Ekesode 30:33 - MUKANDA WA MYIDI MUKULU

³³ Muntu yonsu udi wenza mafuta a mushindu ewu, bua kulaba bantu badi kabayi batuangaji, numumushe munkatshi mua bantu banyi.’ ”

Mukanda wa Nzambi Dihungila Dikulukulu ne Dihungila Dihia-dihia 2003

³³ Muntu yonso udi usangisha manyi bu au, anyi udi waela muenyi, nebamumushe munkatshi mua bana babo.

Ekesode 30:33 교차 참조

Genese 17:14

Kadi muntu mulume udibu kabayi bateke panshi, nebamuipate munkatshi mua bantu banyi, bualu kena munemeka ndondu wanyi to.

Ekesode 12:15

Maweja-Nangila kuamba ne: “Matuku malondangane muanda mutekete, nudie anu mampa kaayi mela buanga. Dituku dia kumpala, numushe manga a mampa onsu adi mu nzubu yenu. Biangatshile ku dituku dia kumpala too ne ku dituku dia muanda mutekete, muntu yonsu udi udia mampa mela buanga, nebamumushe munkatshi mua bena Izrayele.

Ekesode 12:19

Matuku muanda mutekete malondangane awu, kanulami buanga bua mampa mu nzubu yenu to. Muntu yonsu udi udia mampa mela buanga, nansha yeye muenyi anyi muena ditunga, nebamumushe munkatshi mua bena Izrayele.

Ekesode 29:33

Batuangaji nkayabu ke badi mua kudia bintu abi, bualu bivua bibajidila nabi, kabidi bibabanjija nabi bua kubakobolola. Nanku, muntu mukuabu kena mua kudia biakudia abi to, bualu mbia tshijila.

Ekesode 30:34

Maweja-Nangila kuambila kabidi Moshe ne: — Angata mitshi ya dipembu dikole: mutshi wa budimbu, bizubu bia mutshi wa budimbu, mutshi wa ndundu ne mutshi wa kamonya. Bintu abi ubiangate anu bungi bua momumue.

Ekesode 30:38

Pikala muntu mudienzele manananshi a mushindu ewu, numumushe munkatshi mua bantu banyi.

Ekesode 31:14

Nunemeke dituku dia Dikisha, bualu ndienu dia tshijila. Muntu yonsu udi wenza mudimu dituku adi, ne bamumushe munkatshi mua tshisamba tshianyi, bamushipe.

Lewitiki 17:10

“Padi muena Izrayele nansha muenyi udi munkatshi mua bena Izrayele, udia mashi a mushindu onsu, nanku Maweja-Nangila neamunyoke, amuipate munkatshi mua bena Izrayele.

Lewitiki 17:14

Nenku, padi tshintu ne muoyi, muoyi udi mu mashi. Ke pavua Maweja-Nangila mukandike bena Izrayele bua kabadi mashi, bualu muoyi wa tshintu tshionsu udi mu mashi. Muntu udi udia mashi nebamuipate mu bena Izrayele.

Lewitiki 17:4

udi ne bua kufika ne nyama ayi ku mushiku wa ntenta wa kusambakena bua ayilambule Maweja-Nangila kumpala kua nzubu wende wa tshijila. Yeye kayi muenze nanku, mmuena tshibawu. Nenku nebamuipate mu bena Izrayele, bua mashi adiye mumatshishe panshi, kayi mulonde mikenji.

Lewitiki 17:9

udi ne bua kulambuila nyama awu ku mushiku wa ntenta wa kusambakena. Yeye kayi muenze nanku, nebamuipate mu bena Izrayele.

Lewitiki 18:29

Nanku bantu bonsu badi benza malu mabi a nenku, nebabipate mu bena Izrayele.

Lewitiki 19:8

Muntu udi muudie mmuena tshibawu, bualu mmunyange mulambu wanyi wa tshijila. Nebamuipate munkatshi mua bena Izrayele.

Lewitiki 20:17

“Padi muntu usela, kabidi ubuelela muanabu wa bakaji wa tatuende nansha wa mamuende mu nzubu, babanyoke, bantu bonsu batangile, bualu mbenze bualu bua bundu. Mulume mmuangate muanabu wa bakaji wa tatu nansha wa mamu. Nanku mmuena tshibawu.

Lewitiki 20:18

“Padi muntu ubuelela mukaji mu nzubu, kadi mukaji muikale ku tshijila tshia bakaji, bonsu babidi babipate munkatshi mua bena Izrayele. Bualu bavua bumvuangana bonsu babidi bua kubenga kunemeka mikenji ya tshijila tshia bakaji.

Lewitiki 20:3

Kabidi meme Maweja-Nangila nennyoke muntu awu. Nemmuipate munkatshi mua bena Izrayele, bualu mmulambule mvidie wa Moleke muanende. Mulambu wa mushindu awu, udi upisha muaba wanyi wa tshijila mikiya, upepeja dina dianyi dia tshijila.

Lewitiki 22:3

Ubambile ne: “Padi muntu wa ku ndelanganyi yenu ya batuangaji idi ilonda, mupie mikiya, usemena pabuipi ne milambu ya tshijila idi bena Izrayele bandambula, numushe muntu awu ku mudimu wanyi. Bualu meme ndi Maweja-Nangila.

Lewitiki 23:29

Muntu yonsu udi kayi ujila biakudia dituku adi, nebamumushe munkatshi mua bena Izrayele.

Dibadika 15:30

“Kadi muena Izrayele nansha muenyi, udi wenza bualu bubi ku bukole, udi upenda Maweja-Nangila. Nebamumushe munkatshi mua bena Izrayele.

Dibadika 15:31

Neikale muena tshibawu, bualu mmubenge miaku yanyi, munyangakaje mikenji yanyi.”

Dibadika 19:13

Muntu yonsu udi ulenga tshitalu kayi musue kudikobolola, udi unyanga nzubu wa Maweja-Nangila. Nebamuipate munkatshi mua bena Izrayele. Bu muvuabu kabayi bamumiamine mayi a tshijila, udi amu ne mikiya.

Dibadika 19:20

“Kadi pikala muntu udi ne mikiya kayi musue kuyumusha, nebamuipate munkatshi mua bena Izrayele, bualu udi unyanga muaba wa tshijila wa Maweja-Nangila. Bu mudibu kabayi bamumiamina mayi a tshijila a kumukobolola nawu, udi ushala ne mikiya.

Dibadika 4:18

— Nulame bena Kekate bimpe bua bashale ne muoyi munkatshi mua bena Levi bakuabu.

Dibadika 9:13

Kadi pikala muntu kayi muye ku luendu, nansha kayi ne mikiya bua tshitalu tshivuaye mulenge, ulengulula tshibilu tshia Dipita dia Maweja-Nangila dituku dimufundile ku bukole, muntu awu mmuena tshibawu. Numumushe munkatshi mua bena Izrayele, bualu kavua musue kulambula Maweja-Nangila milambu pa diba diayi.