Ekesode 32:27 - MUKANDA WA MYIDI MUKULU

²⁷ Moshe kubambila ne: — Maweja-Nangila Mvidi Mukulu wa Izrayele mmutume diyi ne: “Muntu yonsu ambule muele wende wa mvita, endakane ku nzubu ya bantu, bua kushipa udiye usangana: ne mmuanabu wa balume, ne mmulunda wende nansha muena mutumba nende.”

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Yeye wakabambila ne, Yehowa, Nzambi wa Isalele, udi Wamba ne, Muntu yonso aluate muele wandi wa nvita, endakane ku tshibi ne ku tshibi mu tshitudilu tshionso, ashihe muanʼabo mulume ne mulunda wandi ne muena mutumba nʼandi.

Ekesode 32:27 교차 참조

2 Bakalenga 10:25

Yehu mumane kulambula milambu, kutuma diyi kudi bena mvita ne bamfumu babu, ubambila ne: — Buelayi, nushipe bantu aba bonsu! Muntu nansha umue kena mua kupatuka mu nzubu emu ne muoyi to. Nanku, kushipabu bantu abu bonsu, kuimansha bitalu biabu pambelu. Pashishe, kubuelabu mu nzubu muvuabu batendelela mvidie Baale.

Ekesode 32:26

Nanku, Moshe kuimana ku tshibuelelu tshia mitanda, kuelaye diyi ne: — Badi bananga Maweja-Nangila, basemene muaba undi ewu! Bena Levi bonsu kusemena kudi Moshe.

Ekesode 32:28

Bena Levi kuitababu bionsu bivua Moshe mubambile abi, kushipabu bena Izrayele bu binunu bisatu dituku adi.

Ekesode 32:29

Moshe kuambila bena Levi ne: — Biangatshile ku lelu, nudi badijidile bua kuenzela Maweja-Nangila mudimu, bualu nudi bitabe diyi diende, bashipe balele benu bu muvuaye munuambile. Nenku, Maweja-Nangila yeye muine neanuendeshe dikasa dimpe.

Yezekiyele 9:5

Pashishe, meme kumvua Maweja-Nangila wambila bantu bakuabu batanu aba ne: — Londayi muntu ewu mu tshimenga, nushipe bantu bonsu badi basombamu. Kanubafuidi luse, kanushiyi muntu ne muoyi nansha.

Dibadika 25:5

Moshe kuambila bamfumu ba bena Izrayele ne: — Mfumu yonsu ashipe bantu bende badi batendelela mvidie wa Baale, udi ku mukuna wa Peyore!

Luke 14:26

— Muntu udi undonda, udi ne bua kunnanga meme bipite tatuende, mamuende, mukajende, bana bende, bana babu ba balume nansha ba bakaji, nansha bipite mene mudiye mudinange. Yeye kayi wenza nanku, kena mua kuikala mulongi wanyi to.

2 Korente 5:16

Nenku kutuadija ku lelu, katutshiena tulumbuluisha mudi bantu balumbuluisha muntu nabu. Ku kale tuvua balumbuluishe Kristu mushindu awu. Kadi mpindiewu katuena tuenza kabidi nanku to.

Dielulula 13:10

Muntu yonsu udi unuambila bua kutendelela mvidie, bamushipe. Muntu uvuaye wambila bua kutendelela mvidie, ke udi udianjila kumuasa dibue. Bantu bakuabu, kushisha kumuambuluisha bua kumushipa.

Dielulula 13:6

Muambi yonsu, nansha muntu udi Mvidi Mukulu uleja malu, padiye unumusha kudi Maweja-Nangila Mvidi Mukulu wenu, uvua munupatule ku bupika mu Ejipitu, numushipe. Bualu uvua musue kunumusha mu njila uvua Maweja-Nangila Mvidi Mukulu wenu munuambile bua kulonda. Nanku numushe bubi buonsu munkatshi muenu.