Estere 6:4 - MUKANDA WA MYIDI MUKULU

⁴ Mukalenga kukonka kabidi ne: — Udi mu lupangu lua bukalenga emu nnganyi? Diba adi Amane utshivua ubuelelaku mu lupangu. Uvua mufike bua kulomba mukalenga, bua kuovuabu Mordekayi ku tshiowelu tshimulongoluela.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Mukelenge wakakonka ne, Udi mu tshiendedi nganyi? Ha diba adi Hamana wakabuela mu tshiendedi tshia mu nsubu wa mukelenge bua kumuebesha bualu bua kuoweye Môdekai ku tshiowelu tshiamulongolueleye.

Estere 6:4 교차 참조

Estere 4:11

“Bantu bonsu, bena mudimu ba mukalenga, nansha badi basomba mu matunga a mu bukalenga, mbamanye bimpe ne: Muntu yonsu, mulume nansha mukaji, udi udiyila mu lubanza munda mua lupangu lua mukalenga, kabayi bamubikila kudi mukalenga, tshiende ndufu. Udi mua kushala ne muoyi amu padi mukalenga umuoluela dikombu diende dia mpawungi. Kadi meme, kukadi mpindiewu ngondu mujima, udi mukalenga kayi mumbikile pabuipi nende.”

Estere 5:1

Matuku asatu a tshijila tshiende mamane kujika, Estere kuvuala bilamba biende bimpe bia mukalenga mukaji. Kuyaye mu lubanza lua munda mua nzubu wa mukalenga. Kuimanaye kumpala kua nzubu wa mukalenga. Mukalenga uvua mu nzubu wende, musombe mu nkuasa, mutangile ku mushiku wa tshibuelelu.

Estere 5:14

Nenku, muena kuende Zereshe ne balunda bende bonsu, kumuambila ne: — Bantu bakongoluele mutshi wa bule bua metre makumi abidi ne atanu. Maloba dinda, lomba mukalenga bua boweleku Mordekayi. Nenku, neuye kufila mukalenga ne disanka mu didia amu. Amane kuanyisha lungenyi alu, kuenzeja tshiowelu.

Estere 6:3

Nenku mukalenga kubakonka ne: — Tuvua bapeshe Mordekayi tshinganyi tshia lumbandi? Tuvua bamuele tuasakidila bishi? Bena mudimu bende kuandamuna ne: — Kawa mupete kantu nansha kamue ka lumbandi to.

Estere 6:5

Bena mudimu kuandamuna ne: — Amane ke udimu. Mukalenga kuamba ne: — Abuele!

Estere 7:9

Umue wa ku bena mudimu, dina diende Arbona, kuambila mukalenga Ahashaveroshe ne: — Mukalenga, Amane mene uvua mulongoluele Mordekayi, uvua mukupandishe ku tshitungu, tshiowelu bua kumuowelapu. Tshiowelu atshi tshidi kumpala kua nzubu wa Amane, tshidi ne butumbuke bua metre makumi abidi ne atanu. Mukalenga kutuma diyi ne: — Buowelepu Amane.

Yobe 5:13

Udi ukuata bena meji mu budimu buabu. Ngenyi yabu kayena ibapetesha kantu.

Misambu 2:4

Kadi Maweja-Nangila udi ubaseka. Udi musombe mu diulu, udi mutendule.

Misambu 33:19

Udi ubasungidila ku lufu, ubalama nansha matuku mene a tshiyole.

Muambi 9:10

Ukuate mudimu, usanke ne bionsu biudi mua kupeta. Bualu ku bajangi kuwaya kabena benzaku mudimu, kabena belanganaku meji, kabena bamanya malu, kabena bela meji mene to.