Ekesode 8:20 - MUKANDA WA MYIDI MUKULU

²⁰ Maweja-Nangila kuenza tshishima atshi, kutuma njiji mipite bungi. Njiji ayi kunyanga ditunga dijima dia Ejipitu. Ivua mu nzubu mua mukalenga, mu nzubu mua balombodi ba mu bukalenga buende, ne mu nzubu ya bantu bonsu.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Yehowa wakambila Mose ne, Ubike ne dinda dionso, uye kudi Palô hayeye ku mai, umuambile ne, Yehowa udi Wamba ne, Ulekele bantu banyi, baye kuntendelela.

Ekesode 8:20 교차 참조

Misambu 105:31

Mvidi Mukulu utuma diyi, njiji ya lulengu ne tumue kufikabi mu ditunga dijima.

Misambu 78:45

Njiji kua ibasuma, ibanua mashi, kubatumina ndimba kua ibatatshisha, kubutulayi bintu bionsu.

Ekesode 2:5

Ke muana wa bakaji wa mukalenga wa bena Ejipitu kupueka bua kuowa mayi. Bena mudimu bende bakaji bavua bendakana ku muelelu wa mayi aku. Diakamue muana wa bakaji wa mukalenga kumona tshisaka mu malenga, kubikila nsongakaji muena mudimu wende, bua kumuambuilaye tshisaka atshi mu mayi.

Ekesode 3:18

Bena Izrayele nebitabe malu audi ubambila. Pashishe wangate bakulu ba bena Izrayele, uye nabu kudi mukalenga wa bena Ejipitu, umuambile ne: “Maweja-Nangila, Mvidi Mukulu wa bena Ebrewu, Mvidi Mukulu wetu mmutumuenekele. Nanku tudi tukusengelela se: wanyishe bua tuye mu tshipela, tuenze luendu lua matuku asatu bua kumulambula milambu.”

Ekesode 4:23

Nanku ndi nkutumina diyi ne: umulekele, aye kuntendelela. Kadi paudi ubenga bua kumulekela, ndi nshipa muanebe wa balume muanabute.”

Ekesode 5:1

Malu onsu aa mamane kupita, Moshe ne Arone kuambila mukalenga wa bena Ejipitu ne: — Maweja-Nangila Mvidi Mukulu wa bena Izrayele udi wamba ne: “Ulekele bantu banyi, baye kuenza tshibilu mu tshipela bua kuntendelela.”

Ekesode 5:3

Moshe ne Arone kuandamuna mukalenga ne: — Mvidi Mukulu wa bena Ebrewu mmutumuenekele. Tudi tukulomba ne: wanyishe bua tuye mu tshipela, tuende luendu lua matuku asatu bua kulambula Maweja-Nangila Mvidi Mukulu wetu milambu. Bualu patudi katuyi tuenza nanku, udi mua kututumina disama dia tshiambu tshikole, nansha kutushipa ku muele wa mvita.

Ekesode 7:15

Angata dikombu diebe divua diandamuka nyoka adi, uye nadi dinda dionsu ku muelelu wa musulu wa Nile, diba didi mukalenga upuekelamu. Uye kuimana kumpala kuende.

Ekesode 8:1

Maweja-Nangila kuambila Moshe ne: — Ambila Arone ne: olola diboku, atangije dikombu pa mayi adi mu musulu, mu tusulu tukese ne mu majiba, bua ndimba ipatukemu ibuele mu ditunga dia Ejipitu.

Ekesode 8:21

Mukalenga wa bena Ejipitu kubikila Moshe ne Arone. Kubambilaye ne: — Lambulayi Mvidi Mukulu wenu milambu anu mu ditunga emu!

Ekesode 9:13

Maweja-Nangila kuambila Moshe ne: — Malaba dinda, uye kumonangana ne mukalenga wa bena Ejipitu, umuambile ne: “Maweja-Nangila Mvidi Mukulu wa bena Ebrewu udi wamba ne: ‘Lekela bantu banyi baye kuntendelela.