Ekesode 37:9 - MUKANDA WA MYIDI MUKULU

⁹ Bakerubine abu bavua batangilangane, binangila pa tshibuikidiji, bolola mapuapua mulu, bua kubuikila tshibuikidiji tshia mushete atshi.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bakeluba bakolola mahuahua abo kulu, bakabuikila tshibuikilu tshia mushete ne mahuahua abo, bakadi belangana mpala, mpala yabo yakadi ku tshibuikilu tshia mushete.

Ekesode 37:9 교차 참조

Genese 28:12

Pawaye mulale, kulotaye tshilota. Kumonaye tshibandilu tshitue mulu tshitue panshi. Batumibue ba Mvidi Mukulu bavua babanda bapueka ku tshibandilu atshi.

Genese 3:24

Maweja-Nangila Mvidi Mukulu mumane kuipata muntu mu lupangu lua Edene, kutekaye Bakerubine mu lupangu amu ne muela utema kapia. Bavua bimane ku tshibuelelu tshia lupangu luseke ludi diba dipatukila, bakandika bua muntu kafiki muaba uvua njila wa ku mutshi wa muoyi.

1 Bakalenga 6:27

Kutekabu bakerubine munkatshi mua tshibambalu tshiena ne mushete wa ndondu. Bakerubine abu bavua bolola mapuapua. Dipuapua dia Kerubine wa kumpala divua dilenga ku tshimana tshimue tshia tshibambalu atshi. Dipuapua dia Kerubine muibidi divua dilenga ku tshimana tshikuabu. Kadi mapuapua makuabu abidi avua malengangane munkatshi mua tshibambalu.

Ekesode 25:20

Bimfuanyi abi, bikale bitangilangane, binangile pa tshibuikidiji tshia mushete, biolola mapuapua mulu bua kubuikila mushete awu.

Ekesode 37:10

Beshalele kuenzaye kabidi mesa a mutshi wa ndunga. Mesa awu avua ne bule bua metre umue, butshiama bua santimetre makumi atanu, butumbuke bua santimetre makumi muanda mutekete ne itanu.

Ekesode 37:8

Bakerubine abu bavua balamakane ne tshibuikidiji, ewu ku ditengu mukuabu ku ditengu.

Yeshaya 6:2

Baserafine bavua bimane ku mutu kuende. Serafine yonsu uvua ne mapuapua asambombu: abidi mabuikile mpala wende, abidi mabuikile mubidi wende, ne makuabu abidi a kubuka nawu.

Yowanane 1:51

Yezu kuamba kabidi ne: — Ndi nnuambila bulelela ne: nenumone diulu diunzuluke, batumibue ba Mvidi Mukulu babanda bapueka kulu kua Muana wa muntu.

2 Korente 3:18

Tuetu bonsu tudi tumuenesha butumbi bua Mfumu, bualu ki mbabuikile mpala wetu ne tshilamba. Ke mutudi bandamuke, bua difuanangane ne Mfumu, bua tumuke mu butumbi, tubuele mu bukuabu budi bupita bua kumpala. Ke bidi Mfumu muenze ku bukole bua Mueyelu wende.

Efeze 3:10

Kadi mpindiewu, Tshisumbu tshia bena ditaba tshidi tshimanyisha mamfumu ne makole a mulu, meji a mishindu ne mishindu adi Mvidi Mukulu nawu.

Filipe 3:8

Tshiena ngamba amu bua biobi abi to. Kadi nkadi ntangila bionsu bidi ne mushinga bu bintu bia kuimansha, bualu bua tshiuma tshipite buimpe etshi: kumanya Yezu Kristu, Mfumu wanyi. Bualu buende Yeye, ndi muimanshe bionsu bivua ne mushinga ku mesu anyi. Ndi mbitangila bu bintu bia kuela mu dyala, bua mmone mua kupeta Kristu,

1 Timote 3:16

Eyowa, muntu nansha umue kena mua kuela mpata ku bualu bunene busokome bua ditaba dietu! Uvua mudileje panu mu butekete bua muntu. Mueyelu wa Tshijila kumubingisha. Batumibue ba Mvidi Mukulu kumumona. Bantu kulongesha bualu buende mu bisamba bikuabu. Kumuitababu pa buloba. Kumuambulabu mu diulu.

Ebrewu 1:14

Batumibue ba Mvidi Mukulu mene mbanganyi? Buonsu buabu mmieyelu idi yenzela Mvidi Mukulu mudimu. Bobu ke badiye utuma bua kuambuluisha badi ne bua kupeta lupandu.

1 Petro 1:12

Mvidi Mukulu uvua mutanduile bambi abu ne: mukenji unudi ne bua kumanyisha bantu, kanuena nuulongesha bualu buenu to, kadi bua bantu bakuabu. Ke mudi bakobodi ba Lumu lua Disanka banumanyishelu mpindiewu ku bukole bua Mueyelu wa Tshijila udi Mvidi Mukulu mulume. Batumibue ba Mvidi Mukulu mene badi bajinga kumanya mukenji awu.