Ekesode 28:36 - MUKANDA WA MYIDI MUKULU

³⁶ “Pashishe, wenze tshitata tshia tshiamu tshia mpawungi tshifuanangane ne tshilongu. Ufundepu bu tshitampi ne: ‘Wa tshijila wa Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

³⁶ Wewe newenze tshikololo tshia tshiamu tshia or, neufundehu ne, TSHIA TSHIHE A KUDI YEHOWA.

Ekesode 28:36 교차 참조

1 Kulondolola 23:13

Bana ba Amrame badi: Arone ne Moshe. Arone ne ndelanganyi yende, bavua babajidila bua bikale benza mudimu kashidi muaba wa tshijila menemene. Bavua ne bua kulambula milambu ya manananshi, kuenzela Mvidi Mukulu midimu, kuela bantu lupemba mu dina dia Maweja-Nangila.

Misambu 93:5

Maweja-Nangila, mikenji yebe idi ya bushuwa, nzubu webe ikale nzubu wa tshijila tshiendelele.

Ekesode 19:6

Kadi tshisamba tshienu netshikale tshia batuangaji, bantu bajidila, badi bangenzela mudimu.” Wambile bena Izrayele bonsu malu andi nkuambila aa.

Ekesode 28:11

Mena a bana awu, ikale mafunda pa mabue abidi, kudi muntu udi ne tshipedi, bu mudi tshitampi. Ikale mabueja mu masosu abidi engelela bu tshiamu tshia mpawungi.

Ekesode 28:35

Arone neavuale muntumpu awu diba didiye wenza mudimu wende wa butuangaji. Pikalaye wenza mudimu kumpala kuanyi nansha upatuka mu muaba wa tshijila bantu bonsu nebumvue muadi wa ndibu ayi. Nanku Arone kakufua to.

Ekesode 28:37

Tshitata atshi, utshisuike kumpala kua tshifulu ne mukaba mukunzubile.

Ekesode 28:9

Wangate mabue a komaline abidi, ufundepu mena a bana ba Izrayele dikumi ne abidi.

Ekesode 29:6

Wase Arone tshifulu ku mutu. Kadi, ku tshifulu aku, kuikale tshitata tshia tshijila.

Ekesode 39:27

Kutelelabu kabidi Arone ne bana bende ba balume bilamba bia muinshi bia ndanda,

Ekesode 39:30

Pashishe kuenzabu tshitata tshia tshijila tshia tshiamu tshia mpawungi menemene, tshifuanangane ne tshilongu. Kufundabu pa tshitata atshi ne: “Wa tshijila wa Maweja-Nangila,” amu bu bitua tshitampi.

Ekesode 39:31

Kusuikabu tshitata atshi kumutu kua tshifulu ne mukaba mukunzubile kulu kuatshi, bu muvua Maweja-Nangila muambile Moshe.

Yeshaya 23:18

Kadi bintu bidibu bapeta mu mushinga, nebabijidile mu dina dia Maweja-Nangila. Kabena babumba bintu ebi to. Kabena nansha babilama. Kadi bidi amu bua kudisha, kukutshisha ne kuvuadika bimpe bantu badi batendelela Maweja-Nangila.

Yezekiyele 43:12

Ke mukenji munene udi utangila nzubu wa Mvidi Mukulu: miaba yonsu idi inyungulula nzubu pa katongabela ka mukuna, ke miaba ya tshijila menemene.

Lewitiki 10:3

Nanku Moshe kuambila Arone ne: — Ke muvua Maweja-Nangila mumane kukudimuka, pawaye wamba ne: “Bonsu badi bangenzela mudimu, badi ne bua kunnemeka, bualu ndi wa tshijila. Bantumbishe, bantu bonsu batangile.” Arone kushala mupuwa.

Lewitiki 19:2

bua amanyishe bisamba bia bena Izrayele bionsu ne: “Nudi ne bua kuikala bantu ba tshijila, bualu meme Maweja-Nangila Mvidi Mukulu wenu ndi wa tshijila.

Lewitiki 8:9

Kumuasaye tshifulu ku mutu. Kumpala kua tshifulu, kuvua kulamika tshitata tshia tshiamu tshia mpawungi, tshifuane tshilongu, bilondeshile mikenji ya Maweja-Nangila.

Zekâya 14:20

Dituku adi, nebafunde too ne pa ndibu ya tubalu ne: “Tshintu tshia tshijila tshia Maweja-Nangila”. Ngesu ya mu nzubu wa Mvidi Mukulu, neikale kabidi ya tshijila, anu mudi makopu a kumiamina nawu, adibu bateka kumpala kua tshilambuilu.

Ebrewu 12:14

Nudikolele bua numvuangane bimpe ne bantu bonsu. Nuikale bantu ba tshijila. Bualu kanuyi nuenza nanku, kanuena mua kumona Mfumu to.

Ebrewu 7:26

Nenku Yezu udi mutuangaji munene utuvua tukengela. Udi wa tshijila. Munda muende kamuena bualu bubi nansha bumue. Kena muenze tshilema nansha tshimue. Uvua mutapuluke ne benji ba malu mabi. Kumubandishabu ku mutu kua diulu.

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.

Didimanyisha 21:27

Kadi tshintu nansha tshimue tshidi ne mikiya, katshiakubuela mu tshimenga etshi. Muntu udi wenza malu mabi, ushima, kakubuelamu. Amu badi ne mena abu mu mukanda wa muoyi, mukanda wa Muana wa mukoku, ke badi mua kubuelamu.