene mimpe mitambe, bualu ivua ne mayi. Maweja-Nangila kavua muanji kubutula Sodome ne Ngomore to. Nanku mpata ayi too ne ku Soware ivua bu lupangu lua Paradizu, mifuanangane ne tshibanda tshia Nile.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Lota wakabanduluka, wakamona mpata ne bibanda bia musulu wa Yadene, ne tusulu tuakadi kuonso diambedi Yehowa kayi muanze kushiha Sodoma ne Amola, mpata au wakadi bu tshibundu tshia Yehowa, wakadi bu buloba bua Ejipitu, hawaya mu nshila wa ku Soa.

Genese 13:10 교차 참조

Genese 11:27

Ndelanganyi ya Tera, tatuende wa Abrame, wa Nahore ne wa Arane idi nunku: Arane kulela Lote.

Genese 13:11

Lote kusungula mpata ayi, kuya luseke ludi diba dipatukila. Kupandulukabu ne Abrame.

Genese 13:9

Buloba mbunene, tuabulukangane. Sungula luseke luudi musue. Paudi uya ku mutu kua ditunga, meme nenye kuinshi kuadi. Paudi uya kuinshi kua ditunga, meme nenye ku mutu kuadi.

Genese 14:2

kuluishabu bakalenga bakuabu batanu: ke Bera, mukalenga wa bena Sodome, Birsha, mukalenga wa bena Ngomore, Shinabe, mukalenga wa bena Adma, Shemebere, mukalenga wa bena Siboyime ne mukalenga wa bena Bela (badibu babikila ne bena Soware).

Genese 14:8

Nanku, bakalenga ba bena Sodome ne ba bena Ngomore, ba bena Adma, ba bena Seboyime ne ba bena Bela (badibu babikila kabidi ne bena Soware), kudilongolola bua kuluangana mvita mu tshibandabanda tshia Sidime.

Genese 3:6

Mukaji umona ne: mutshi uvua muimpe kumona, bimuma biawu bimpe bua kudia, bifuana kupa muntu lungenyi, kupolaye tshimuma, kudia. Tshikuabu kupeshaye bayende, awu pende kudia.

Genese 47:6

Ditunga dia Ejipitu dijima edi ndiebe. Sungula muaba muimpe wa mu ditunga bua basemu. Badi mua kusomba nansha mu Ngoshene. Kadi paudi mumanye ne: munkatshi muabu mudi bantu ba meji, ubateke bikale balama bimuna bianyi.

Genese 6:2

Kadi, badi basombele mulu, kumonabu bana ba bakaji ba bantu babalengelela. Kusungulabu munkatshi muabu bakaji bavuabu basue kusela.

1 Bakalenga 7:46

Bavua bengulula biamu ebi munda mua buloba mu tshibandabanda tshia Yardene, pankatshi pa musoku wa Sukote ne wa Sartane,

Yobe 40:23

Nansha musulu ne muenji mukole bishi, kena upampakana to. Nansha mayi muwule apitshila ku mishiku yende, kena unyema to.

Misambu 107:34

buloba bua bufuke buenza bua lusenga, pikala badi basombapu benza malu mabi.

Yeshaya 15:5

Ndi ndila, nkeba badi mua kuambuluisha bena Mowabe. Bena Mowabe badibu bipata, badi banyema too ne ku Soware, ne ku Eglate-Shelishiya. Badi benda babanda ku Lukite. Bakuabu badi banyema ku njila wa ku Oronayime, bela mbila ya dikenga.

Yeshaya 51:3

Ke mudi Mvidi Mukulu usamba Siyone lelu. Udi musue kufuila badi basomba mu makolu ende luse. Buloba ebu bukavua bu tshipela. Maweja-Nangila neabuenze budimi buimpe. Buloba buatuke ebu, neabuandamune lupangu lua Edene. Koku aku bantu nebele mbila mikole ya disanka. Nebimbe misambu, bakokola bisanji, bela Maweja-Nangila tuasakidila.

Yirmeya 48:34

Bena Eshebone badi balomba diambuluisha. Bantu badi bumvua mbila yabu too ne ku Elale. Badi bumvua diyi diabu too ne ku Yakase, kabidi biangatshile ku Soware too ne ku Oronayime ne ku Eglate-Selishiya. Bualu nansha mpokolu wa ku Nimrime ukadi muume.

Yezekiyele 16:46

Yayebe, ku mutu wa ditunga, ke tshimenga tshia Samariya, ne misoku idi natshi mutumba. Muakunyebe wa bakaji, kuinshi kua ditunga, ke Sodome, ne misoku idi nayi mutumba.

Yezekiyele 16:49

Teleja, bilema bivuabu benze bobu mbiebi: bavua baditambisha, badia buukuta, kabayi ne lutatu. Kadi kabavua bambuluishe bapele ne bena dikenga.

Yezekiyele 28:13

Uvua musombe mu Edene, mu lupangu lua Mvidi Mukulu. Bavua bakubuikile ne mabue a mushinga mukole a mishindu yonsu, makunze, matoke, a mayi a matamba, a mbongu, a mayi a nkunde, a komaline, a jaspe, a safire, a ngrenate ne a emerode. Uvua mutuale bilengejilu tatuabu benze ne tshiamu tshia mpawungi dituku divuabu bakufuka

Yezekiyele 31:8

Mu lupangu lua Mvidi Mukulu, kamuvua mutshi wa sedre mufuanangane nawu. Mutshi wa siprese nansha umue kauvua ne matamba mimpe bu awu. Mutshi wa platane kamata ne mabeji a bungi bu awu. Mutshi nansha umue kamata mufuanangane nawu ku bulenga.

Yezekiyele 31:9

Mvua muulengeje ne matamba mimpe. Nanku mu Edene, lupangu lua Mvidi Mukulu, mitshi yonsu ivua ibaba mutshi awu.”

Yezekiyele 47:18

Mukalu wa luseke ludi diba dipatukila udi utuadija ku muaba udi pankatshi pa buloba bua Damase ne bua Awurane, ulonda tshibandabanda tshia Yardene pankatshi pa buloba bua Ngilaade ne ditunga dia Izrayele, uya too ne ku tshimenga tshia Tamare ku Mayi manene a luepu. Ke mukalu wa ku luseke ludi diba dipatukila.

Yowele 2:3

Mpasu eyi idi ibutula bionsu, bidi kumpala ne bidi kunyima kuayi, bu mudi kapia kabutula, kashidisha. Pavua mpasu eyi kayiyi mianji kufika, buloba buvua bu lupangu lua Edene. Kadi mpindiewu budi tshipela. Kayena mishiye tshintu nansha tshimue.

Dielulula 34:3

buloba bua kuinshi mu ditunga, ne tshibandabanda tshia Yardene, ditunga dia Yeriko (tshimenga tshia mabue a ngaji) ne ku Soware.