Ekesode 8:4 - MUKANDA WA MYIDI MUKULU

⁴ Mukalenga wa bena Ejipitu kubikila Moshe ne Arone. Kubambilaye ne: — Nundombele kudi Maweja-Nangila: umushe ndimba eyi, idi itutatshisha meme ne bantu banyi. Nanku nenganyishe bena Izrayele baye kulambula Maweja-Nangila milambu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Biula nebilue hamʼbidi hebe ne hamʼbidi ha bantu bebe ne hamʼbidi ha bahika bebe bonso.

Ekesode 8:4 교차 참조

1 Bakalenga 13:6

Pashishe mukalenga Yerobowame kuambila muambi ne: — Ndi nkusengelela ne: utendakene Maweja-Nangila Mvidi Mukulu webe bua amfuileku luse, ampingajile diboku dianyi edi muadi mua kale. Muambi kulomba Maweja-Nangila, diboku dia mukalenga Yerobowame kupingana muadi mua kale.

Misambu 107:40

Maweja-Nangila udi upepeja baneme, ubalekela balalakana mu tshipela, kabayi bamona njila.

Ekesode 10:17

Mpindiewu ndi nnulomba ne: Numbuikidile bubi buanyi. Nundombele kudi Maweja-Nangila Mvidi Mukulu wenu angumushile dinyoka edi dia lufu.

Ekesode 8:24

Mukalenga wa bena Ejipitu kuandamuna ne: — Nuambi bimpe, ndi nnutekela, nuye kulambula Maweja-Nangila Mvidi Mukulu wenu milambu mu tshipela. Nuatendelelaku bualu buanyi. Kadi kanuyi mutantshi mule to.

Ekesode 8:3

Kadi benji ba bilengulengu ba bena Ejipitu kuenza tshishima atshi, ne majimbu abu. Ndimba kubuela mu ditunga dijima dia Ejipitu ne ku mudimu wabu.

Ekesode 8:5

Moshe kuandamuna ne: — Unjadikile dituku diudi musue, nkulombele bua Mvidi Mukulu abutule ndimba idi ikutatshisha wewe ne balombodi ba mu bukalenga buebe, kabidi ne bantu bebe, bua ishale anu mu musulu wa Nile.

Ekesode 9:28

Numulombe: alekele kulokesha mvula wa makubakuba ne mabue, bualu mbimane kuntonda. Nennulekele, nuye. Tshiena nnulama kabidi to.

Yeshaya 19:11

Balombodi ba mu tshimenga tshia Sowane, mbantu bapale. Bafidi ba ngenyi ba mukalenga wa bena Ejipitu, mbafile meji a tshianana. Kadi mmunyi mudi yonsu wa kunudi mua kuambila mukalenga wa Ejipitu ne: “Meme ndi muana wa muena meji, meme ndi lulelu lua mukalenga wa kale?”

Yeshaya 19:22

Maweja-Nangila neanyoke bena Ejipitu, bua bamone mua kudilengeja. Nebapingane kudiye. Yeye neanyishe malomba abu, neabambuluishe.

Yeshaya 23:9

Amu Maweja-Nangila muena bukole buonsu ke udi mujadike bualu ebu, bua kujikija ditambisha, dia bantu badi badipa lumu, bua kupepeja bantu aba, badibu banemeka pa buloba.

Dibadika 21:7

Bavua bashale, kunyemenabu kudi Moshe, bamuambila ne: — Tudi bena tshibawu, bualu tuvua bakujane wewe, bajane kabidi ne Maweja-Nangila. Nanku, usengelele Maweja-Nangila. Atumushile nyoka eyi! Moshe kulombela bena Izrayele kudi Maweja-Nangila.