Estere 4:3 - MUKANDA WA MYIDI MUKULU

³ Mu ditunga dia mu bukalenga dionsu divua mukenji wa mukalenga ufika, bena Yuda bonsu bavua amu ne bowa bunene. Bavua bajila biakudia, badila miadi, bakengakana. Bantu ba bungi bavua bavuala bilamba bia madilu, balala mu butu.

Mukanda wa Nzambi Dihungila Dikulukulu ne Dihungila Dihia-dihia 2003

³ Mu nseke yonso yakaya mukenji wa mukelenge ne dî diandi, muadi munene wakadi munkatshi mua Bena Yuda, bakajila bia kudia, bakasa muadi, bakadila, ba bungi bakaluata bilulu bikayabala, bakadiela butue hamʼbidi.

Estere 4:3 교차 참조

Estere 1:1

Malu aa ke avua menzeke mu tshikondu tshia bukalenga bua Ahashaveroshe. Yeye uvua mukalenga wa matunga lukama makumi abidi ne muanda mutekete, kutuadija ku Inde too ne ku Kushe.

Estere 3:12

Kubikidishabu bafundi ba malu a mukalenga, matuku dikumi ne asatu a ngondu wa kumpala. Bilondeshile muvua Amane mubambile, bafundi kufunda mikanda, kuyitumina bamienampala ba mukalenga, balombodi ba mu ditunga, ne bamfumu ba bisamba bishilangane. Mikanda ayi, bavua bayifunde mu mfundilu mishilangane ne mu miakulu mishilangane ivuabu bakula mu ditunga. Kufundabu dina dia mukalenga ne: ke udi muyifunde. Kutuabu tshitampi tshia kakanu ka mukalenga Ahashaveroshe.

Estere 4:16

“Uye kusangisha bena Yuda bonsu badi mu Shushane. Nujile biakudia bualu buanyi, kanuyi nudia nansha nunua matuku asatu a munya ne a butuku. Netuenze kabidi nanku meme ne bena mudimu banyi. Pashishe, nansha bu mudibi bikandika kudi diyi, nenye kudi mukalenga. Nanku, bu bobu mua kunshipa nebanshipe!”

Estere 4:2

Yeye mumane kufika kumpala kua nzubu wa mukalenga, kuimanaye, bualu muntu muvuale bilamba bia madilu kawa mua kubuela mu nzubu wa mukalenga to.

Estere 4:4

Bakaji ba bena mudimu bende, ne batungu bavua baya kudi mukalenga mukaji Estere bua kumanyisha muvua Mordekayi muenze amu. Estere kupeta buowa bunene. Kutuminaye Mordekayi bilamba bia kuvuala, bua avule bilamba bia madilu biwaye nabi. Kadi Mordekayi kubenga.

Estere 9:31

Mu mikanda eyi bavua bambila bena Yuda bua kuenzabu tshibilu tshia Purime dituku divua Estere ne Mordekayi bajadike. Mukenji ewu uvua bualu buabu ne bua ndelanganyi yabu amu bu muvua mukenji wa kujila biakudia, ne wa kudila miadi.

Yobe 2:8

Yobe kuya kusomba mu butu, kuangula tshiyoyi tshia luesu bua kudikuanya natshi.

Yeshaya 22:12

Dituku adi, Maweja-Nangila, Mvidi Mukulu muena bukole buonsu, uvua munubele bua nudile muadi, bua nunyingalale, nubeye nsuki, nuvuale bilamba bia mu madilu.

Yeshaya 22:4

Ke pandi nkuambila ne: “Kutangidi bualu buanyi to. Undekele, ndile bikole. Lekelayi kuditatshisha bua kunsamba, bua bana betu bonsu bavuabu bashipe.

Yeshaya 58:5

Dijila dia biakudia dia mushindu ewu, ke dindi musue meme anyi? Ke dituku dia kudipuekesha dindi mua kuanyisha meme anyi? Kuinyika mutu bu dilenga, kuvuala bilamba bia madilu, kulala mu lupuishi, ke dituku dinudi nuenu nuamba ne: ndia tshijila anyi? Ke dituku dinudi nuela meji ne: didi disankisha meme anyi?

Yezekiyele 27:30

Bavua bakudila, badila muadi wa kanyinganyinga. Bavua badiela lupuishi mu mutu, babunguluka mu butu.

Danyele 9:3

Meme kujila biakudia, kuvuala bilamba bikayapale, kudilaba butu. Meme kutangila kudi Maweja-Nangila Mvidi Mukulu, bua kumutendelela ne kumusengelela.

Yona 3:6

Lumu alu kufika kudi mukalenga wa tshimenga tshia Ninive. Yeye kujuka mu nkuasa wende wa bumfumu, kuvula bilamba bia bukalenga, kuluata bilamba bikayapale, kusomba panshi mu butu.

Matayi 13:42

Nebabele mu tshikutu tshia kapia. Nebadidilemu; nebatutakajilemu menu.

Matayi 22:13

Nenku mukalenga kuambila bena mudimu ne: “Musuikayi ku makasa ne ku bianza. Numuimanshe pambelu mu midima, bua aye kudidilapu, asumakajilapu menu.”

Matayi 25:30

Muena mudimu wa tshianana ewu, musakilayi pambelu mu midima. Adidilemu miadi, atutakaje ne menu.”

Yoshua 7:6

Yoshuwa ne bakulu ba bena Izrayele, kudipanda bilamba. Kudielabu malaba mu mitu, badiela mpala panshi kumpala kua mushete wa tshijila wa Maweja-Nangila too ne ku dilolu.

1 Samuele 11:4

Bantu kuya ku Ngibeya, tshimenga tshia ba Shawule. Kuambilabu bantu bionsu bivuabu bakula kudi mukalenga Nakashe. Bena Ngibeya bonsu kudila muadi bikole.