Ekesode 32:29 - MUKANDA WA MYIDI MUKULU

²⁹ Moshe kuambila bena Levi ne: — Biangatshile ku lelu, nudi badijidile bua kuenzela Maweja-Nangila mudimu, bualu nudi bitabe diyi diende, bashipe balele benu bu muvuaye munuambile. Nenku, Maweja-Nangila yeye muine neanuendeshe dikasa dimpe.

Mukanda wa Nzambi Dihungila Dikulukulu ne Dihungila Dihia-dihia 2003

²⁹ Mose wakamba ne, Muntu yonso wakudifila kudi Yehowa lelu ku mushinga wa muanʼandi mulume ne muanʼabo mulume, Yehowa anuvudishile disanka lelu.

Ekesode 32:29 교차 참조

2 Kulondolola 35:3

Bena Levi bavuabu bajidile bua benzele Maweja-Nangila mudimu ne bua balongeshe bantu, Yoshiya kubambila ne: — Nuteke mushete wa tshijila wa Maweja-Nangila mu nzubu wa Mvidi Mukulu, uvuabu base kudi Shelomu, muana wa Davide, mukalenga wa bena Izrayele. Kanuena mua kuambula kabidi mushete ewu pa makaya enu to. Mpindiewu nuenzele Maweja-Nangila Mvidi Mukulu wenu ne bantu bende bena Izrayele mudimu.

Ekesode 32:28

Bena Levi kuitababu bionsu bivua Moshe mubambile abi, kushipabu bena Izrayele bu binunu bisatu dituku adi.

Ekesode 32:30

Butshia dinda, Moshe kuambila bena Izrayele ne: — Nudi benza tshilema tshipite bunene. Kadi ndi mbanda kabidi kudi Maweja-Nangila ku mukuna bua kumulomba, misangu mikuabu ne udi mua kungitaba bua kunufuilaku luse, ku tshilema tshienu etshi.

Nsumuinu 21:3

Muntu udi ulonda njila wa buakane, muikale kabidi ne muoyi wa kalolu, udi usankisha Maweja-Nangila, mupite muntu udi umulambula milambu.

Zekâya 13:3

Pikala muntu umanyisha bantu malu mu dina dia Mvidi Mukulu, tatuende ne mamuende menemene neba-muambile ne: “Ufue, bualu udi wamba malu a dishima, utela dina dia Mvidi Mukulu.” Baledi bende menemene nebamutape ne muele, patshidiye umanyisha bantu malu.

Matayi 10:37

— Muntu udi unanga tatuende nansha mamuende bipite mudiye munnange meme, kena mungakanyine to. Muntu udi unanga muanende wa balume nansha wa bakaji bipite mudiye munnange meme, kena mungakanyine meme to.