Ekesode 36:8 - MUKANDA WA MYIDI MUKULU

⁸ Bena mudimu bavua bapite bakuabu ku lungenyi kutuadija kuasa nzubu wa tshijila. Kuangatabu bilamba dikumi bia buanda bua ndanda busambakaja ne bua miosa ya nyama bufikuluke, bukunzubile ne bukunze kunzuu. Ku bilamba abi, bavua bazolaku Bakerubine.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Balume bonso bakadi ne lungenyi lule munkatshi mua bena mudimu bakenza nsubu wa tshitendelelu ne bilulu dikumi bia lin muimpe ne bilulu bia bleu ne bikunzubile ne bikunze-kunzû, bakenza bakeluba kudi bena mudimu bakadi ne lungenyi lule.

Ekesode 36:8 교차 참조

1 Bakalenga 6:23

Pashishe, kusongabu mutshi wa olive wa ditu, kuenzabu mpingu ibidi ya bakerubine bua kuteka mu tshibambalu tshivua ne mushete wa ndondu. Kerubine yonsu uvua metre atanu mu bule. Kerubine wa kumpala, uvua ne mapuapua, mikale metre abidi ne tshitupa mu bule. Nanku, mapuapua ende onsu avua ne metre atanu mu bule. Kerubine muibidi, uvua kabidi ne metre atanu. Uvua anu bunene bumue, mufuanangane ne Kerubine wa kumpala.

1 Kulondolola 15:1

Davide kuibakisha nzubu mu Tshimenga tshia Davide. Kulongololaye muaba mukuabu, kuasayemu ntenta bua kuteka mushete wa tshijila wa Mvidi Mukulu.

2 Kulondolola 1:3

Kuyaye ne bantu abu bonsu mu Ngibone, muaba wa tshijila. Bualu ke muaba wa mu tshipela uvua Moshe, muntu wa Maweja-Nangila, muase ntenta wa kusambakena ne Mvidi Mukulu.

2 Kulondolola 3:10

Pashishe bavua bafula bakerubine babidi ne tshiamu tshiengulula. Bavua babalamika tshiamu tshia mapwungi, babateka muaba wa tshijila menemene.

Ekesode 25:18

Kadi, pa tshibuikidiji tshia mushete apu, ku nseke ibidi ya mu bule buawu, wenzapu mpingu ibidi ya tshiamu tshia mpawungi, ileja Bakerubine.

Ekesode 25:22

Netumonangane nebe anu pa tshibuikidiji tshia mushete awu. Pankatshi pa Bakerubine abu, ke pandi nkupela mikenji idi itangila bena Izrayele.

Ekesode 31:6

Ndi muangate kabidi Okoliyabe, muana wa Akisamaka wa mu tshisamba tshia Dane, bua ikale umuambuluisha. Ndi mupeshe bantu bakuabu tshipedi tshia kuenza midimu ya bianza. Nanku, bonsu pamue nebenze bionsu bimvua mukuambile bua wewe kuenza:

Ekesode 31:7

ntenta wa kusambakena, mushete wa ndondu, tshibuikidiji tshia mushete ne bintu bionsu bidi mu ntenta,

Ekesode 35:10

Nanku bantu ba kunudi benji ba midimu ya bianza, bafike bua kuenzela Maweja-Nangila mudimu uvuaye muambe.

Ekesode 36:9

Bilamba bionsu bivua ne metre dikumi ne inayi mu bule, metre ibidi mu butshiama.

Ekesode 39:3

Kuengululabu tshiamu tshia mpawungi, kuenzabu natshi bitata. Kukosololabu bitata abi mu bitupa bikese bua kupeta buanda. Batedi kubusambakaja ne buanda bua miosa ya nyama bufikuluke, bukunzubile ne bukunze kunzuu, kabidi ne bua ndanda.