Estere 5:9 - MUKANDA WA MYIDI MUKULU

⁹ Amane kupatuka ne disanka dituku adi mu nzubu mua mukalenga mukaji. Kadi ufika ku tshiibi tshia lupangu lua mukalenga, kusanganaye Mordekayi musombe, kayi ujuka, kayi umuleja kanemu nansha kakese. Amane kumufikila munda bikole.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Hashishe Hamana wakaluhuka ne disanka dia bungi mu mutshima wandi; kadi hakatangila Hamana Môdekai mushikame ku tshibi tshia mukelenge ne yeye kayi mubike, kayi mumushile muaba, wakasangana ne tshiji tshikole kudi Môdekai.

Estere 5:9 교차 참조

1 Bakalenga 21:4

Mukalenga Akabe kupingana ku nzubu kuende, mubungame, mufike munda bua diandamuna dia Nabote adi. Akabe kulala pa bulalu, mutangile ku tshimana, kayi mua kudia kantu nansha kamue.

1 Bakalenga 21:6

Mukalenga Akabe kuandamuna ne: — Mvua mumonangane ne Nabote, muena mu tshimenga tshia Yizreyele. Meme kumulomba ne: “Umpe budimi buebe bua mvinyo. Ndi musue kubusumba. Anyi pawikala musue, tudi mua kushintakaja, meme kukupa budimi bukuabu.” Kadi, Nabote mmungandamune ne: “Tshiena mua kukupa budimi buanyi bua mvinyo to.”

Estere 2:19

Musangu muibidi, kusangishabu kabidi bansongakaji. Mordekayi ukavua mumane kupeta muanzu munkatshi mua bena mudimu ba mu bukalenga.

Estere 3:2

Bena mudimu bonsu ba mu nzubu wa bukalenga bavua batua binu, binyika ne mitu kumpala kua Amane, bu muvua diyi dia mukalenga. Kadi amu Mordekayi nkayende ke uvua ubenga kuenza nanku.

Estere 3:5

Amane mumane kujadika muvua Mordekayi mubengelemu bua kumutuila binu ne kuinyika mutu kumpala kuende, kufikaye munda bikole.

Estere 5:13

Kadi bionsu ebi kabiena binsankisha nansha kakese, misangu yonsu indi mmona Mordekayi, muena Yuda, wenzela mudimu ku tshiibi tshia lupangu lua mukalenga.

Yobe 20:5

bantu babi kabatu basanka mutantshi mule to. Diakalenga diabu kadiena dinenga nansha.

Yobe 31:31

Udi kayi mudie munyinyi muanyi, nnganyi? Benyi bonsu bamvua muakidile badi mua kujadika bindi ngamba.

Misambu 15:4

Udi upepeja badi Mvidi Mukulu udiwula, unemeka badi bitaba Maweja-Nangila. Yeye mutule diyi udi udikumbaja, nansha yeye mufuane kujimija bidiye nabi.

Misambu 27:3

Nansha tshituilu tshijima tshingela munkatshi, tshiena ngumvua bowa. Nansha babanga mvita, ndi nsomba amu talalaa.

Danyele 3:13

Nebukadnesare kufika munda bikole, kutumaye diyi bua bafike ne Shadrake, Meshake ne Abede-Nego. Kufikabu nabu kudi mukalenga.

Matayi 10:28

Nenku kanutshinyi bantu badi bashipa mubidi, kadi kabayi mua kushipa muoyi. Nutshine nangananga Mvidi Mukulu, udi mua kujimija diakamue mubidi ne muoyi mu kandondu.

Matayi 2:16

Erode kujingulula ne: bena meji mbanshime, kufikaye munda bikole. Kutumaye diyi bua bashipe bana ba balume bonsu ba mu Betleyeme, ne ba mu misoku ivua pabuipi. Bana aba bavua ne bidimu bibidi anyi bishadile, bilondeshile tshikondu tshivua bena meji bamujadikile bua dimueneka dia mutotu.

Luke 6:25

“Nuenu badi ne bintu bionsu mpindiewu, nudi bena diakabi, bualu nenufue ne nzala! “Nuenu badi baseka mpindiewu, nudi bena diakabi, bualu nenubungame, nudile!

Yowanane 16:20

Ndi nnujadikila ne: nenudile, nuele miyenga, kadi ba pa buloba nebasanke. Nenubungame. Kadi dibungama dienu nediandamuke disanka.

Bienzedi 7:54

Bena Tshipangu bumvua miaku yonsu eyi, kufikabu munda bikole, kudia dinu, pavuabu batangile Stefane.

Yakobe 4:9

Lejayi dibungama, nudile muadi, nutue mikemu. Lekelayi kuseka, nudile. Lekelayi kusanka, nubungame.