Ekesode 29:26 - MUKANDA WA MYIDI MUKULU

²⁶ Tshiadi tshia mukoku wa tshimpanga muibidi awu, wewe Moshe utshiele mulu, utshinyukule kumpala kuanyi meme Maweja-Nangila, kadi utshiangate tshishale tshiebe.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Wewe newangate tshiadi tshia tshimpanga tshia kujidila kua Alona, utshinyukule bu mulambu udibo banyukula ku mpala kua Yehowa, netshikale tshituha tshiebe.

Ekesode 29:26 교차 참조

Misambu 99:6

Moshe ne Arone, ba munkatshi mua batuangaji bende, Samuwele wa munkatshi mua bavua babikila dina diende, bonsu aba kubikilabu Maweja-Nangila. Yeye uvua ubitaba.

Ekesode 29:27

“Pashishe, wambile bena Izrayele ne: tshiadi tshia mukoku wa tshimpanga ne tshibelu tshiudi muele mulu munyukule mbia tshijila.

Lewitiki 14:12

Pashishe mutuangaji udi wangata muana wa mukoku umue, bu mulambu wa dinua tshibalu, ne tshitupa tshia litre tshia makuabu mafuta, abiele mulu, abinyukule.

Lewitiki 7:30

Neambule yeye mene bionsu bidibu ne bua kulambula Maweja-Nangila: ke munyinyi wa mafuta, ne tshiadi tshia nyama awu. Bele tshiadi tshia nyama atshi mulu, batshinyukule bua kutshilambula.

Lewitiki 7:31

Mutuangaji oshe munyinyi wa mafuta onsu pa tshilambuilu. Kadi tshiadi atshi tshikale tshia Arone ne bana bende ba balume.

Lewitiki 7:34

Maweja-Nangila udi unutumina diyi bua nuenu bena Izrayele, kumusha tshiadi ne tshibelu bia nyama inudi nulambula bu mulambu wa bobumue. Nupeshe mutuangaji Arone ne ndelanganyi yende bintu abi, bualu ke bintu binudi ne bua kubapesha matuku onsu too ne kashidi.”

Lewitiki 8:29

Moshe kuangata tshiadi tshia tshimpanga atshi, kutshiela mulu, kutshinyukula. Pashishe kutshiangataye, anu muvua Maweja-Nangila mumuambile.

Lewitiki 9:21

Pashishe Arone kuambula biadi bia nyama ne tshibelu tshia ku dia balume dia nyama, kubiela mulu, ubinyukula kumpala kua Mvidi Mukulu, bu muvua Maweja-Nangila muambile Moshe.