Ekesode 32:22 - MUKANDA WA MYIDI MUKULU

²² Arone kuandamuna ne: — Mfumuanyi kumfikidi munda, bualu wewe nkayebe udi mumanye buenzayi bua bantu aba.

Mukanda wa Nzambi Dihungila Dikulukulu ne Dihungila Dihia-dihia 2003

²² Alona wakamba ne, Mukelenge wanyi, kuikadi ne tshiji tshikole, wewe udi mumanye bantu aba, badi ne mitshima yabo ku malu mabi.

Ekesode 32:22 교차 참조

Genese 44:18

Yuda kusemena pabuipi ne Yozefe, kumuambila ne: — Mukalenga, ndi musue kukuambila bualu. Kumfikidi munda to. Wewe udi mulongu umue ne mukalenga wa bena Ejipitu.

Misambu 36:4

Bionsu bidiye wamba bidi amu bia dishima ne bia didinga. Mmupange meji, mmupange muoyi muimpe.

Ekesode 14:11

Kukonkabu Moshe ne: — Uvua mutupatule mu Ejipitu bua tuetu kuluila mu tshipela bua tshinyi? Mu Ejipitu kamuvua nkita anyi? Tshiuvua mutupatuile mu Ejipitu ntshinyi?

Ekesode 15:24

Bena Izrayele kunungana, bakonka Moshe ne: “Netunue tshinyi?”

Ekesode 16:20

Bena Izrayele bakuabu kubenga diyi dia Moshe, kushiya biakudia bikuabu bua kudia dinda. Kadi biakudia abi kubola bionsu, kunyanguka ne bikusu. Moshe kubafikila munda.

Ekesode 16:28

Maweja-Nangila kukonka Moshe ne: — Bena Izrayele nebabenge kuitaba meyi anyi ne mikenji yanyi too ne ku diba kaayi?

Ekesode 32:1

Bena Izrayele bamona ne: Moshe wapitshi kujingakana ku mukuna, kuambilabu Arone ne: — Utuenzele mvidie, afilele kumpala kuetu. Bualu muntu ewu Moshe, uvua mutupatule mu Ejipitu, katuena bamanye tshidi tshimuenzekela to.

Ekesode 32:21

Pashishe, Moshe kukonka Arone ne: — Bena Izrayele mbakuenzela bualu bubi kaayi, paudi mubenzele tshilema bunene nenku?

Nsumuinu 4:16

Bantu babi kabena balala kabayi banji kuenza bibi. Kabena bamona tulu kuisu, padibu kabayi banji kulenduisha bantu bakuabu.

Dielulula 31:27

Meme Moshe ndi mumanye ne: bena Izrayele badi ne tshitunu, badi bonsu bantomboji. Mpindiewu pantshidi ne muoyi munkatshi muabu, bakabenga Maweja-Nangila. Kadi pambafua, nebamubenge bikole.

Dielulula 9:24

Katshia tumanyangana nenu, nudi amu nutombokela Maweja-Nangila.

Dielulula 9:7

Nuvuluke ne: mu tshipela nuvua bafikishe Maweja-Nangila Mvidi Mukulu wenu munda. Kanupu bualu ebu muoyi diba nansha dimue! Katshia numuka mu Ejipitu too ne munudi bafike muaba ewu, nutshidi amu numutombokela.

1 Samuele 15:15

Shawule kuandamuna ne: — Bena mvita mbasungule nyama mimpe ya bena Amaleke, bafike nayi muaba ewu, bua kuyilambula Maweja-Nangila Mvidi Mukulu webe. Kadi bintu bikuabu bionsu tudi babishipe.

1 Samuele 15:21

Kadi pikala bena mvita banyi basungule nyama ivua mimpe mitambe munkatshi mua mikuabu ivuabu bashipe, bavua basungula nyama ayi anu bua kuyilambula Maweja-Nangila Mvidi Mukulu webe munemu mu Ngilgale.

1 Samuele 15:24

Shawule kuandamuna ne: — Ndi muenze bibi. Tshiena mutumikile diyi dia Maweja-Nangila, tshiena muteleje mibelu yebe wewe. Kadi mvua ne bowa, ntshina bena mvita. Ke pandi muenze bionsu bivua bena mvita bajinga.