Ekesode 38:21 - MUKANDA WA MYIDI MUKULU

²¹ Pashishe Moshe kutumina bena Izrayele diyi, bua babale bintu bionsu bivuabu benza nabi mudimu mu nzubu wa tshijila. Muaba awu, ke uvuabu bateka mushete wa ndondu uvua ne mabue a mikenji. Itamare, muana wa mutuangaji Arone, ke uvua ulombola bena Levi bavua babala bintu ebi.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Ebu mbungi bua bintu bia mu nsubu wa tshitendelelu biakabalabo bu muakamba Mose biakakuatshila Bena Lewi mu mudimu wabo, mu bukokeshi bua Itama, muana mulume wa Alona, muakuidi.

Ekesode 38:21 교차 참조

1 Kulondolola 6:3

Bana ba balume ba Kekate badi nenku: Amrame, Ishare, Ebrone ne Uziyele.

2 Kulondolola 24:6

Nanku mukalenga Yowashe kubikila Yoyada, mutuangaji munene, kumukonka ne: — Moshe, muntu wa Maweja-Nangila, pamue ne bena Izrayele bonsu, bavua bajadike mudibu mua kufila bitadi bua muaba wa tshijila, udibu bateke mushete wa ndondu. Kadi kuena mulombe kudi bena Levi, bua balambuishe bena mu Yerushalayime ne bena Yuda bitadi abi bua tshinyi?

Yobe 11:4

Uvua wamba kabidi ne: “Tshiena nshima to. Mvidi Mukulu mene udi mua kujadika mundi tshiyi ne bualu!”

Yobe 22:23

Wewe mupingane kudi wa bukole buonsu, neakufululule. Umushe malu mabi onsu, audi wenza kuebe.

Yobe 26:1

Pashishe Yobe kuandamuna ne:

Misambu 15:1

Musambu wa mu mukanda wa misambu ya Davide. — Maweja-Nangila, wabuela mu nzubu muebe, wasomba pa mukuna webe wa tshijila nnganyi?

Ekesode 25:16

Mu mushete amu utekemu mabue, adi ne mikenji ingakupesha, idi ijadika ndondu.

Ekesode 26:33

Ulembeleje tshilamba ku nkanu. “Usokoke mushete udi ne meyi ne mikenji panyima pa tshilamba atshi. Tshilamba atshi netshikale tshilembeleja bua kunuleja muaba wa tshijila ne muaba wa tshijila menemene.

Ekesode 38:20

Milonda ya bitupa yonsu, ivua ku nzubu wa tshijila ne ku lupangu, ivua ya tshiamu tshikunze.

Ekesode 38:22

Beshalele, muana wa Uri, uvua kabidi muikulu wa Ure, wa mu tshisamba tshia Yuda, kuenza mudimu wonsu uvua Maweja-Nangila muambile Moshe.

Ekesode 40:3

Batekemu mushete wa ndondu, baujika ne tshilamba tshilembeleja, bua kabaumonu kudi bantu to.

Ekesode 6:23

Arone uvua musele Elisheba muana wa Aminadabe. Elisheba awu uvua muanabu ne Nashone. Elisheba kulela bana ba balume banayi: Nadabe, Abiku, Elazare ne Itamare.

Dibadika 1:50

Neubapeshe mudimu wa kulama nzubu wa tshijila, muaba udibu bateke mukanda wa ndondu, bintu bionsu bia kuasa nabi nzubu awu, nansha bintu bia kukuata nabi mudimu mu nzubu awu. Nebambule nzubu awu ne bintu biende bionsu. Nebenze mudimu mu nzubu awu. Kabidi nebase mitanda yabu minyungulule nzubu awu.

Dibadika 1:53

Kadi amu bena Levi, nebase mitanda yabu minyungulule nzubu wa tshijila. Amu bobu nkayabu nebenze mudimu munda mua nzubu awu. Bena Izrayele bakumbaje mikenji eyi, kabakumfikisha munda nansha.”

Dibadika 10:11

Matuku makumi abidi a ngondu muibidi wa tshidimu tshivua tshilonda tshidimu tshivua bena Izrayele bapatuke mu Ejipitu, divuba kubanda mulu ku ntenta wa kusambakena, uvua ne mushete wa ndondu.

Dibadika 18:2

Newanyishe kabidi bua bana benu bena Levi, bena tshisamba tshia tatuebe, basemene nebe ku nzubu wa tshijila. Kadi amu wewe ne ndelanganyi yebe nenubuele muaba udi mushete wa ndondu. Kadi bana benu bena Levi nebanulamate, banuambuluisha.

Dibadika 24:5

Nuenu bena Izrayele, ndelanganyi ya Yakobe, ntenta yenu inudi nusomba idi mimpe mitambe.

Dibadika 9:15

Dituku divuabu base nzubu wa tshijila, divuba divua dibuikila ntenta uvua ne mushete wa ndondu. Butuku, divuba adi divua dikenka bu kapia too ne muatshiabu.

Matayi 17:4

Ke Petro kuambila Yezu ne: — Mfumu, ndisanka kaayi dia kuikala muaba ewu! Bu wewe musue, nengase apa ntenta isatu, umue webe, wa Moshe umue, ne munga wa Eliya.

Bienzedi 7:44

Mu tshipela, bankambua betu bavua ne ntente wa kusambakena, uvuabu benze mushindu uvua Mvidi Mukulu muambile Moshe, kabidi bilondeshile tshivua Mvidi Mukulu mumuleje.

2 Korente 5:1

Tudi bamanye ne: nzubu utudi tusomba, mmomumue ne: mubidi wetu wa panu, udi upuka. Kadi Mvidi Mukulu mmutulongoluele nzubu mukuabu mu diulu, nzubu udi ushala kashidi, udibu kabayi basa kudi bantu.

Ebrewu 8:2

Udi wenza mudimu wa butuangaji muaba wa Tshijila, mbuena kuamba ne: mu ntenta mulelela uvuabu kabayi base kudi bantu, kadi kudi Maweja-Nangila.

Ebrewu 9:11

Kadi Kristu mmufike bu mutuangaji munene wa bintu bitukadi nabi mpindiewu. Ntenta udiye wenzela mudimu, mmupite wa kumpala bua mushinga, kabidi udi mulenga tshishiki. Kabavua bamuasa kudi bantu. Mbuena kuamba ne: kena wa pa buloba ebu budibu bafuke nansha.

2 Petro 1:13

Bualu pantshidi ne muoyi apa, ndi ne bua kunuvuluija amu kunuvuluija malu aa.

Didimanyisha 11:19

Ke nzubu wa Mvidi Mukulu udi mu diulu, kunzuluka. Mushete wa ndondu kumuenekamu. Mikenya, mikungulu, makubakuba, tshikumina kuenzeka, kabidi mvula mukole wa mabue kuloka.

Didimanyisha 15:5

Ebi bimane kuenzeka, meme kumona nzubu wa Mvidi Mukulu unzuluka mu diulu. Mu nzubu amu muvua ntenta wa ndondu wa Mvidi Mukulu.

Didimanyisha 21:3

Ke meme kumvua diyi dikole difumina ku nkuasa wa butumbi, diamba ne: “Mpindiewu Mvidi Mukulu udi usomba pamue ne bantu! Neashale nabu. Bobu nebikale tshisamba tshiende. Mvidi Mukulu mene neashale nabu; neikale Mvidi Mukulu wabu.