Genese 1:14 - MUKANDA WA MYIDI MUKULU

¹⁴ Dituku dinayi Mvidi Mukulu kuamba ne: “Mulu muikale bimunyi bua kuleja dishilangana dia munya ne butuku. Bimunyi abi bikale bimanyinu bia matuku, bidimu ne bikondu bia bibilu,

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Nzambi wakamba ne, Bintu bidi bikenka bikale mulu mua diulu bua kutahulula munya kudi butuku, bikale bua bimanyinu ne bua bikondo ne bua matuku ne bua bidimu,

Genese 1:14 교차 참조

Genese 1:15

bikale kabidi bitokesha pa buloba bujima.” Kuenzabi nanku.

Genese 8:22

Matuku onsu atshidi bantu pa buloba, tshikondu tshia kukuna ne tshia kunowa, tshia mashika ne tshia luya, tshia mvula ne tshia mushipu, tshia munya ne tshia midima kabiena bijika kabidi to.”

Genese 9:13

Ndi nteka muanzankongolu mulu mu mavuba bua wikale tshimanyinu tshidi tshivuluija ndondu udi pankatshi panyi ne bantu, kabidi ne bionsu bidi ne muoyi pa buloba.

Yobe 25:3

Udi mua kubala bisumbu bia bena mudimu bende nnganyi? Udiye kayi upatuila diba nnganyi?

Yobe 25:5

Pikala ngondu menemene kayi ukenka, mitotu kayiyi miakane kumpala kua Mvidi Mukulu,

Yobe 3:9

Kabumonyi mutotu wa nkesha! Padibu mua kutshia, kabuyi butshia. Kabidi kabumonyi nsese ya diba mudidi dibanda.

Misambu 119:91

bintu bionsu bidi bishala ne ku lelu bu muuvua mupangadike bualu bintu bionsu bidi bienza mudimu webe.

Misambu 148:3

Diba ne ngondu, numutumbishe. Mitotu yonsu idi ikenka, numutumbishe.

Misambu 148:6

Kubitekaye mu miaba yabi kashidi, kubielela mikenji idi kayiyi mua kukupula.

Misambu 150:1

Tumbishayi Maweja-Nangila, Aleluya! Tumbishayi Mvidi Mukulu mu nzubu wende wa tshijila. Nutumbishayi mu diulu mudi makole ende!

Misambu 81:3

Imbayi musambu, nuimbe ne ngoma, ne lunkombe ludi ne muadi muakane ne lunzenze.

Yeshaya 40:26

Tangila mu diulu muamua. Monayi mudiye mufuke mitotu, muvuaye muyipatule bungi buayi, bu tshiluilu tshia bilobu. Udi muyiteke yonsu bua imukuatshile mudimu. Bu mudiye ne bukole bupite bunene, kabidi ne bumfumu, yonsu idi yitaba diyi diende, padiye uyibikila, uyituma.

Yirmeya 10:2

Maweja-Nangila udi wamba ne: “Kanulondi bibidilu bia bantu ba bisamba bikuabu. Kanuikadi ne bowa bua malu a dikema adi amueneka mulu mu tshibuashibuashi. Lekelayi bantu ba bisamba bikuabu batshine malu aa.

Yirmeya 31:35

Udi ubandisha diba bua munya kutemawu nnganyi? Udi utumina ngondu ne mitotu diyi bua bitokeshe buloba butuku nnganyi? Udi uvuandulula mayi manene bua enze mutoyi nnganyi? Amu Maweja-Nangila wa bukole buonsu, ke dina diende. Yeye mene udi wamba ne:

Yirmeya 33:20

— Meme Maweja-Nangila ndi nkuebejane: Wewe udi mua kushipa mikenji indi muele bua munya ne butuku, kubikandika bua kabilondianganyi mudibi ne bua kuenzeka anyi? Nansha kakese! Kuena mua kuenza nanku to.

Yirmeya 33:25

Kadi ndi ngamba ne: “Ndi mutue ndondu ne munya, kabidi ne butuku. Ndi muele meyi ne mikandu bidi bitombola diulu ne buloba.

Yezekiyele 46:1

Maweja-Nangila udi wamba ne: “Tshiibi tshia lubanza lua munda mua nzubu wa Mvidi Mukulu tshidi luseke ludi diba dipatukila, tshidi ne bua kushala tshinjila matuku asambombu adibu benza mudimu. Kadi badi mua kutshiunzulula dituku dia Dikisha, ne dia Tshibilu tshia ngondu mupiamupia.

Yezekiyele 46:6

Matuku a ngondu mupiamupia, udi ne bua kulambula mulume a ngombe, bana ba mikoku basambombu ne mukoku wa tshimpanga umue, bionsu kabiyi ne bulema pambidi.

Yowele 2:10

Padi mpasu eyi isemena pabuipi, buloba budi buzakala, diulu didi dinyungakana, ngondu ne diba bidi bibuitshidila, mitotu kayena ikenka kabidi.

Amosa 5:8

Uvua muenze mitotu, tshidimina nzaji, mbua-nyama-ne-muntu. Udi ukudimuna midima, uyenza butoke bua mu dinda. Udi wandamuna munya, uwenza butuku. Udi ubikila mayi a mu mayi manene, wapuekesha pa buloba, ulokesha mvula. Dina diende Maweja-Nangila.

Amosa 8:9

Maweja-Nangila Mvidi Mukulu udi wamba ne: Dituku adi, nembueje diba munda munya, mu munya, buloba nebubuele mu midima.

Matayi 2:2

Kukonkabu ne: — Muana udibu balele bua kuikalaye mukalenga wa bena Yuda udi penyi? Tudi bamone mutotu wende luseke ludi diba dipatukila. Ke patudi bafike bua kumukukuila.

Matayi 24:29

— Pajika matuku a dikenga awu, diakamue diba kadiakumueneka kabidi, ngondu kakukenka, mitotu neituke mulu, makole a mulu neanyungakane.

Marke 13:24

— Kadi mu matuku awu, makenga mamane kuenzeka, diba nedibuitshidile, ngondu kakukenka kabidi.

Dielulula 4:19

Kanutangidi mulu bua kutendelela diba, ngondu, mitotu, nansha bintu bionsu bidi mu tshibuashibuashi. Kanubienzedi mudimu, kanubikukuidi. Maweja-Nangila mmuitabe anu bua bisamba bikuabu bitendelele bintu abi.

Didimanyisha 6:12

Pashishe meme kumona Muana wa mukoku ulamuna tshitampi tshisambombu. Tshikumina tshikole kuenzekatshi. Diba kufuka, bu tshilamba tshia madilu. Ngondu mujima kukunza bu mashi.

Didimanyisha 8:12

Mutumibue muinayi kuela mpungi. Kutuutabu tshia bisatu tshia diba, tshia ngondu, ne tshia mitotu. Nanku tshia bisatu tshia bukenka buabi kujimina. Muvua amu miidima tshia bisatu tshia dituku, ne tshia bisatu tshia butuku kabidi.

Didimanyisha 9:2

Mutotu unzulula kandondu, muinshi kupatukamu, mufuane wa mu tshikutu tshinene tshia kapia. Kufiikishawu diba ne kapepe.