Estere 8:16 - MUKANDA WA MYIDI MUKULU

¹⁶ Bena Yuda bavua ne diakalenga, basanka bua pavuabu batshimuna baluishi babu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Bena Yuda bakadi ne munya ne musangelu ne disanka ne butumbi.

Estere 8:16 교차 참조

Estere 4:16

“Uye kusangisha bena Yuda bonsu badi mu Shushane. Nujile biakudia bualu buanyi, kanuyi nudia nansha nunua matuku asatu a munya ne a butuku. Netuenze kabidi nanku meme ne bena mudimu banyi. Pashishe, nansha bu mudibi bikandika kudi diyi, nenye kudi mukalenga. Nanku, bu bobu mua kunshipa nebanshipe!”

Estere 9:17

Bionsu abi bivua bienzeka mu matuku dikumi ne asatu a ngondu wa Adare. Mu matuku dikumi ne anayi, mvita kujika, bena Yuda kuenza tshibilu tshia disanka.

Misambu 112:4

Munya udi utema mu miidima bua kutokeshila bantu bakane, Maweja-Nangila udi ne dinanga, udi ufuila bantu luse.

Misambu 118:27

— Maweja-Nangila udi Mvidi Mukulu nkayende. Atutokeshe ne butoke buende! — Elayi tshijengu too ne ku tshilambuilu.

Misambu 18:28

Udi usungidila badi badipuekesha, upetula badi baditambisha.

Misambu 30:12

Uvua wandamuna kanyinganyinga kanyi, kenza tshianga tshia disanka. Uvua mumvule tshilamba tshia madilu, mumvuadike tshia tshibilu.

Misambu 97:11

Munya udi utema bua bantu bakane, bantu ba mioyi miakane, bobu badi ne disanka.

Nsumuinu 11:10

Bena ditunga badi basanka padi bantu bakane bapeta diakalenga. Kadi badi bela mbila basanka padi bantu babi bafua.

Nsumuinu 28:12

Padi bantu badi batshina Mvidi Mukulu bikale ne bumfumu mu bianza, bantu bonsu badi ne disanka. Kadi padi bantu babi babuangata, bantu bonsu badi basokoma.

Yeshaya 35:10

Bantu badi Maweja-Nangila musungidile, nebapinganyine mu njila awu. Nebafike mu Siyone, bimbe misambu ya disanka. Disanka dia kashidi nedikale pa mpala yabu. Disanka dinene nediuwuje mioyi yabu. Makenga ne masumpakana mbimane kubashila muaba kashidi.