Genese 1:16 - MUKANDA WA MYIDI MUKULU

¹⁶ Mvidi Mukulu kufuka bimunyi binene bibidi: diba bua kutokesha mu munya, ngondu bua kukenkesha butuku. Kufukaye mitotu kabidi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Nzambi Wakenza munda minene ibidi, muinda mutambe bunene bua kukokesha mu munya ne muinda mukese bua kukokesha butuku, yeye Wakenza mitoto kabidi.

Genese 1:16 교차 참조

Genese 1:15

bikale kabidi bitokesha pa buloba bujima.” Kuenzabi nanku.

Yobe 31:26

Pamvua mmona diba dikenka muadi muonsu pamvua mmona ngondu wenda utokesha buloba,

Yobe 38:7

Dituku adi mitotu ya nkesha ivua imba misambu pamue. Batumibue ba Mvidi Mukulu bavua basanka bela tunkunduluila.

Misambu 148:3

Diba ne ngondu, numutumbishe. Mitotu yonsu idi ikenka, numutumbishe.

Misambu 148:5

Bintu bionsu bitumbishe Maweja-Nangila, bualu wakabitumina diyi, biobi kuenzeka.

Misambu 19:6

Patshiatshia didi dipatukamu, bu mudi mulume upatuka kua mukajende, usanka, bu mudi tshilobu tshitua ntunku.

Misambu 74:16

Uvua mufuke munya ne butuku, muteke diba ne ngondu pa muaba wabi.

Misambu 8:3

Miaku ya bana, nansha bana batekete menemene, idi imanyika baluishi bebe. Idi bu nkila uudi muele bua kupuwisha bena lukuna bebe.

Yeshaya 13:10

Mitotu ya mulu, ne bidimina nzaji kabiakukenka kabidi to. Diba nedibuitshidile, amu patshididi dipatuka. Ngondu kakutokesha kabidi ne nkenke yende to.

Yeshaya 24:23

Pashishe ngondu neakunzubile, diba nedibuitshidile ne bundu. Bualu Maweja-Nangila muena bukole buonsu, neadie bumfumu mu Yerushalayime pa mukuna wa Siyone. Bakulu ba ditunga, nebamone butumbi buende.

Yeshaya 40:26

Tangila mu diulu muamua. Monayi mudiye mufuke mitotu, muvuaye muyipatule bungi buayi, bu tshiluilu tshia bilobu. Udi muyiteke yonsu bua imukuatshile mudimu. Bu mudiye ne bukole bupite bunene, kabidi ne bumfumu, yonsu idi yitaba diyi diende, padiye uyibikila, uyituma.

Yeshaya 45:7

Ndi ngenza munya, mfuka miidima kabidi. Ndi mpetesha diakalenga, mfila ne dikenga. Eyowa, ke Meme Maweja-Nangila, udi wenza malu onsu aa.

Yirmeya 31:35

Udi ubandisha diba bua munya kutemawu nnganyi? Udi utumina ngondu ne mitotu diyi bua bitokeshe buloba butuku nnganyi? Udi uvuandulula mayi manene bua enze mutoyi nnganyi? Amu Maweja-Nangila wa bukole buonsu, ke dina diende. Yeye mene udi wamba ne:

Abakuke 3:11

Padi mikete yebe ipitakana lubilu, difuma diebe dikenka, dibalakana, diba ne ngondu bidi bimana, bibuela mu nzubu.

Matayi 24:29

— Pajika matuku a dikenga awu, diakamue diba kadiakumueneka kabidi, ngondu kakukenka, mitotu neituke mulu, makole a mulu neanyungakane.

Matayi 27:45

Munda munya, midima kuenzeka mu ditunga dijima. Kunengayi meba asatu.

1 Korente 15:41

Diba didi ne buimpe buadi, ngondu udi ne buende, mitotu ne buayi. Nansha mitotu mene kayena yonsu ne buimpe bua momumue to.

Dielulula 4:19

Kanutangidi mulu bua kutendelela diba, ngondu, mitotu, nansha bintu bionsu bidi mu tshibuashibuashi. Kanubienzedi mudimu, kanubikukuidi. Maweja-Nangila mmuitabe anu bua bisamba bikuabu bitendelele bintu abi.

Didimanyisha 21:23

Tshimenga katshiena tshikengela butoke bua diba, nansha bua ngondu, bualu butumbi bua Mvidi Mukulu budi butshitokesha; kabidi Muana wa mukoku ke muendu watshi.