Ekesode 30:34 - MUKANDA WA MYIDI MUKULU

³⁴ Maweja-Nangila kuambila kabidi Moshe ne: — Angata mitshi ya dipembu dikole: mutshi wa budimbu, bizubu bia mutshi wa budimbu, mutshi wa ndundu ne mutshi wa kamonya. Bintu abi ubiangate anu bungi bua momumue.

Mukanda wa Nzambi Dihungila Dikulukulu ne Dihungila Dihia-dihia 2003

³⁴ Yehowa wakambila Mose ne, Angata bintu bia manananshi a mushinga mukole bia stacte ne onyx ne gabanum, bintu bia manananshi matambe buimpe, widikishe bintu bionso ne tshihiminu tshimue.

Ekesode 30:34 교차 참조

Nehemya 13:5

mutuangaji Eliyashibe kumulongoluela muaba mu tshibambalu tshinene, tshiyuabu bateka kuonsu eku milambu ya bintu bia mu madimi, musenga wa kamonya, bintu bia kukuata nabi mudimu mu nzubu wa Mvidi Mukulu, bintu bia ku milambu bivua bia batuangaji, ne tshia dikumi tshia ntete ya kuenza bukula, tshia mvinyo mupiamupia, ne tshia mafuta, tshivua bena Levi ne balami ba ku biibi ne bua kupeta.

Ekesode 25:6

mafuta a kuela mu muendu, manananshi a kusambakaja ne mafuta a kulaba, manananshi makuabu a kuosha,

Ekesode 30:23

— Angata manananshi a mupuya mukole: a mire kilo itanu, a sinamome kilo ibidi ne tshitupa, a kanele kilo ibidi ne tshitupa ne

Ekesode 30:33

Muntu yonsu udi wenza mafuta a mushindu ewu, bua kulaba bantu badi kabayi batuangaji, numumushe munkatshi mua bantu banyi.’ ”

Ekesode 30:35

Ubisangishe kaba kamue, welemu luepu bua kubilengeja bikale bia tshijila.

Ekesode 30:7

Pashishe, Arone ikale ungoshilamu manananshi dinda dionsu padiye usukula miendu idi ku tshilambuilu.

Ekesode 31:11

mafuta a kujidila nawu bantu ne bintu, benze kabidi manananshi a mu muaba wa tshijila. Midimu yonsu eyi, bayenze anu mushindu umvua meme Maweja-Nangila mukuambile.

Ekesode 35:15

Benze tshilambuilu tshia manananshi, ne mitshi ya kuelaku; mafuta a kuela pa mutu, ne manananshi a kuosha; tshilamba tshia mu mushiku wa mbelu wa nzubu wa tshijila;

Ekesode 37:29

Pashishe muenji wa manananshi kuenza mafuta a tshijila a kujidila nawu bantu ne bintu. Kuenzaye kabidi ne manananshi a tshijila a kuosha pa tshilambuilu.

Musambu wa Solomo 3:6

Nganyi udi ufuma nenku mu tshipela, bu divuba dia muinshi, divuba didi dinunka mupuya wa kamonya, dinunka manananshi a mipuya mishilangane, afuma ku matunga a bende.

Yeshaya 43:23

Kuena mundambule meme, kuena mungoshile bana ba mikoku to. Unudi banemeke ne milambu yenu, ki mmeme to. Meme tshiena mukubueje mu bupika, bua kukuenzela malu ku bukole, bua wewe kundambula milambu. Tshiena mukutonde pa kukulomba milambu ya manananshi.

Lewitiki 16:12

Neambule makala a kapia adi pa tshilambuilu tshia muaba wa tshijila, ela mu mbabula. Neambule manza abidi a musenga wa manananshi. Neaye ne bionsu ebi panyima pa tshilamba tshidi tshilembeleja muaba wa tshijila menemene.

Lewitiki 2:1

“Padi muena Izrayele ulambula Maweja-Nangila mulambu wa bintu bia mu madimi, angate bukula, elepu mafuta, atentekepu ne musenga wa kamonya.

Lewitiki 2:15

Elemu mafuta, atekepu ne musenga wa kamonya, bualu mmulambu wa bintu bia mu madimi.

Lewitiki 24:7

Wele musenga wa kamonya muimpe pa mulongu onsu. Pashishe oshe musenga wa kamonya awu bua kuulambula Maweja-Nangila pa mutu pa mampa, bu tshivulukilu.

Lewitiki 5:11

“Kadi padi muntu kayi ne mushindu wa kupeta tumandankutshi tubidi nansha nkudimba ibidi, alambule Maweja-Nangila kilo inayi ya bukula. Kadi pa bukula abu, kena mua kuelamu mafuta, nansha kutekapu musenga wa kamonya to. Bualu mmulambu wa kudikobolola nawu.

Dibadika 4:16

Kadi, Elazare, muana wa balume wa mutuangaji Arone, neikale ne mudimu wa kulama nzubu wa tshijila ne bintu bionsu bia tshijila bidimu. Yeye kabidi ke udi utangila mafuta a kuela mu miendu, musenga wa kamonya wa kuosha, bintu bia mu madimi bidibu bandambula matuku onsu, kabidi ne mafuta a tshijila.

Matayi 2:11

Kubuelabu mu nzubu, kumonabu muana ne mamuende Mariya. Kutuabu binu panshi bua kukukuila muana. Pashishe kusululabu mabuki abu, kupeshabu muana bintu bivuabu bamutuadile: tshiamu tshia mpawungi, musenga wa kamonya, ne manananshi.