Estere 2:7 - MUKANDA WA MYIDI MUKULU

⁷ Mordekayi uvua mukoleshe muana wa bakaji wa muanabu, dina diende Adasha, uvuabu binyika kabidi ne: Estere. Adasha uvua muana wa nshiye. Kunyima kua lufu lua baledi bende, Mordekayi kumuangata bua kukolelaye kuende. Adasha uvua ne mpala muimpe mutambe.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Yeye wakadiundisha Hadasa, eu udi Esetê mene, muana wa mansebʼandi mu nsubu wandi, bualu bua yeye kakadi ne tatu ne mamu; nsongakashi eu wakadi mulengele muakane ku mesu; hakafua tatu wandi ne mamu wandi, Môdekai wakamuangata bu muanʼandi mukashi mene.

Estere 2:7 교차 참조

Genese 48:5

Yakobe kuamba kabidi ne: — Mpindiewu, ndi ngangata Efrayime ne Menashe, bana bebe baudi mulele, meme tshiyi muanji kufika mu Ejipitu, bua bikale bana banyi meme, amu bu Rubene ne Shimeyone.

Estere 1:11

Kubatumaye bua bamubikidile mukalenga mukaji Vasti, bua afike kudiye, muvuale tshifulu tshia bukalenga. Mukalenga Ahashaveroshe uvua musue kuleja baneme bende ne bantu bakuabu bavuaye mubikile buimpe buvua nabu mukalenga mukaji. Bualu uvua ne mpala muimpe.

Estere 2:15

Dituku dikuabu, tshikondu tshivua Estere, muana wa Abikayile, uvua Mordekayi muana wa tatuende mukuabu mukoleshe, ne bua kuya ku nzubu bua kumonangana ne mukalenga, kukumbanatshi. Uvua ulomba amu bivua Egayi, mutungu mulami wa lupangu lua bakaji ba mukalenga mumuambile bua kuangata. Estere kutokela bonsu bavua bamumona ku muoyi.

Estere 2:20

Estere pende kavua muanji kudimanyisha ne: ndi muena Yuda to. Uvua muitabe muvua Mordekayi mumukandike. Uvua utungunuka ne kuitaba diyi diende amu bu tshikondu tshivuaye kumbelu kuende.

Estere 8:1

Dituku adi, mukalenga Ahashaveroshe kupesha Estere mukalenga mukaji bintu bionsu bia Amane, muluishi wa bena Yuda. Mukalenga kubikidisha Mordekayi, bualu Estere uvua mumuambile ne: Mordekayi mmuana wa tatu mukuabu.

Yobe 31:17

Mvua mudie biakudia bianyi anu nkayanyi anyi? Mvua mupale muana nshiya bimvua nabi anyi?

Yobe 31:18

Nansha kakese! Biangatshile ku buana buanyi, mvua muvuluke muana nshiya, mvua mumukoleshe bu mudi tatu wenza. Mvua mukuate tshianza tshia mukaji mukamba bua kumuludika.

2 Korente 6:18

Meme nengikale Tatu wenu, nuenu nenuikale bana banyi ba balume ne ba bakaji. Ke mundi ngamba Meme Maweja-Nangila wa bukole buonsu.”

Efeze 6:4

Baledi, kanufikishi bana benu munda. Kadi nubakoleshe, nubakele, nubabele mushindu udi Mfumu musue.

1 Yone 3:1

Monayi dinanga dipite bunene didi Tatu mutunange nadi! Bualu badi batuinyika ne: mbana ba Mvidi Mukulu. Bushuwa, tudi bana bende. Bukua panu mbutupange, bualu kabuvua bumanye Mvidi Mukulu.