Genese 10:5 - MUKANDA WA MYIDI MUKULU

⁵ Bisamba bionsu bidi bitangalaka mu bidila nansha ku mielelu ya mayi manene mbifume ku ndelanganyi ya bana aba. Ke muvua ndelanganyi ya Yefete nanku. Muntu yonsu uvua musombe mu ditunga diabu, mu tshisamba tshiabu, wakula muakulu wa ditunga diabu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bobo bakabanyangana maloba a bisamba bia bantu akadi kukala kua mai manene, muntu ne muaku wandi, muntu ne muaku wandi, bu mudi meku abo ne bisamba biabo.

Genese 10:5 교차 참조

Genese 10:20

Ke muvua ndelanganyi ya bana ba Kame nanku. Muntu yonsu uvua musombe mu ditunga diabu, mu tshisamba tshiabu, wakula muakulu wa ditunga diabu.

Genese 10:25

Ebere kulela bana ba balume babidi: muanabute dina diende Pelega, bualu mu matuku ende ke muvua ditapulukangana dituadija munkatshi mua bantu. Dina dia muana muibidi divua Yoktana.

Genese 10:32

Ebi ke bisamba bionsu bidi bitumbisha Nowa biamba ne: Udi nkambua wetu, bilondeshile ku meku abu ne ku bisamba biabu. Bisamba bionsu bivua bimuangalaka pa buloba, mayi a tshipupu mamane kukama, mbifume anu kudi Nowa.

Genese 10:4

Yavane kulela bana ba balume aba: Elisha, Tarshishe, Kitime ne Rodanime.

Genese 10:6

Bana ba balume ba Kame badi: Kushe, Misrayime, Pute ne Kenaane.

Genese 9:19

Bantu bonsu ba pa buloba mbafume anu kudi bana aba basatu ba Nowa.

Estere 10:1

Mukalenga Ahashaveroshe uvua wenzeja bantu ba mu matunga a ku muelelu wa mayi manene, ne ba mu bidila bivua ku bukalenga buende midimu mikole.

Misambu 72:10

Bakalenga ba mu Tarshishe ne ba mu bidila bia kule, nebamutumine malambi, ba mu Saba ne ba mu Seba bamutuadile milambu.

Yeshaya 11:11

Dituku adi Maweja-Nangila neenze tshiakabidi muende muonsu, bua kupikula bantu bende. Neapingaje kuabu bavua bashale ne muoyi mu ditunga dia Ashure ne dia Ejipitu, mu ditunga dia Patrose ne dia Kushe, mu Elame ne mu Babilone, mu Amate wa bena Arame, ne mu matunga a ku muelelu wa mayi manene.

Yeshaya 24:15

“Nuenu bena ku luseke ludi diba dipatukila, tumbishayi Maweja-Nangila. Nuenu badi basomba ku mielelu ya mayi manene, kobolayi dina dia Maweja-Nangila Mvidi Mukulu wa Izrayele.”

Yeshaya 40:15

Kumpala kua Maweja-Nangila, bisamba bia bantu, bidi amu bu dimata dia mayi, didi dimata mu mbeketshi, nansha bu kasoka ka lusenga, kadibu bateka pa dilongu dia tshitempelu. Bantu ba kulekule, badi amu ne bujitu bu bua lupuishi lukese.

Yeshaya 41:5

Bantu badi base kule, badi bamona bimvua muenze, bakuatshika bowa. Bantu ba ku nshikidilu kua buloba, badi basemena pabuipi, bazakala.

Yeshaya 42:10

Imbilayi Maweja-Nangila musambu mupiamupia. Nuenu badi benda mu mayi manene, nuenu bifukibua bidi biendamu, ne nuenu bantu badi base kulekule, numutumbishe too ne ku ndekelu kua buloba.

Yeshaya 42:4

Kakuteketa mu maboku, kakupungila, too ne muabuejaye malu malenga pa buloba bujima. Bantu ba ku matunga a kule, badi amu bamuindila, bua abalongeshe.

Yeshaya 49:1

Nuenu bantu badi basomba kule, ntelejayi meme. Bisamba bia mu matunga a kule, teyayi matshi enu kundi. Maweja-Nangila uvua mumbikile meme, mamu kayi muanji kundela. Meme mutshikale munda mua mamu, ukavua munsungule bu muena mudimu wende.

Yeshaya 51:5

Nkadi pabuipi, nkadi pa kunupandisha. Nkadi pa kutshimuna baluishi benu. Bantu badi basomba mu matunga a kule, nembaleje njila mululame. Badi basomba mu bidiila bidi kule kuaka, nebatekemene kundi bua meme kubasungidila.

Yeshaya 59:18

Neafute bantu bilondeshile malu avuabu benze. Neatekele bena lukuna bende bonsu tshiji tshikole. Neabanyoke nansha bobu base kule.

Yeshaya 60:9

Ke matu adi afuma ku mielelu ya mayi a ku matunga a kule. Matu manene adi enda kumpala. Bana bebe badi pa matu aa, bafumine ku matunga a kule, bambule mpawungi yabu ne biamu bitoke bia mushinga mukole. Badi balua bua kutumbisha Maweja-Nangila, Mvidi Mukulu webe, wa tshijila wa bena Izrayele. Bualu Yeye ke udi ukusankisha nenku.

Yirmeya 2:10

Nanku, nuye kukonka bantu badi mu bidiila bia bena Ngreke, banuambile. Nuye kukonka bena Arabe badi mu Kedare. Nenujadike ne: bobu kabena benza bibi, munudi nuenu nuenza to.

Yirmeya 25:22

— ke bakalenga bonsu ba mu Tire, ba mu Sidone, ne ba ku matunga adi dishiya dia mayi manene;

Yezekiyele 26:15

“Meme Maweja-Nangila Mvidi Mukulu ndi ngambila bena mu tshimenga tshia Tire ne: Bantu badi basombe kule ku mielelu ya mayi manene, ne mu bidila, nebazakale pandi mbutula tshimenga tshienu. Nebakuatshike bowa padibu bumvua mudi bantu badibu batapa mputa, bakeba kushipa muebe, batua mikemu.

Yezekiyele 26:18

Mpindiewu bantu bonsu aba badi bazakala, padibu bamona tshimenga etshi tshidibu babutule. Bantu badi basomba mu bidila, nansha ku muelelu wa mayi manene, badi bazakala bua padi tshimenga etshi tshijimine.

Danyele 11:18

Kunyima neaye ne mvita yende ku muelelu wa ditunga. Neakuate maloba a bungi, too ne padi mukalenga muenyi umutshimuna, umupingajila malu mabi onsu avuaye muenzele bakuabu.

Sefanya 2:11

Maweja-Nangila neabakuatshishe bowa. Neabutule nwidie yonsu ya pa buloba. Diba adi, bantu bonsu, nansha badi basomba kule kupite, nebamutendelele, muntu yonsu muaba udiye usomba.

Dielulula 32:8

Mvidi Mukulu wa bukole buonsu, mmuabanyine bantu matunga. Udi mushindike mikalu ya bisamba, muteke tshisamba tshionsu ku bumfumu bua muena mu diulu.