Ekesode 34:12 - MUKANDA WA MYIDI MUKULU

¹² Kadi, kuena mua kutua ndondu ne bantu ba ditunga dinuasomba to. Bualu nudi mua kulonda buenzayi buabu, nuenu kupeta diakabi.

Mukanda wa Nzambi Dihungila Dikulukulu ne Dihungila Dihia-dihia 2003

¹² Udimuke, kuhungi tshihungidi ne bantu ba mu buloba bûdi uya; bualu ebu kabulu buteyi munkatshi muenu.

Ekesode 34:12 교차 참조

1 Bakalenga 11:2

Kadi Maweja-Nangila uvua mumane kuambila bena Izrayele bua bisamba ebi ne: “Kanusedi bantu ba bisamba ebi to. Kanuitabi bua bantu ba bisamba ebi basele bana benu. Bualu badi mua kunuibidija bua nuenu kutendelela mvidie yabu.” Kadi, Shelomu kuangata bakaji ba bisamba bikuabu abu, bualu uvua mubanange bikole.

2 Bakalenga 17:10

Bavua bibaka bibumba bia mabue, ne makunji a kutendelela mvidie, ku nsongu ya mikuna, muinshi mua mitshi ivua ne dileji dia bungi.

2 Kulondolola 24:18

Ke muvua bena Izrayele balekela nzubu wa Maweja-Nangila Mvidi Mukulu wa bankambua babu, bua kuya kukukuila makunji ne mpingu bivuabu benza bua kutendelela mvidie. Bua buenzayi abu, Mvidi Mukulu kufikila bena mu Yerushalayime ne bena Yuda munda.

Misambu 106:36

Kutendelelabu mvidie yabu, kuponabu mu buteyi bua kutendelela mvidie.

Dibadika 33:52

nuipate bena ditunga adi bonsu. Nunyange mpingu yonsu, idi ileja mvidie yabu, nansha bayisonge mu mabue, nansha bayifule ne tshiamu. Nunyangakaje kabidi miaba yabu yonsu idibu batendelela.

Dielulula 20:18

Bualu bantu aba, badi mua kunulongesha buenzayi, budibu benza bua kusankisha mvidie yabu. Nuenu balonde buenzayi ebu, nudi nuenzela Maweja-Nangila Mvidi Mukulu wenu bibi.

Dielulula 31:5

Neafile bena ditunga adi mu bianza bienu. Nenubenzele bionsu bindi mumane kunuambila.

Dielulula 7:16

Nanku nenubutule bantu bonsu bikala Maweja-Nangila Mvidi Mukulu wenu munupeshe. Kanubafuidi luse to. Kanutendeledi mvidie yabu, bualu mbuteyi budi mua kunufikisha ku lulu.

Dielulula 7:2

Neabafile kunudi, bua mbatshimune bonsu, nubabutule. Kanuena mua kutua nabu ndondu, kanuena mua kubafuila luse.

Yoshua 9:7

Bena Izrayele kubandamuna ne: — Misangu mikuabu nudi bena mutumba. Nanku katuena mua kutua nenu ndondu to.

Balombodi 6:10

Meme kunuvuluija ne: meme ndi Maweja-Nangila Mvidi Mukulu wenu. Kanuena mua kutendelela mvidie ya bena Amore, bena ditunga dinudi basombe. Kadi kanuena bitabe diyi dianyi to!”

Balombodi 8:27

Ngideyone kuenza lupingu ne biamu bia mpawungi abi. Kulutekaye mu musoku wabu wa Ofra. Bena Izrayele kuya kuntendelela. Nanku lupingu alu kuenza buteyi kudi Ngideyone ne kudi bena diku diende.