Genese 1:27 - MUKANDA WA MYIDI MUKULU

²⁷ Mvidi Mukulu kufuka bantu, bafuane Mvidi Mukulu mene. Kubafukaye mulume ne mukaji.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Nzambi wakafuka muntu ne tshifuanyikishi tshiandi, wakamufuka ne tshifuanyikishi tshia Nzambi, wakabafuka balume ne bakashi.

Genese 1:27 교차 참조

Genese 2:18

Maweja-Nangila Mvidi Mukulu kuamba ne: “Ki mbimpe bua mulume ikale nkayende nansha. Ndi musue kumuenzela mukuende wa bu yeye udi mua kumuambuluisha.”

Genese 2:7

Maweja-Nangila Mvidi Mukulu kuangata dima, kufuka nadi mulume, kumuela mueyelu wa muoyi mu mimpempe ya diulu, mulume kushala tshifukibua tshidi tshienda ne muoyi.

Genese 9:6

Udi upumuna mashi a muntu, nebapumune ende kudi muntu, bualu mbafuke muntu mufuanangane ne Mvidi Mukulu.

Misambu 139:14

Maweja-Nangila, tuasakidila, bualu udi muenzele mubidi wanyi, malu a dikema. Biudi muenze bidi bia dikema, ndi mubimanye.

Muambi 7:29

Tshintu tshimue tshindi mumanye ntshietshi: Mvidi Mukulu uvua mufuke muntu muakanangane ku bionsu. Kadi muntu ewu kudibuejakaja mu malu a bungi.

Yeshaya 43:7

Nufike ne bonsu badibu binyike dina dianyi, bonsu bandi mufuke, bonsu bandi musonge, bandi muenze, bualu bobu badi baleja butumbi buanyi.”

Yirmeya 29:6

Nuselangane. Nulele balume, nulele bakaji. Nuseleshe balume, nuseleshe bakaji, balelangane pabu. Kuine aku nuvulangane! Kanukepedi to!

Malaki 2:15

Maweja-Nangila ki ngudi munuenze nende muntu umue ku mubidi ne ku lungenyi anyi? Tshidi muntu umue awu wipatshila ntshinyi? Nkupeta bana badi bantu ba Mvidi Mukulu! Nenku nudilame bimpe, kanulekedi mukaji unuvua basele ku buana buenu.

Matayi 19:4

Yezu kuandamuna ne: — Kanuena babale tshidi mukanda wa Mvidi Mukulu ulongesha anyi? Badi bafundamu ne: “Ku tshibangidilu, Mufuki wakabenza ewu mulume, ewu mukaji.”

Marke 10:6

Kadi ku ntuadijilu Mvidi Mukulu mumane kufuka bintu bionsu “Wakabika muntu mulume ne mukaji.” Ke padibu bafunde mu Mukanda wa tshijila ne:

Efeze 2:10

Bualu amu Mvidi Mukulu ke udi mutufumbe, mutufuke bua tuetu kudisanga ne Yezu Kristu, bua tukumbaje malu mimpe akavuaye mudianze kulongolola bua tuetu kuenza.

Efeze 4:24

Vualayi muntu mupiamupia, udi Mvidi Mukulu mufuke mu tshimfuanyi tshiende. Nuenze malu makane a tshijila adi Mvidi Mukulu musue. Muaku mulelela neunuleje njila.

Dielulula 4:32

Mpindiewu nudikonke bua malu onsu avua menzeke kale, kabayi banji kunulela, katshia Mvidi Mukulu wafuka bantu pa buloba. Nuele meji ku bionsu bivua bienzeka pa buloba bujima. Malu makole a mushindu ewu akavua menzeke anyi? Bantu bakavua bumvua lumu lua malu a nunku anyi?

Kolose 1:15

Kristu udi tshimfuanyi tshidi tshimueneka tshia Mvidi Mukulu udi kayi umueneka. Yeye udi Muanabute, udi mupite bionsu bidi Mvidi Mukulu mufuke.

Kolose 1:26

Ke lumu luvuaye musokoke bantu bonsu mu bikondu bionsu, kadi ludiye musokoluele mpindiewu bantu bende.

Kolose 3:10

Nuenu kulala muntu mupiamupia, udi udienzulula diba dionsu ku tshimfuanyi tshia Mvidi Mukulu, Mumufuki wende, bua amone mua kumumanya menemene.

Balombodi 21:22

Pikala batatuabu nansha bana babu ba balume batudidila, netubambile ne: “Tudi tunusengelela bua nufuileku bena Binyamine luse. Bualu mu mvita ya mu Yabeshe, katuena bakuatshile muntu yonsu wa kudibu mukaji to. Kadi bu munudi kanuyi babapesha bana benu ba bakaji, nanku kanuena banyange mitshipu yenu to.”