Genese 12:8 - MUKANDA WA MYIDI MUKULU

⁸ Abrame umbuka aku, kuyaye ku mikuna ivua ku dia balume dia tshimenga tshia Betele. Kuasaye mitanda yende pankatshi pa Betele ne Ayi. Betele uvua ku luseke ludi diba dibuelela, Ayi ku luseke ludi diba dipatukila. Muaba awu kuenzaye tshilambuilu tshikuabu, utendelela Mvidi Mukulu, utela dina dia Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Yeye wakumukaku, wakaya ku mukuna wakadi ku esete wa Betele, wakashimikaku ntenta wandi, Betele wakadi ku wesete ne Ai wakadi ku esete. Wakenzelaku Yehowa tshioshelu, Wakabikila dina dia Yehowa.

Genese 12:8 교차 참조

Genese 13:18

Abrame kuasa mitanda yende muinshi mua mitshi ya tshijila ya Mambre pabuipi ne tshimenga tshia Ebrone. Muaba awu kuashilaye Maweja-Nangila tshilambuilu.

Genese 13:3

Abrame kumuka mu tshitupa tshia kuinshi mu ditunga dia Kenaane, wenda wikisha too ne ku Betele, too ne ku muaba uvuaye mumane kuikisha matuku makese kale, pankatshi pa Betele ne Ayi,

Genese 13:4

muaba uvuaye muase tshilambuilu. Kutendelelaye Mvidi Mukulu, utela dina dia Maweja-Nangila.

Genese 21:33

Abrahame kuya mu Bersheba, kukunamu mutshi wa kampanga-nzevu. Ke muvuaye utendelela Mvidi Mukulu wa kashidi, utela dina dia Maweja-Nangila.

Genese 22:9

Bafika muaba uvua Mvidi Mukulu mumuambile, Abrahame kuenza tshilambuilu, kutekapu nkunyi. Pashishe kusuikaye muanende Izake, kumuteka pa tshilambuilu pamutu pa nkunyi.

Genese 26:25

Izake kuenza tshilambuilu, kutendelela Mvidi Mukulu, utela dina dia Maweja-Nangila. Kuibakaye ntenta yende. Bena mudimu bende kumbula tshiina tshia mayi tshikuabu.

Genese 28:19

Yakobe kuinyika muaba awu ne: Betele, mmumue ne: Nzubu wa Mvidi Mukulu. (Muaba awu bavua baubikila ku kale ne: Luze.)

Genese 31:25

Labane kusangana Yakobe mumane kuasa ntenta yende mu mikuna ya Ngilaade. Labane ne bena diende kuasa kabidi yabu mitanda ku mikuna aku.

Genese 33:20

Kuasaye tshilambuilu muaba awu, kutshinyika ne: Ele, mmomumue ne Mvidi Mukulu wa bena Izrayele.

Genese 35:3

Dilongololayi, tuyayi ku Betele. Nengashileku Mvidi Mukulu tshilambuilu, bualu uvua mungambuluishe pamvua mu dikenga dikole. Uvua mundame miaba yonsu imvua nya.

Genese 35:7

Yakobe kuashilamu Mvidi Mukulu tshilambuilu. Kutshinyika dina ne: Mvidi Mukulu wa mu Betele, bualu muaba awu ke uvua Mvidi Mukulu mumumuenekele diba divuaye unyema muanabu Esawu.

Genese 4:26

Shete kulela muana wa balume, kumuinyika dina dia Enoshe. Tshikondu atshi ke tshivua bantu batuadija kutendelela Mvidi Mukulu, batela dina dia Maweja-Nangila.

Genese 8:20

Nowa kuashila Maweja-Nangila tshilambuilu. Kuangataye nyama umue ne nyunyi umue wa ku tshisumbu tshionsu tshia nyama idi kayiyi ne mikiya, kuyilambula Maweja-Nangila pa tshilambuilu bu milambu ya kuosha.

