Ekesode 36:3 - MUKANDA WA MYIDI MUKULU

³ Kusangishabu bintu bionsu bivua bena Izrayele bafile kudi Moshe bua midimu ya mu muaba wa tshijila. Bena mudimu bonsu bamane kusangisha bintu bikumbane, bena Izrayele bavua anu bafika ne dinda dionsu bua kufila bintu bikuabu bu muvuabu basue.

Mukanda wa Nzambi Dihungila Dikulukulu ne Dihungila Dihia-dihia 2003

³ Bobo bakangata ku bianza bia Mose bintu bionso biakafua Bena Isalele ne disanka bua kuenza nʼabi bintu bionso bia mu nsubu wa tshitendelelu. Bakatshidi halua kudiye ne bintu biakadi mitshima yabo misue ku dinda ku dinda.

Ekesode 36:3 교차 참조

Misambu 101:8

Dinda dionsu nempuwishe bantu babi bonsu ba mu ditunga, bua kumusha bantu babi bena malu mabi mu tshimenga tshia Maweja-Nangila.

Misambu 5:3

Mukalenga wanyi, Mvidi Mukulu wanyi, teleja ne ntema pandi nkubikila. Wewe ke undi ndomba.

Ekesode 35:27

Bamfumu ba meku kulambula mabue a mushinga mukole a onikse ne mabue makuabu a kuteka mu tshilamba tshia efode tshia mutuangaji munene, ne mu tshilamba tshiende tshia pa tshiadi.

Ekesode 35:29

Bena Izrayele bonsu balume ne bakaji ba muoyi muimpe, kulambulabu bintu bia kuenza nabi mudimu uvua Maweja-Nangila muambile Moshe.

Ekesode 36:2

Moshe kubikila Beshalele, Okoliyabe ne bantu bakuabu bavua Maweja-Nangila mupeshe tshipedi tshia kuenza midimu ayi kuyikumbaja.

Ekesode 36:4

Nanku bena meji bavua benza midimu mishilangane muaba wa tshijila, kuanjibu kulekela midimu, kuyabu

Nsumuinu 8:15

Meme ndi ngambuluisha bakalenga bua bikale mu bumfumu, ne balombodi ba ditunga bua bele mikenji mimpe.

Yeshaya 50:4

Maweja-Nangila Mvidi Mukulu uvua mundongeshe tshindi ne bua kuamba. Ke yeye udi ummanyisha miaku, indi mua kuambuluisha nayi muntu ukadi mupungile. Dinda dionsu, Maweja-Nangila udi umbisha, mpeta kudiye dijinga dikole dia kumuteleja, bu mudi balongi bajinga kuteleja mulongeshi wabu.

Yirmeya 21:12

Nuenu bantu ba mu diku dia Davide, telejayi tshidi Maweja-Nangila wamba. Udi wamba ne: Ku dituku ku dituku panualumbulula bilumbu, nukose nsambu amu pa yoyi. Bantu badibu banyenga bintu biabu, nubapatule mu bianza bia badi babakengesha. Tshianana tshiji tshianyi netshijuke bu mudi kapia kadi kuosha bionsu, kapia kadi muntu kayi mua kujima. Bualu nuvua benze malu mabi mapite bungi.

Amosa 4:5

Nudi nuoshila pa tshilambuilu mampa mela buanga, bua mulambu wa kuela tuasakidila. Nudi nubikila bantu ku milambu ya budisuile inudi nulambula. Ke binudi nunanga bikole, kadi nudi amu nuntombokela. Meme Maweja-Nangila ndi njadika nanku.