Estere 2:12 - MUKANDA WA MYIDI MUKULU

¹² Bansongakaji bavua mu lupangu bavua ne bua kukumbaja tshidimu tshijima, benza bionsu bivuabu babafundila, bua kulengeja nabi mubidi wabu. Ngondu isambombu ya kumpala, bavua babafita mafuta a mire; minga isambombu ivua ilonda, bavua babafita mafuta a manananshi, ne bintu bikuabu bia kulengeja nabi bakaji. Pashishe, nsongakaji yonsu uvua ne tshiende tshikondu tshivuaye ne bua kubuela ku nzubu kuvua mukalenga Ahashaveroshe.

Mukanda wa Nzambi Dihungila Dikulukulu ne Dihungila Dihia-dihia 2003

¹² Hakakumbana tshikondo tshia nsongakashi ne nsongakashi kubuela kudi mukelenge Ahashawelosha, hakashikishabo kumuenzela bu muakadi mukenji bualu bua bakashi bua ngondo dikumi ne ibidi, (nunku matuku a kulengeshibua kuabo akashika; akadi nunku: ngondo isambombo bakabalengesha ne manyi a mula, ne ngondo isambombo bakabalengesha ne bintu bia dihembu dimpe ne bintu bikuabo bia kulengesha nʼabi bakashi);

Estere 2:12 교차 참조

Estere 2:11

Kadi Mordekayi uvua wendakana ku dituku ku dituku kumpala kua lupangu lua bakaji bua kumanya muvua Estere, ne bua kumanya tshidibu mua kumuenzela.

Estere 2:13

Pavua nsongakaji umuka ku lupangu lua bakaji, uya ku lupangu lua mukalenga, uvua upeta bilamba ne bilengejilu bionsu bivuaye musue kuya nabi kudi mukalenga.

Estere 2:3

Nenku, lomba balombodi ba matunga onsu adi mu bukalenga buebe, bua bakutuadile nsongakaji ya mpala mulenga. Bafike nayi mu lupangu lua bakaji ba bukalenga, ludi mu tshimenga tshia Shushane. Egayi, mutungu mulami wa lupangu elu, neayilame bimpe, neayipeshe mafuta a bulenga a kulabayo pambidi.

Estere 2:9

Estere uvua wenza bivua bilengelela Egayi. Ke Egayi kumuanyisha bikole. Kupeshaye Estere biakudia ne bintu bionsu bivua mua kulengeja mubidi wende. Uvua mumupeshe kabidi ne bena mudimu muanda mutekete, basunguila ku bansongakaji bena mudimu bavua mu nzubu wa bukalenga. Uvua mubateke pamue ne Estere mu nzubu uvua muimpe mupite mikuabu yonsu ya mu lupangu lua bakaji.

Nsumuinu 7:17

Pa bulalu buanyi, ndi mumiaminepu manananshi a mishindu mishilangane: a mire, a alowe ne a kanele.

Musambu wa Solomo 3:6

Nganyi udi ufuma nenku mu tshipela, bu divuba dia muinshi, divuba didi dinunka mupuya wa kamonya, dinunka manananshi a mipuya mishilangane, afuma ku matunga a bende.

Yeshaya 3:24

Pa mutu pa kununka mupuya muimpe wa manananshi, nebanunke mupuya mubi wa bintu bibole. Pa mutu pa mukaba, nebavuale anu muonji. Pa mutu pa kulukisha nsuki bimpe, nebakungule mu mutu. Pa mutu pa bilamba bilenga, nebavuale bia madilu. Eyowa, bulenga buabu nebuandamuke bundu.

Yeshaya 57:9

Udi udilaba mafuta, udiela ne manananshi a mupuya muimpe, bua kuya kutendelela mvidie Meleke. Uvua mutume bantu mutantshi mule ne mikenji. Wewe kubatuma too ne ku muaba wa bafue.