Ekesode 9:1 - MUKANDA WA MYIDI MUKULU

¹ Maweja-Nangila kuambila Moshe ne: — Uye kudi mukalenga wa bena Ejipitu, umuambile ne: “Maweja-Nangila, Mvidi Mukulu wa bena Ebrewu, udi wamba ne: Lekela bantu banyi baye kuntendelela.

Mukanda wa Nzambi Dihungila Dikulukulu ne Dihungila Dihia-dihia 2003

¹ Yehowa wakambila Mose ne, Ya biebe kudi Palô, umuambile ne, Yehowa, Nzambi wa Bena Ebelu, udi Wamba ne, Ulekele bantu banyi, baye kuntendelela.

Ekesode 9:1 교차 참조

Ekesode 10:3

Moshe ne Arone kuya kudi mukalenga wa bena Ejipitu, kumuambila ne: — Maweja-Nangila Mvidi Mukulu wa bena Ebrewu, udi wamba ne: “Mbimpe udipuekeshe kumpala kuanyi. Ulekele bantu banyi bena Izrayele baye kuntendelela.

Ekesode 3:18

Bena Izrayele nebitabe malu audi ubambila. Pashishe wangate bakulu ba bena Izrayele, uye nabu kudi mukalenga wa bena Ejipitu, umuambile ne: “Maweja-Nangila, Mvidi Mukulu wa bena Ebrewu, Mvidi Mukulu wetu mmutumuenekele. Nanku tudi tukusengelela se: wanyishe bua tuye mu tshipela, tuenze luendu lua matuku asatu bua kumulambula milambu.”

Ekesode 5:1

Malu onsu aa mamane kupita, Moshe ne Arone kuambila mukalenga wa bena Ejipitu ne: — Maweja-Nangila Mvidi Mukulu wa bena Izrayele udi wamba ne: “Ulekele bantu banyi, baye kuenza tshibilu mu tshipela bua kuntendelela.”

Ekesode 8:1

Maweja-Nangila kuambila Moshe ne: — Ambila Arone ne: olola diboku, atangije dikombu pa mayi adi mu musulu, mu tusulu tukese ne mu majiba, bua ndimba ipatukemu ibuele mu ditunga dia Ejipitu.

Ekesode 8:20

Maweja-Nangila kuenza tshishima atshi, kutuma njiji mipite bungi. Njiji ayi kunyanga ditunga dijima dia Ejipitu. Ivua mu nzubu mua mukalenga, mu nzubu mua balombodi ba mu bukalenga buende, ne mu nzubu ya bantu bonsu.

Ekesode 9:13

Maweja-Nangila kuambila Moshe ne: — Malaba dinda, uye kumonangana ne mukalenga wa bena Ejipitu, umuambile ne: “Maweja-Nangila Mvidi Mukulu wa bena Ebrewu udi wamba ne: ‘Lekela bantu banyi baye kuntendelela.