Ekesode 34:16 - MUKANDA WA MYIDI MUKULU

¹⁶ Bana benu ba balume kabena mua kusela nsongakaji ya mu ditunga adi to. Bualu badi mua kulonda bibidilu bibi bia nsongakaji idi inemeka mvidie ya ditunga diabu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ bua nuenu kanubikidi bana babo ba bakashi kudi bana benu ba balume; ne bana babo ba bakashi badi benda masandi ku mpingu yabo ka-benzeshi bana benu ba balume masandi kudi mpingu yabo.

Ekesode 34:16 교차 참조

Genese 24:3

uditshipe mu dina dia Maweja-Nangila, Mvidi Mukulu wa diulu ne buloba, bualu kuena mua kukebela muananyi Izake mukaji wa mu ditunga dia Kenaane mundi muase emu to.

1 Bakalenga 11:1

Mukalenga Shelomu mumane kusela muana wa mukalenga wa bena Ejipitu, kuselaye kabidi bakaji ba bungi ba bisamba bikuabu: ba bena Mowabe, bena Amone, bena Edome, bena Sidone ne bena Iti.

1 Bakalenga 21:25

Bulelela, katshia kabena banji kumona muntu usanka bua kuenza bidi Maweja-Nangila ubenga, bu mudi mukalenga Akabe usanka bua kuenza nanku. Kadi badi bamuenzeja bionsu ebi kudi mukajende Yezabele.

2 Kulondolola 21:11

Yorame uvua muenze mene miaba ya kutendelela mvidie ya bisamba bikuabu pa mikuna ya Yuda. Nanku Yorame uvua mufikishe bena Yerushalayime ne bena Yuda ku dibenga Mvidi Mukulu mulelela.

Ezela 9:12

Nanku, nsongakaji yenu, kabena mua kuyisela kudi nsongalume ya banb benyi abu to. Kabidi kanuena mua kubangila bana babu ba bakaji bua kubaselabu kudi bana benu ba balume to. Kanuena mua kuvudija diakalenga ne biuma bia bantu benyi aba to. Nanku nenuikale bantu ba bukole. Nenusanke ne bintu bimpe bia mu ditunga amu. Nenubishile ndelanganyi yenu kashidi!’

Ezela 9:2

Bavua basele bakaji ba mu ditunga edi, baselele babu bana ba balume bakaji ba bena bisamba abi. Nanku bantu ba tshijila mbamane kubuelakana ne bena ditunga. Bamfumu ne balombodi ba bantu ke bavua ba kumpala ku dienza bualu bubi bua mushindu ewu.

Nehemya 10:30

Nanku tuetu ne bana betu bakuabu, bakulu betu, tuetu kuditshipa bua kutumikila mikenji ivua Mvidi Mukulu muambile Moshe muntu wende, ne bua kukumbaja majinga a Maweja-Nangila Mvidi Mukulu wetu, kulama mikenji yonsu, ne kulonda mibelu yende.

Nehemya 10:31

Nanku, katuena basue kuselesha bana betu ba bakaji kudi bantu bavua bashale mu buloba buetu, patuvua mu bupika. Kabidi bana betu ba balume kabena mua kusela bakaji ba bantu aba to.

Nehemya 13:23

Mu tshikondu atshi kabidi, mvua mumone muvua bena Yuda basela bakaji ba bena Asdode, bena Amone nansha bena Mowabe.

Nehemya 13:25

Meme kubatandisha, kubela milawu. Meme kutuuta bantu bakuabu, kubatula nsuki. Pashishe meme kubambila bua baditshipe kudi Mvidi Mukulu, bua kabaseleshi kabidi bana babu kudi bantu benyi. Kabidi kabaseledi babu bana bakaji ba bantu benyi. Bobu bine kabena mua kusela bakaji ba bantu benyi.

Misambu 106:39

Pakenzabu malu aa, kudipishabu mikiya, mbuendenda mene.

Osheya 1:2

Teleja malu avua Maweja-Nangila mutuadije kumanyisha Osheya, bua ambile bena Izrayele. Uvua mumuambile ne: “Uye kusela mukaji muena tshiendenda. Bana bawalela ne mukaji awu, nebalonde bibidilu bibi bia mamuabu. Bualu bena Izrayele bonsu mbambenge meme Maweja-Nangila, basue kuikala bena tshiendenda.”

Lewitiki 21:15

bua ndelanganyi ya bantu badi kabayi batuangaji, kayimonyi mua kuvua kubuela mu diku dia batuangaji. Bualu meme ndi Maweja-Nangila, udi mumujidile bua kungenzela mudimu.”

Yoshua 23:12

Nuenu babenge Maweja-Nangila, bumvuangane ne bantu ba bisamba bikuabu batshidi bashale munkatshi muenu, nuenu basele bana babu ba bakaji, babuelakane nabu, bobu babuelakane nenu,

Yoshua 23:13

mimanye ne: Maweja-Nangila neanulekele. Kakutungunuka ne dipata baluishi badi kumpala kuenu to. Baluishi abu, nebikale kunudi bu buteyi ne dijimba. Nebanukengeshe bu mudi mfimbu mutuute panyima, nansha bu mudi meba matue mu mesu. Ku nshikidilu nenubutuke bonsu mu ditunga edi dimpe, didi Maweja-Nangila Mvidi Mukulu wenu mumane kunupa.

Balombodi 14:3

Baledi ba Shimeshone kubenga, bamba ne: — Udi muye kusungula nsongakaji amu wa bena Peleshete badibu kabayi bateke panshi bua tshinyi? Kuena mumone nsongakaji mu diku dienu, nansha mu tshisamba tshienu anyi? Kadi Shimeshone kuambila tatuende ne: — Ndi musue unselele amu nsongakaji awu. Bualu ndi mumunange.

Balombodi 3:5

Ke pavua bena Izrayele base munkatshi mua bena Kenaane, bene Iti, bena Amore, bena Perizi, bena Ivi, ne bena Yebusa.

Balombodi 3:6

Bena Izrayele kusela bakaji ba mu bisamba ebi, kubaselesha bana babu ba bakaji, kutendelela ne mvidie yabu.

Balombodi 8:27

Ngideyone kuenza lupingu ne biamu bia mpawungi abi. Kulutekaye mu musoku wabu wa Ofra. Bena Izrayele kuya kuntendelela. Nanku lupingu alu kuenza buteyi kudi Ngideyone ne kudi bena diku diende.