Filemone 1:10 - MUKANDA WA MYIDI MUKULU

¹⁰ Ndi ngakuila Onezime. Ukadi muananyi undi mufikishe mu ditaba pandi mu lukanu apa.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Ndi nkusengelela bua muanʼanyi wa mu Kilisto Onesimo unakuela mu lukanu luanyi.

Filemone 1:10 교차 참조

2 Samuele 18:5

Mukalenga Davide kuambila kabidi Yowabe, Abishayi ne Itayi, ne: — Ndi nnusengelela, kanuenzedi muananyi Absalome bibi to. Bena mvita bonsu bavua bumvue pavua Davide welela balombodi mukenji awu.

Marke 9:17

Muntu umue wa munkatshi mua bantu abu kuandamuna ne: — Mulongeshi, ndi mukutuadile muananyi wa balume, udi ne mukishi mubi udi umukengesha, umupangisha mua kuakula.

Rome 12:1

Bana hetu, padi Mvidi Mukulu muleje nanku mudiye utufuila luse, ndi nnusengelela bua nudifile kudiye bu mulambu udi ne muoyi, bu mulambu wa tshijila, udi umusankisha. Ke mushindu muimpe unudi ne bua kumutendelela.

1 Korente 4:14

Ndi nnufundila nenku, ki mbua kunufuisha bundu, kadi amu bua kunubela bu bana banyi bandi nnanga.

1 Korente 4:15

Bualu, nansha nuenu bapete balongeshi binunu dikumi, badi banuludika mu njila wa Yezu Kristu, kadi tatuenu udi anu umue. Bualu bu mumvua munutuadile Lumu lua Disanka, ndi mudienze tatuenu mu njila unudi nulonda badisange ne Yezu Kristu.

Ngalate 4:19

Bana banyi basuibue, bu mudi mukaji ukenga bua kulela muana, ke mundi nkenga tshiakabidi bualu buenu, bua Kristu amueneke patoke munda muenu.

Kolose 4:9

Badi bamufila kudi Onezime muanetu munanga, wa muoyi umue. Yeye udi wa kuenu aku. Nebanumanyishe bionsu bidi bipitakana kunu.

1 Timote 1:2

Timote, muananyi menemene mu ditaba, ndi nkufundila mukanda ewu, nkujingila ne: dinanga, luse, ne bupole, bia kudi Mvidi Mukulu Tatu ne Mfumu wetu Yezu Kristu, bishindame mu muoyi webe.

Tite 1:4

Wewe Tite udi muananyi mulelela mu ditaba didi didisanga nebe. Ndi nkufundila mukanda ewu, nkujingila ne: dinanga ne bupole bia kudi Mvidi Mukulu Tatu ne Yezu Kristu, Musungidi wetu, bishindame munda muebe.

Filemone 1:11

Kale kavua ukulengelela to. Kadi mpindiewu ukadi utulengelela bubidi buetu.

Filemone 1:13

Mvua musue kumulama pabuipi nanyi, pandi mu lukanu emu bua Lumu lua Disanka, bua angambuluishe pa muaba webe.

3 Yone 1:4

Tshidi tshipite kunsankisha, mpandi ngumvua ne: bana banyi badi benda mu njila wa bulelela.