Ekesode 30:14 - MUKANDA WA MYIDI MUKULU

¹⁴ Muntu yonsu udi ne bidimu makumi abidi ne pa mutu, neafile mulambu awu kudi Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Muntu ne muntu udibo babala wakabita bidimu makumi abidi neafile kuha kua Yehowa.

Ekesode 30:14 교차 참조

Ekesode 30:13

Muntu yonsu udibu babadika, alambule tshia bibidi tshimue tshia sikle bu mudibu benza muaba wa tshijila.

Ekesode 30:15

Mulambu udi bantu bafile bua kudipandisha awu, babanji ne bapele bafile amu bungi bua mushindu umue.

Yezekiyele 45:12

Lukanu lua tshiamu tshitoke tshia mushinga mukole lua “sikle” ludi ne bujitu bua ngrame dikumi ne umue ne tshitupa, mmomumue ne “ngera” makumi abidi. Bidi bikengela nkanu eyi makumi asambombu bua kupeta bujitu bua ngrame nkama isambombu ne makumi muanda mukulu, mmomumue ne bua “mine” umue.

Yezekiyele 45:16

“Milambu eyi, bantu bonsu ba mu ditunga badi ne bua kuyifila. Nebaye kuyipesha mukalenga wa ditunga dia bena Izrayele.

Dibadika 1:18

Nanku, dituku dia kumpala dia ngondu muibidi, Moshe ne Arone kusangisha bantu bonsu. Kufundabu ku muntu ku muntu, bilondeshile meku ne bisamba biabu, bantu balume bonsu bavua ne bidimu makumi abidi ne pa mutu.

Dibadika 1:20

Moshe ne Arone pamue ne bamfumu dikumi ne babidi ba meku, mfumu umue ku tshisamba umue ku tshisamba, ke bavua babadike bantu balume bonsu, bavua ne bidimu makumi abidi ne pa mutu, bikale ne bukole bua kuenza mudimu mu bisumbu bishilangane bia tshiluilu tshia Izrayele. Kufundabu mena abu, bituadije ku tshisamba tshia Rubene, muanabute wa Yakobe too ne ku meku onsu a bena Izrayele. Bantu bonsu bavua bungi nunku: Tshisamba tshia Rubene: 46.500 Tshisamba tshia Shimeyone: 59.300 Tshisamba tshia Ngade: 45.650 Tshisamba tshia Yuda: 74.600 Tshisamba tshia Isakare: 54.400 Tshisamba tshia Zebulone: 57.400 Tshisamba tshia Efrayime, muana wa Yozefe: 40.500 Tshisamba tshia Menashe, muana wa Yozefe: 32.200 Tshisamba tshia Binyamine: 35.400 Tshisamba tshia Dane: 62.700 Tshisamba tshia Ashere: 41.500 Tshisamba tshia Naftali: 53.400 Bonsu pamue: 603.550.

Dibadika 1:3

Nubadike, nufunde mena a bantu balume bonsu badi ne bidimu makumi abidi ne pa mutu, bikale ne bukole bua kuenza mudimu mu bisumbu bishilangane bia tshiluilu tshia bena Izrayele.

Dibadika 14:29

Nuenu bonsu badi ne bidimu makumi abidi ne pa mutu, bavua banubadike, banufunde mena enu. Kadi, nenufuile bonsu mu tshipela emu, bualu nudi nunjana.

Dibadika 26:2

— Nubadike bantu balume bonsu ba bena Izrayele ku meku abu. Nubale bonsu badi ne bidimu bituadije ku makumi abidi, badi mua kuenza mudimu wa bena mvita.

Dibadika 32:11

“Bantu bonsu bavua bapatuka mu Ejipitu, badi ne bidimu makumi abidi ne pa mutu, kabena mua kufika mu ditunga dimvua mulaye Abrahame, Izake ne Yakobe to, bualu mbantombokele.