Ekesode 29:22 - MUKANDA WA MYIDI MUKULU

²² Mulambu wa mukoku muibidi ewu ke mbangilu wa mudimu wa butuangaji. Pashishe, ku munyinyi wa mukoku wa tshimpanga awu, umushe bintu bia mafuta: mukila, mafuta, lutandatanda lua ku mutshima, tshibelu tshia luseke lua balume, tuonyi tubidi ne mafuta adi malamataku ne adi malamata ku mala.

Mukanda wa Nzambi Dihungila Dikulukulu ne Dihungila Dihia-dihia 2003

²² Wewe newangate dianyi dia tshimpanga, ne mukila udi ne dianyi ne dianyi didi ku mala ne lukutu lua ku mutshima, ne tumuma tubidi ne dianyi diabi ne tshibelu tshia ku tshianza tshia balume, bualu bua tshimpanga etshi ntshia kujidila nʼatshi bakuidi.

Ekesode 29:22 교차 참조

Ekesode 29:13

Wangate mafuta onsu adi ku mala, tuonyi ne mafuta atu, ne lutandatanda lua ku mutshima, ubioshe pa tshilambuilu.

Ekesode 29:21

Pashishe, wangate mashi makese adi pa tshilambuilu, ne mafuta a tshijila, umiamine Arone ne ku bilamba biende. Umiamine kabidi ne bana bende ba balume ne ku bilamba biabu bionsu, nebikale bia tshijila.

Ekesode 29:23

Kadi ku mampa adi mu tshisaka kumpala kua tshilambuilu, kaayi mela buanga, upeshe Arone ne bana bende ba balume dibulunge dimue, mukata umue mukanga ne mafuta ne kakata kamue kakese kapepele.

Lewitiki 10:14

Kadi wewe ne bana bebe bonsu ba balume, nuangate tshiadi ne tshibelu bia nyama ya milambu ya bobumue, binuvua bela mulu, banyukula kumpala kua Maweja-Nangila, nubidile muaba musunguluke, bualu ntshitupa tshia mulambu tshidi tshiebe ne tshia bana bebe ba balume. Nudi mua kubidia pamue ne bana bebe ba bakaji.

Lewitiki 14:12

Pashishe mutuangaji udi wangata muana wa mukoku umue, bu mulambu wa dinua tshibalu, ne tshitupa tshia litre tshia makuabu mafuta, abiele mulu, abinyukule.

Lewitiki 3:9

Pashishe, mutuangaji ele bintu ebi mulu, abinyukule bua kubilambula Maweja-Nangila: ke mukila mujima mulamuina ku makunku, mafuta onsu adi malamate ku bia munda,

Lewitiki 7:3

Kadi balambule Maweja-Nangila munyinyi onsu wa mafuta: mukila, mafuta onsu adi malamate ku bia munda,

Lewitiki 7:37

Eyi ke mikenji idi itangila milambu ya kuosha, milambu ya bintu bia mu madimi, milambu ya kukobolola nayi bantu, milambu ya dinua tshibalu, milambu ya dibanjija ne milambu ya bobumue.

Lewitiki 9:19

Kumupeshabu munyinyi wa mafuta a ngombe, kabidi ne mukila, mafuta onsu adi malamate ku bia munda, tuonyi ne lutandatanda lua ku mutshima bia mukoku wa tshimpanga.

Lewitiki 9:21

Pashishe Arone kuambula biadi bia nyama ne tshibelu tshia ku dia balume dia nyama, kubiela mulu, ubinyukula kumpala kua Mvidi Mukulu, bu muvua Maweja-Nangila muambile Moshe.

Dibadika 18:18

Pashishe munyinyi wa nyama ayi, newikale wenu anu bu munudi nuangata tshiadi ne tshibelu tshia luseke lua balume bia nyama ya milambu ya bobumue.

1 Samuele 9:24

Mulambi kuya kuangata tshibelu tshia nyama ne mukila, kubiteka kumpala kua Samuwele. Samuwele kuambila Shawule ne: — Ke munyinyi uvuabu bakutekela ewu, udie ne bantu bonsu bandi mubikila aba. Dituku adi, Shawule ne Samuwele kudia muaba umue.