Ekesode 7:11 - MUKANDA WA MYIDI MUKULU

¹¹ Mukalenga wa bena Ejipitu kubikila bena meji ne benji ba bilengulengu ne majimbu ba mu Ejipitu. Kuenzabu pabu tshishima atshi.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Palô wakabikila bena meji ne bena muhongo ne bena bilengulengu ba mu Ejipitu, bakenza muomumue ne manga abo.

Ekesode 7:11 교차 참조

Genese 41:8

Butshia dinda, mukalenga kupampakana bikole bua bilota abi. Kubikidisha benji ba majimbu bonsu ne bena meji ba mu ditunga diende, ubawila bilota abi. Kadi kakuvua muntu nansha umue uvua mua kumujinguluila bilota abi to.

Ekesode 7:12

Muntu yonsu kuela dikombu diende panshi. Kuandamukadi nyoka. Kadi dikombu dia Arone kumina makombu abu onsu.

Ekesode 7:22

Benji ba bilengulengu kuenza pabu tshishima atshi ku majimbu abu. Nanku mukalenga wa bena Ejipitu uvua anu ne tshitunu. Kubengaye diyi dia Moshe ne Arone bu mu-vua Maweja-Nangila mudianjile kuamba.

Ekesode 8:18

Kabidi bua wewe kujadika ne: ndi mulame bantu banyi nansha mu ditunga diebe mene, tshiakutuma njiji mu Ngoshene to, bualu mmuaba udibu basombe.

Ekesode 8:3

Kadi benji ba bilengulengu ba bena Ejipitu kuenza tshishima atshi, ne majimbu abu. Ndimba kubuela mu ditunga dijima dia Ejipitu ne ku mudimu wabu.

Ekesode 8:7

Ndimba neyipatuke mu nzubu muebe, mua balombodi ba mu bukalenga buebe ne mua bantu bebe bonsu. Neyishale anu mu musulu wa Nile.

Danyele 2:2

Mukalenga kubikidisha babuki ba mbuku, benji ba majimbu, bapaki ba manga ne bena bilengulengu, bua kumujinguluilabu tshilota tshiende. Kufikabu, kuimanabu kumpala kua mukalenga.

Danyele 2:27

Daniyele kumuandamuna ne: — Mukalenga, bualu busokome buudi webeja, mbualu budi bena meji, bena bilengulengu, bamanyi ba malu a mitotu, bena majimbu, ne babuki ba mbuku, kabayi mua kujingulula.

Danyele 4:6

Beltashare, mfumu wa babuki ba mbuku, ndi mumanye ne: udi ne mueyelu wa mvidie ya tshijila. Nanku kakuena bualu busokome budi mua kukukolela. Unjinguluile tshilota.

Danyele 5:11

Kudi muntu mu bukalenga buebe udi ne mueyelu wa mvidie ya tshijila. Mu tshikondu tshia tatuebe, bakasangana muntu awu muikale udianza kumona malu, muikale ne lungenyi ne meji bu bidi mvidie nabi. Ke pavua tatuebe, mukalenga Nebukadnesare, mumuteke mfumu wa babuki ba mbuku, wa benji ba majimbu, wa bena bilengulengu ne bajinguludi ba malu a mitotu.

Danyele 5:7

Mukalenga kuela diyi dikole ne: bafike ne bena meji ba mu Babilone, benji ba majimbu, bena bilengulengu ne bamanyi ba malu a mitotu. Kubambilaye ne: — Muntu yonsu wabala tshidibu bafunda etshi, watshinjinguluila, nebamuvuadike bilamba bia lumu. Nebamuele mabue a tshiamu tshia mpawungi mu nshingu. Neikale umue wa ku balombodi banene ba mu ditunga.

Matayi 24:24

Bualu baKristu ba dishima ne bambi ba dishima nebamueneke. Nebenze bishima binene, ne malu a dikema, bifuane mua kudinga bantu mene badi Mvidi Mukulu musungule, bu biobi mua kuenzeka.

Ngalate 3:1

Nuenu bena Ngalate, nudi bantu batatakane! Uvua munulowe nnganyi? Tshivua munuleje patoke Yezu Kristu, uvuabu bapopele pa mutshi mutshiamakane anyi?

Efeze 4:14

Diba adi katuakuikala kabidi bana, badibu batekakaja kudi malongesha mashilangane, mushindu udi mavuala ne mpepele bitekakaja majuwa. Muntu utshidi muana mu ditaba, bena dishima badi bamupambula, banubueja mu ntupakanyi, ne malongesha abu a kudinga nawu bantu.

2 Tesalonike 2:9

Muena bubi neafike ne bukole bua diabolu. Neenze bishima bia mishindu yonsu, ne malu a kukema, bua kudinga nabi bantu.

2 Timote 3:8

Bu muvua Yanese ne Yambrese batombokele Moshe, ke mudi bantu abu babenga bulelela. Lungenyi lua bantu abu ndunyanguke. Ditaba diabu didi patupu.

2 Timote 3:9

Kadi kabakuya muaba mule to. Bualu bantu bonsu nebajingulule ne: bantu aba mbatatakane. Ke muvuabu bajandule kale butatakana bua Yanese ne Yambrese nanku.

Didimanyisha 19:20

Kukuatabu nyama, pamue ne muambi wa dishima uvua muenze malu a dikema, nyama mutangile. (Uvua mudinge ne malu a dikema awu bavuabu batue tshitampi tshia nyama, bakukuile tshimfuanyi tshiende.) Bavua bela nyama ne muambi wa dishima, batshikale ne muoyi, mu mayi manene avua atema kapia ka mvuanda.

1 Samuele 6:2

Pashishe bena ditunga adi kukonka batuangaji babu ne bena mbuku ne: — Mushete wa Maweja-Nangila, tuenze nawu tshinyi? Nutuleje mushindu utudi mua kuupingaja mu ditunga diawu.