Ekesode 5:21 - MUKANDA WA MYIDI MUKULU

²¹ Kuambilabu Moshe ne Arone ne: — Maweja-Nangila mmumone bionsu ebi. Neanunyoke, bualu tuetu katuena kabidi ne mushinga kudi mukalenga wa bena Ejipitu ne kudi bantu bende. Nudi batukebele dikenga ne lulu.

Mukanda wa Nzambi Dihungila Dikulukulu ne Dihungila Dihia-dihia 2003

²¹ bobo bakabambila ne, Yehowa anutangile, anulumbuluishe, bualu bua nuakutuvuisha bu tshintu tshidi tshi tua tshibi ku mesu kua Palô ne ku mesu kua bantu bandi, nuakuteka muele wa nvita mu bianza biabo wa kutushiha nʼau.

Ekesode 5:21 교차 참조

Genese 16:5

Ke Sarayi kuambila Abrame ne: — Badi bampenda bipendu bionsu ebi bualu buebe. Meme kukupesha mupika wanyi bua ikale muena kuebe. Kadi katshia wimita difu, kena unnemeka kabidi to. Maweja-Nangila nkayende akose tshilumbu tshidi pankatshi petu nebe.

Genese 31:53

Mvidi Mukulu wa Abrahame ne wa Nahore akose nsambu yetu nebe. Pashishe Yakobe kuditshipa mu dina dia Mvidi Mukulu uvua mukuatshisha tatuende Izake bowa.

Genese 34:30

Ke Yakobe kuambila bana bende Shimeyone ne Levi ne: — Nuangenzedi bibi, nuamfuishi bundu kudi bena Kenaane ne kudi bena Perizi. Tuetu tudi bakese, bobu badi ba bungi. Badi mua kudisanga, kumbutala ne bianyi bionsu bindi nabi.

2 Samuele 10:6

Bena Amone kumona ne: Davide ukadi muluishi wetu. Nanku kufutabu bena mvita binunu makumi abidi ba bena Siriya, ba mu Beterekobe ne mu Soba, bena mvita tshinunu ba mukalenga wa Maaka, ne bena mvita binunu dikumi ne bibidi ba mu Tobe.

1 Kulondolola 19:6

Mukalenga Anune ne bena Amone kumona ne: Davide ukadi muluishi wetu. Nanku kuangatabu ku mudimu bena mvita ba bena Arame ba mu buloba bua Mezopotamiya wa kulu, ba bena Maaka ne bena Soba, bikale ne matempu ne babandi ba pa nyama ya tubalu. Kufutabu bantu aba tshiamu tshitoke tshia mushinga mukole, tshia bujitu bua kilo binunu makumi asatu.

Ekesode 14:11

Kukonkabu Moshe ne: — Uvua mutupatule mu Ejipitu bua tuetu kuluila mu tshipela bua tshinyi? Mu Ejipitu kamuvua nkita anyi? Tshiuvua mutupatuile mu Ejipitu ntshinyi?

Ekesode 15:24

Bena Izrayele kunungana, bakonka Moshe ne: “Netunue tshinyi?”

Ekesode 16:2

Mu tshipela amu, bena Izrayele kujana Moshe ne Arone,

Ekesode 4:31

Bantu bamona nanku, kuitababu. Kujadikabu ne: Maweja-Nangila wamonyi makenga etu, watusambi. Kutuabu binu panshi bua kumutendelela.

Ekesode 5:20

Bashiyangane ne mukalenga wa bena Ejipitu, kumonanganabu ne Moshe ne Arone bavua babindile.

Ekesode 6:9

Moshe kuambila bena Izrayele malu awu. Kadi kabavua bamuitaba to, bualu bavua ne kanyinganyinga bua dikenga divuabu nadi mu bupika.

Muambi 10:1

Njiji mifue idi ibolesha kalangi kajima ka manananshi. Nenku butshimbakane bukese budi bunyanga meji ne lumu bidi muntu nabi.

Yeshaya 30:6

Nyama idi yambula bintu bia bungi, idi yenda ipitshila kuinshi kua ditunga. Mu buloba bua dikenga ne dibungama, mudi bintu bia bungi bidi bikuatshisha bowa, mudi nyama ya ntambue ikungula, mudi nyoka ya ntoka ne nyoka idi ibuka, nyama ya mpunde ne ya tumelu idi ipitshilamu, yambula bubanji ne bintu bia mushinga mukole. Balombodi ba mu ditunga badi baya nabi kudi bantu ba tshisamba, tshidi katshiyi mua kubambuluisha nansha kakese.

Yowele 2:20

Baluishi benu badi batumina ku mutu kua ditunga, nembipate mutantshi mule, ku maloba a bipela ne minanga. Nengimanshe bena mvita babu badi benda kumpala mu Mayi manene a luepu; badi kunyima nembimanshe mu Mayi manene a pankatshi. Bitalu biabu nebinunke bibi, bantu kabayi mua kueyela bimpe. Nanku bantu bonsu bawa bakuenzela malu mabi mapite, nebajimine.

Dibadika 14:22

muntu nansha umue wa ku ndelanganyi eyi kakubuela mu Kenaane to. Bualu bantu aba mbamane kumona butumbi buanyi, ne malu a dikema andi mubenzele mu Ejipitu ne mu tshipela. Kadi nansha bobu bamone nanku, kabavua bangitaba to. Bavua bantete misangu ne misangu!

Dibadika 14:3

Maweja-Nangila mmusue kutubueja mu ditunga dia Kenaane bua kutubutula mu mvita anyi? Bakaji betu ne bana nebashale bapika. Mbimpe tupingane mu Ejipitu!

1 Samuele 13:4

Bena Izrayele bumvua ne: Shawule ke udi mushipe mfumu wa bena Peleshete, kabidi ne: Bena Peleshete mbafikile bena Izrayele munda. Ke bena mvita bonsu ba bena Izrayele kudisangisha kudi Shawule mu Ngilgale.

1 Samuele 27:12

Ke muvua mukalenga Akishe witaba Davide bikole. Bualu uvua wela meji ne: “Bu mudi bena Izrayele babenga Davide. Yeye neangenzele mudimu kashidi.”