Estere 10:3 - MUKANDA WA MYIDI MUKULU

³ Nenku Mordekayi muena Yuda, kushala muntu wa butumbi mu bukalenga, ulonda Ahashaveroshe ku bumfumu. Bana babu bonsu bena Yuda bavua bamunange ne bamunemeke bikole. Uvua ubenzela mudimu bua diakalenga diabu, ubakuila bua kubapesha ditalala.

Mukanda wa Nzambi Dihungila Dikulukulu ne Dihungila Dihia-dihia 2003

³ Bualu bua Môdekai, Muena Yuda, wakadi muntu muibidi ku nyima kua mukelenge Ahashawelosha, ne wakadi munene munkatshi mua Bena Yuda, wakadi muitabushibue kudi tshisumbu tshia bana babo, mukebe diakalengele dia bana babo, muambile bana babo mei a ditalala.

Estere 10:3 교차 참조

Genese 41:40

Wewe ne wikale mulombodi munene wa mu bukalenga buanyi. Bantu banyi bonsu nebitabe mikenji yebe. Meme nenkupite amu ku bumfumu buanyi.

Genese 45:10

Tatu neasombe pabuipi nanyi mu ditunga dia Ngoshene, pamue ne bana bende, bikulu bende, too ne bimuna biende: mikoku, mbuji, ngombe ne bionsu bidiye nabi.

Genese 45:11

Kuneku meme nemmudishe bimpe, kayi mua kukenga tshintu, yeye ne bena diende bonsu, kabidi ne bimuna biende. Bualu bidimu bikuabu bia tshiyole bitshidi bishale bitanu.”

2 Kulondolola 28:7

Kadi Zikri, muena mvita wa bena Efrayime, kushipa Masheya, muana wa mukalenga Azirikame, mulombodi wa nzubu wa bukalenga, ne Elkana muntu uvua mukalenga wenda nende miaba yonsu.

Nehemya 2:10

Pashishe, Sanebalate, muena Orone, ne Tobiya, muena Amone, uvua umuambuluisha, kumvuabu lumu lua difika dianyi. Nanku kufikabu munda bikole, bua pumvuabu ne muntu mmufike bua kuambuluisha bena Izrayele.

Estere 2:5

Mu tshimenga tshia Shushane muvua muena Yuda, dina diende Mordekayi, muana wa Yayire, wa ku ndelanganyi ya Shimeyi ne Kishe, wa mu tshisamba tshia Binyamine.

Estere 3:2

Bena mudimu bonsu ba mu nzubu wa bukalenga bavua batua binu, binyika ne mitu kumpala kua Amane, bu muvua diyi dia mukalenga. Kadi amu Mordekayi nkayende ke uvua ubenga kuenza nanku.

Danyele 5:16

Kadi mvua mumvue lumu luebe ne: wewe udi ne lungenyi lua kujingulula nshinga ne kumvuija malu masokome. Wewe mubale bualu budibu bafunde ebu, mubumvuije kabidi, nebakuvuadike bilamba bia lumu, bakuele mabue a tshiamu tshia mpawungi mu nshingu. Newikale umue wa ku balombodi banene ba mu ditunga.

Danyele 5:29

Diakamue Baltazare kutuma diyi bua bavuadike Daniyele bilamba bia lumu, bamuele mabue a tshiamu tshia mpawungi mu nshingu. Kumuvuijabu umue wa ku balombodi banene ba mu ditunga.

Danyele 6:3

Ku mutu kua balombodi aba lukama ne makumi abidi ba bitupa bia buloba, Daryaveshe kuteka bamfumu basatu, bua kubatangila, bua muntu nansha umue kanyangi bumfumu bua mukalenga wa bakalenga. Daniyele uvua umue wa ku bamfumu aba.

Rome 10:1

Bana hetu, ndi njinga ne muoyi wanyi mujima, ndomba kudi Mvidi Mukulu, bua bena Yuda bapete lupandu.

Rome 14:18

Muntu udi ukuatshila Kristu mudimu mushindu ewu, udi usankisha Mvidi Mukulu. Bantu kabidi nebamuanyishe.

1 Samuele 18:16

Kadi bena Izrayele bonsu ne bena Yuda bavua banange Davide bikole. Bualu Davide uvua ubalombola bimpe mu mvita.

1 Samuele 23:17

Kuambilaye Davide ne: — Kuena mua kutshina to. Tatu wanyi Shawule kena mua kukupeta to. Wewe newikale mukalenga wa bena Izrayele. Meme nengikale anu tshindonda tshiebe. Tatu mmumanye bionsu ebi.