Ekesode 9:26 - MUKANDA WA MYIDI MUKULU

²⁶ Kadi kavua muloke mu Ngoshene to, bualu mmuaba uvua bena Izrayele basombe.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Anu mu buloba bua Goshene muakadi Bena Isalele, mabue a nvula kakadiku.

Ekesode 9:26 교차 참조

Ekesode 10:23

Matuku asatu awu, bena Ejipitu kabavua ne mushindu wa kuendakana, bualu kabavua mua kumona bantu nabu to. Kadi muaba uvua bena Izrayele basombele uvua butoke.

Ekesode 11:7

Kadi bena Izrayele bonsu too ne bimuna biabu, nansha mbua mene kena mua kubabuikila to. Nanku nenumanye ne: Meme ndi Maweja-Nangila, ndi nsunguluja bena Ejipitu ne bena Izrayele.”

Ekesode 12:13

Mashi adi ku muelelu wa biibi bia nzubu inudi nusomba awu, neikale tshimanyinu tshidi mua kunupandisha. Pambamona mashi awu, nempite mu njila tshiyi imubutula to. Nanku nembutule anu bena Ejipitu.

Ekesode 8:19

Dikenga dindi nkuatshisha bantu bebe kadiakukuata banyi meme. Nengenze tshishima etshi malaba.”

Ekesode 9:4

Kadi nensunguluje bimuna bia bena Izrayele ne bia bena Ejipitu. Tshimuna tshia bena Izrayele katshiakufua nansha tshimue.”

Ekesode 9:6

Butshia dinda, Maweja-Nangila kuenza muvuaye muambe. Bimuna bia bena Ejipitu kufua bionsu. Kadi tshimuna tshia bena Izrayele katshiena tshifua nansha tshimue.

Yirmeya 23:6

Pabuelaye mu bukalenga, kabakukengesha kabidi bena Yuda kudi baluishi babu. Bena Izrayele nebasombe talalaa. Nebinyike mukalenga awu ne: ‘Maweja-Nangila ke musungidi wetu!’ ”

Amosa 4:7

Mvua mukandike mvula bua kaloki, tshikondu tshivua bia pa madimi bikengela mayi. Mvua mulokeshe mvula mu tshimenga kampande, mu tshimenga tshikuabu, mvua mumukandike. Budimi bumue buvua bupete mayi mavule, bukuabu buvua bufuba ne munanga.