Genese 10:19 - MUKANDA WA MYIDI MUKULU

¹⁹ Mukalu wa bena Kenaane uvua mutuadije ku Sidone too ne ku Ngerare pa buipi ne Ngaza. Mmutuadije kabidi ku Sodome ne Ngomore, too ne ku Adma ne Seboyime pabuipi ne Lesha.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Mukalu wa Bena Kanana wakadi ku Sidona (mu nshila wa ku Gela) to ne ku Gaza mu nshila wa ku Sodoma ne Amola ne Adema ne Seboima to ne ku Lasha.

Genese 10:19 교차 참조

Genese 10:18

bena Arvadi, bena Semari ne bena Amati. Pashishe meku a bena Kenaane kutangalakawu.

Genese 10:20

Ke muvua ndelanganyi ya bana ba Kame nanku. Muntu yonsu uvua musombe mu ditunga diabu, mu tshisamba tshiabu, wakula muakulu wa ditunga diabu.

Genese 14:2

kuluishabu bakalenga bakuabu batanu: ke Bera, mukalenga wa bena Sodome, Birsha, mukalenga wa bena Ngomore, Shinabe, mukalenga wa bena Adma, Shemebere, mukalenga wa bena Siboyime ne mukalenga wa bena Bela (badibu babikila ne bena Soware).

Genese 14:3

Bakalenga batanu aba kudisangisha mu tshibandabanda tshia Sidime (mmumue ne muaba udi lelu Mayi manene a luepu). Kumvuanganabu bua kuluangana mvita.

Genese 18:20

Pashishe Maweja-Nangila kuambila Abrahame ne: — Bantu mbafunde bena Sodome ne Ngomore kundi, bualu buenzayi buabu mbupite.

Genese 20:1

Abrahame umbuka ku Mambre, kuyaye kuasa kuinshi, mu ditunga dia Kenaane, pankatshi pa Kadeshe ne Shure. Umuke aku, kuyaye kusomba mu Ngerare.

Genese 26:1

Tshiyole tshikuabu tshia nzala kupatuka mu ditunga, tshishilangane ne tshia kumpala tshia mu tshikondu tshia Abrahame. Izake kuya mu Ngerare kua Abimeleke, mukalenga wa bena Peleshete.

2 Kulondolola 14:12

Asa ne bantu bende kulondakaja bena Kushe too ne ku Ngerare, kubashipa bonsu. Muntu nansha umue kavua munyeme to, bualu bena mvita babu bavua babatshimune kudi Maweja-Nangila, ne kudi bantu bende. Bena Yuda kupawula bintu bipite bungi.

2 Kulondolola 14:13

Pashishe, kukuatabu bimenga bionsu bivua mutumba ne buloba bua bena Ngerare, bualu bena bimenga ebi bavua bazakala kumpala kua Maweja-Nangila. Bena Yuda kupawula bintu bionsu bivua mu bimenga ebi. Bivua bia bungi.

Yobe 38:20

Uvua mua kubishindikija mu luendu lujima, kupingana nabi muaba udibi bisomba.

Yeshaya 23:11

Maweja-Nangila uvua mukanyine mayi manene, uvua muzakaje makalenga. Maweja-Nangila uvua mutume diyi, bua babutule bimenga bia bena Kenaane, bivuabu bakoleshe ne bimana.

Yeshaya 23:4

Nuenu bena Sidone, nudi mua kumvua bundu, ne nuenu kabidi bena tshimenga tshia Tire tshivuabu bakoleshe ne bimana. Mayi manene, adi kaayi amona matu, adi amba ne: “Ndi bu mamu uvua kayi mumvue makenga, kayi mulele bana, kayi mukele bana ba balume, kayi mukoleshe bana ba bakaji.”

Yirmeya 25:20

ne bantu ba mu bisamba bishilangane badi basombe mu Ejipitu; — ke bakalenga ba ditunga dia Uze; — ke bakalenga ba bena Peleshete: bakalenga ba mu Askalone, ba mu Ngaza, ba mu Ekrone ne bena Ashidode bavua bashale ne muoyi;

Yirmeya 47:1

Umvuayi malu avua Maweja-Nangila muambile Yirmeya bua bena Peleshete. Uvua mumuambilewu pavua mukalenga wa Ejipitu kayi muanji kufika bua kuluisha tshimenga tshia Ngaza.

Yezekiyele 28:21

— Yezekiyele, tangila ku tshimenga tshia Sidone. Wambila bena tshimenga mundi mbakanyina.

Osheya 11:8

Nuenu bena Efrayime, tshiena mua kunutekela to. Nuenu bena Izrayele, tshiena mua kunuelela meji mabi to. Tshiena mua kunubutula, mumvua mubutule bimenga bia Adma ne Seboyime to. Bualu meme muenze nanku, ndi mua kumvua bibi; nengikale ne kanyinganyinga kakole.

Bienzedi 8:26

Mutumibue wa Mvidi Mukulu kuambila Filipe ne: — Pueka kuinshi mu ditunga, ulonde njila wa kale wa mu tshipela, wa kumuka ku Yerushalayime, kufika ne ku Ngaza.

Dielulula 2:23

Kadi bena Avi, bavua basombe mu misoku ya mu ditunga dia Ngaza, bavua bababutula kudi baluishi bafumine ku Kaftore. Baluishi aba kuasa mu ditunga adi.)

Dielulula 32:8

Mvidi Mukulu wa bukole buonsu, mmuabanyine bantu matunga. Udi mushindike mikalu ya bisamba, muteke tshisamba tshionsu ku bumfumu bua muena mu diulu.

Yoshua 19:28

Abdone, Rekobe, Amone ne ku Kana, bua kushikidila pabuipi ne tshimenga tshinene tshia Sidone.

Balombodi 16:1

Dituku dikuabu, Shimeshone kuya ku Ngaza. Kusanganayemu mukaji mudisombele. Kumubuelelaye mu nzubu.

Balombodi 6:4

Bantu aba, bavua basa mitanda yabu mu madimi a bena Izrayele, bua kunyangakaja biakudia mu madimi, too ne mu madimi awa pabuipi ne tshimenga tshia Ngaza. Kabavua bashila bena Izrayele tshintu tshia kudia. Kabavua babashila nansha mukoku, nansha ngombe, nansha mpunde.

1 Samuele 13:18

Tshisumbu tshibidi kulonda njila wa ku Bete-Orone. Tshisumbu tshisatu kulonda njila udi ku mukalu udi ulonda tshibandabanda tshia Seboyime, luseke lua ku tshipela.