Nehemya 11:31

Pashishe, bena meku a tshisamba tshia Binyamine bavua basombe mu: Ngeba, Mikmase, Aya, Betele ne mu misoku ivua mutumba;

Misambu 116:4

Ke meme kubikila Maweja-Nangila, ngamba ne: “Maweja-Nangila, umpandishe ku lufu!”

Ekesode 17:15

Ke Moshe kuashila Maweja-Nangila tshilambuilu, kutshinyika dina ne: “Maweja-Nangila ke dibendela dianyi.”

Yeshaya 10:28

bafika pabuipi ne tshimenga tshia Ayate, bapitshila mu Migrone, bashiya mabuki abu mu Mikmase.

Bienzedi 2:21

Kadi muntu yonsu wabila Maweja-Nangila, neapande.”

1 Korente 1:2

tudi tunufundila, nuenu bena Tshisumbu tshia bena ditaba tshia Mvidi Mukulu badi mu Korente, mukanda ewu. Tudi tunuela muoyi nuenu bonsu badi Mvidi Mukulu mubikile, bua nuikale bende, nuikale kabidi bantu ba tshijila, panudi nudisanga ne Yezu Kristu. Mukanda ewu mmufundila kabidi bantu bonsu ba miaba yonsu badi bitaba Yezu Kristu, udi Mfumu wabu, ne wetu kabidi.

Ebrewu 11:9

Amu bua ditaba, kusombaye bu muenyi mu ditunga divua Mvidi Mukulu mumulaye. Kusombaye mu nzubu ya ntenta ne Izake kabidi ne Yakobe, bavua bapeta dilaya dia momumue kudi Mvidi Mukulu.

Yoshua 18:22

Bete-Araba, Semarayime, Betele,

Yoshua 22:10

Patshi wabu mu ditunga dia Kenaane, bafika ku muelelu wa Yardene, kuasabu tshilambuilu pabuipi ne musulu awu. Tshivua tshinene, tshikemesha bantu bonsu.

Yoshua 7:2

Pavua Yoshuwa mu Yeriko, uvua mutume bantu bua kutentekela tshimenga tshia Ayi. Ayi uvua luseke ludi diba dipatukila lua tshimenga tshia Betele, pabuipi ne tshimenga tshia Bete-Avene. Bobu bamane kutentekela tshimenga,

Yoshua 8:12

Yoshuwa kusungula bantu balume bavua ne bukole bua kuluangana mvita bu binunu bitanu. Uvua mubambile bua basokome pankatshi pa tshimenga tshia Betele ne tshia Ayi, luseke ludi diba dibuelela lua tshimenga.

Yoshua 8:17

Mu Ayi kushala kamuyi muntu mulume nansha umue. Bantu bonsu bavua balondakaja anu bena Izrayele, bashiye mu tshimenga kamuyi baluanganyi ba mvita.

Yoshua 8:3

Yoshuwa kudilongolola bua kuya kuluishi bena Ayi pamue ne bena mvita bende bonsu. Kusungulaye bantu binunu makumi asatu, batshivua ne bukole bua kuluangana mvita. Kubatumaye butuku,

Yoshua 8:30

Yoshuwa kuashila Maweja-Nangila Mvidi Mukulu wa bena Izrayele tshilambuilu pa mukuna wa Ebale.

Yoshua 8:9

Yoshuwa kutuma bena mvita ku Ayi, ku muaba uvuabu basungule bua kubundila bena mu tshimenga. Bobu kuimana pankatshi pa tshimenga tshia Betele ne tshia Ayi, luseke ludi diba dibuelela lua tshimenga tshia Ayi. Yoshuwa uvua mulale mu mitanda muaba uvua bena mvita bakuabu bashale.

Balombodi 6:24

Ngideyone kuenzela Maweja-Nangila tshilambuilu muaba awu, kutshinyikaye ne: “Maweja-Nangila udi ufila ditalala.” Mpindiewu tshilambuilu atshi tshitshidi mu Ofra, musoku wa mu diku dia Abiyezere.

1 Samuele 30:27

Kubituminaye kabidi bakulu bavua ku Betele, bavua ku Ramote, kuinshi mu ditunga, ne bavua ku Yatire,