Ekesode 8:19 - MUKANDA WA MYIDI MUKULU

¹⁹ Dikenga dindi nkuatshisha bantu bebe kadiakukuata banyi meme. Nengenze tshishima etshi malaba.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Bena bilengulengu bakambila Palo ne, Bualu ebu budi bu munu wa Yehowa, kadi mutshima wa Palô wakakoleshibua, yeye kakabunvuila, bu muakamba Yehowa.

Ekesode 8:19 교차 참조

Genese 41:24

Miepu ivua mifubidile ayi, kuminayi miepu muanda mutekete ivua ne mubidi muimpe. Nkadi mumane kuawila bena majimbu ndota ayi. Kabena banjinguluila to.

Misambu 8:3

Miaku ya bana, nansha bana batekete menemene, idi imanyika baluishi bebe. Idi bu nkila uudi muele bua kupuwisha bena lukuna bebe.

Ekesode 10:23

Matuku asatu awu, bena Ejipitu kabavua ne mushindu wa kuendakana, bualu kabavua mua kumona bantu nabu to. Kadi muaba uvua bena Izrayele basombele uvua butoke.

Ekesode 10:7

Balombodi ba mu bukalenga kukonka mukalenga wa bena Ejipitu ne: — Muntu ewu neanyange ditunga dietu too ne ku diba kayi? Lekela bena Izrayele, baye kutendelela Maweja-Nangila Mvidi Mukulu wabu, bualu ditunga dia Ejipitu didi mua kubutuka!

Ekesode 11:7

Kadi bena Izrayele bonsu too ne bimuna biabu, nansha mbua mene kena mua kubabuikila to. Nanku nenumanye ne: Meme ndi Maweja-Nangila, ndi nsunguluja bena Ejipitu ne bena Izrayele.”

Ekesode 7:13

Kadi mukalenga wa bena Ejipitu uvua anu ne tshitunu. Kubengaye diyi dia Moshe ne dia Arone, bu muvua Maweja-Nangila mumane kuamba.

Ekesode 7:4

Kadi kakuitaba to. Nanku nemmuenzeje malu ku bukole. Nemmunyoke, bua mmone mua kupatula tshisamba tshianyi tshia bena Izrayele balondangane bimpe mu bisamba biabu mu ditunga diende.

Ekesode 7:5

Bena Ejipitu nebajadike ne: Meme ndi Maweja-Nangila, bualu nembenzeje ku bukole bua balekele bena Izrayele baye.

Ekesode 9:26

Kadi kavua muloke mu Ngoshene to, bualu mmuaba uvua bena Izrayele basombe.

Ekesode 9:4

Kadi nensunguluje bimuna bia bena Izrayele ne bia bena Ejipitu. Tshimuna tshia bena Izrayele katshiakufua nansha tshimue.”

Danyele 2:19

Nenku butuku, Mvidi Mukulu kulotesha Daniyele tshilota, kumujinguluila tshia mukalenga. Ke Daniyele kutumbisha Mvidi Mukulu wa mu diulu,

Matayi 12:28

Bulelela, ndi ngipata mikishi mibi ku bukole bua Mueyelu wa Mvidi Mukulu. Ke bidi bileja ne: Bukalenga bua Mvidi Mukulu bukadi bufike kunudi.

Luke 11:20

Kadi meme ndi ngipata mikishi mibi amu ku bukole bua Mvidi Mukulu. Ke bidi bileja ne: Bukalenga bua Mvidi Mukulu mbumane kufika kunudi.

Yowanane 11:47

Baparushe ne bamfumu ba batuangaji kudisangisha mu Tshipangu tshiabu tshikulu. Kuebejanganabu ne: — Netuenze tshinyi? Bualu muntu ewu udi wenza bishima bivule!

Bienzedi 4:16

Bavua bakonkangana ne: — Bantu aba neabenzele tshinyi? Bualu tshishima tshinene tshidibu benze, bena mu Yerushalayime bonsu mbatshimanye. Nanku katuena mua kutshivila to.

1 Samuele 6:3

Batuangaji ne bena Mbuku kuandamuna ne: — Panuikala basue kupingaja mushete wa Mvidi Mukulu wa bena Izrayele, kanuena mua kuupingaja tshianana to. Mbimpe nulambuleku Mvidi Mukulu wa bena Izrayele mulambu wa didia tshibalu. Nanku masama enu neajike. Kabidi nenujadike tshivua Maweja-Nangila ewu unukengeshila anu kunukengesha, kayi ulekela kunuleja bukole buende.

1 Samuele 6:9

Nanku nenumone: pikala ngombe milonde njila udi muye mu ditunga dia bena Izrayele, luseke lua ku Bete-Shemeshe, nenujadike ne: Mvidi Mukulu wa bena Izrayele, ke udi munutumina makenga onsu aa. Kadi pikala ngombe kayiyi milonda njila ewu, netujadike ne: Maweja-Nangila wa bena Izrayele kena mututumina makenga aa to, kadi tudi bapeta makenga aa mu mpukapuka.