Ekesode 30:26 - MUKANDA WA MYIDI MUKULU

²⁶ Mafuta awu, ujidila nawu ntenta wa kusambakena, mushete wa ndondu,

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Wewe newamiamine ntenta wa kusangakena ne mushete wa Nzambi,

Ekesode 30:26 교차 참조

Ekesode 30:27

mesa a kulambuila mampa ne bintu bionsu bidiku, tshitekelu tshia muendu ne bintu bionsu bidiku, tshilambuilu tshia manananshi,

Yeshaya 61:1

Maweja-Nangila Mvidi Mukulu, mmunguwuje ne Mueyelu wende, bualu mmundabe manyi a tshijila, mmutume bua kumanyisha bapele lumu lua disanka, bua kukolesha ku muoyi badi benda batekete mu maboku, bua kuambila bavuabu baye nabu mu matunga a bende ne: nudi mua kuya kuonsu kunudi basue, ne bua kuambila bena lukanu ne: mbamane kunupatula mu lukanu.

Yezekiyele 28:14

Pabuipi nebe mvua muteke mukerubine munene bua akulame. Utua musombe pa mukuna wanyi wa tshijila, wenda munkatshi mua mabue atua akenka.

Dibadika 17:2

— Ambila mutuangaji Elazare, muana wa Arone, ne: upatule mbabula idi mu kapia, utangalaje makala aye kule! Mbabula eyi nya tshijila.

Dibadika 7:1

Moshe mumane kuasa nzubu wa tshijila mujikije, kujidilaye nzubu awu kabidi ne bintu bionsu bivua mu nzubu pa kubilaba manyi. Kujidilaye kabidi tshilambuilu ne bintu bionsu bivuaku, kubilabaye manyi.

Dibadika 7:10

Dituku dia kujidila tshilambuilu, kutshilaba manyi, bamfumu ba bena Izrayele kufika kabidi ne milambu, kuya nayi kumpala kua tshilambuilu.

Bienzedi 10:38

Nudi bamanye Yezu wa muNazarete, uvua Mvidi Mukulu musungule. Uvua mumuwuje ne Mueyelu wende wa Tshijila, kabidi ne bukole buende. Nanku Yezu kuendakana mu ditunga dijima, wenza bilenga, ujikija masama a bantu bonsu, bavuabu bakuate kudi mukishi mubi. Bualu Mvidi Mukulu uvua nende.

1 Yone 2:20

Kadi nuenu nuvua bapete Mueyelu wa Tshijila, uvua Kristu munupumuine. Ke panudi bonsu bamanye bulelela.

1 Yone 2:27

Kristu mmunupumuine Mueyelu wende. Bu mudi Mueyelu wende ushala munda muenu, kanuena nukengela mulongeshi mukuabu. Bualu Mueyelu wende udi unulongesha malu onsu. Bidiwu wamba bidi bilelela, kabiena bia dishima to. Nanku nuitabe bidi Mueyelu unulongesha, nushale mu bobumue ne Kristu.