Ekesode 28:11 - MUKANDA WA MYIDI MUKULU

¹¹ Mena a bana awu, ikale mafunda pa mabue abidi, kudi muntu udi ne tshipedi, bu mudi tshitampi. Ikale mabueja mu masosu abidi engelela bu tshiamu tshia mpawungi.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Wenzeshe mabue â kudi muntu udi ne lungenyi lule lua kufunda mateta bimpe, yeye neafundehu mena a Bena Isalele, babueshe mabue mu masoso a mu bintu bia or.

Ekesode 28:11 교차 참조

Yobe 19:24

Bayifunde ne lusongu lua ntapu, bayifikishe ne tshiamu tshifike, bua imueneke bimpe pa lubuebue.

Ekesode 28:10

Pa dibue dimue ufundepu mena a bana basambombu, pa dibue dikuabu mena a bana basambombu, bilondeshile ku diledibua dia muana yonsu.

Ekesode 28:12

Mabue abidi awu, wateka pa mampinda abidi adi pa tshilamba tshia efode tshia mutuangaji munene. Ikale tshimanyinu tshia mena a bisamba dikumi ne bibidi bia bena Izrayele. Nanku, padi Arone wimane kumpala kua Maweja-Nangila, mena awu ikale amueneka pa makaya ende, bua meme Maweja-Nangila ngikale nnuvuluka amu kunuvuluka.

Ekesode 28:21

Mabue awu, ikale dikumi ne abidi, bungi bua bana ba Yakobe. Dina dia muana yonsu dikale difunda pa dibue bu mudi tshitampi. Mabue awu, neikale tshimanyinu tshia bisamba dikumi ne bibidi bia bena Izrayele.

Ekesode 28:25

Kadi, nsongu ibidi ya tukanu tukese atu, uyiteke ku masosu abidi a tshiamu tshia mpawungi, adi ku mampinda a tshilamba tshia efode. Tshilamba tshia pa tshiadi tshikale kumpala.

Ekesode 28:36

“Pashishe, wenze tshitata tshia tshiamu tshia mpawungi tshifuanangane ne tshilongu. Ufundepu bu tshitampi ne: ‘Wa tshijila wa Maweja-Nangila.

Ekesode 39:13

Mulongu muinayi uvua ne dibue dia krisolite, dia onikse ne dia yaspe. Kubuejabu dibue dionsu mu disosu dia tshiamu tshia mpawungi.

Ekesode 39:18

Kusuikakajabu nsongu yayi ibidi, ku masosu abidi a tshiamu tshia mpawungi avua ku mampinda a tshilamba tshia efode. Nanku tshilamba tshia pa tshiadi tshivua pa mutu pa tshia efode.

Ekesode 39:6

Kusongabu mabue abidi a onikse, a kubueja mu masosu a tshiamu tshia mpawungi. Kufundabu pa mabue apu mena a bana ba Yakobe bu tshitampi.

Yirmeya 22:24

— Newambile Konya, muana wa Yoyakime, mukalenga wa bena Yuda, ne: “Nansha wewe muikale bu tshitampi tshianyi tshindi natshi ku tshianza tshia balume, nenkumushe ku munu wanyi. Bu mundi ne muoyi Bulelela, ndi nditshipa ne:

Zekâya 3:9

Nenteke dibue kumpala kua Yeshuwa. Dibue adi nedikale dimue, kadi nedikale ne nseke muanda mutekete ikenka. Nentape meme nkayanyi miaku pa dibue edi. Nanku, munkatshi mua dituku dimue nengumushe bubi bua bantu, budi bunyanga buloba. Eyo, meme Maweja-Nangila wa bukole buonsu, ndi njadika nanku.

Efeze 1:13

Nuenu kabidi diba dinuvua bumvue muaku mulelela, Lumu lua Disanka ludi lunupetesha lupandu, nuvua bitabe Kristu. Diba adi Mvidi Mukulu uvua munupe Mueyelu wende uvuaye mulaye, munutue tshitampi tshiende, bua kunuleja munudi bantu bende menemene.

Efeze 4:30

Kanubungamiji Mueyelu wa Tshijila wa Mvidi Mukulu. Mueyelu udi tshitampi tshia Mvidi Mukulu, tshidi tshileja munudi bantu bende. Mueyelu udi ujadika kabidi ne: dituku nedifike didi Mvidi Mukulu unupikula kashidi ku bubi buonsu.

2 Timote 2:19

Kadi tshitaku tshikole tshivua Mvidi Mukulu muase, kabena mua kutshinyungisha. Bavua bafundapu ne: “Mfumu udi mumanye bena diende.” mBafundepu kabidi ne: “Muntu yonsu udi wamba ne: ndi muntu wa Mvidi Mukulu, udi ne bua kulekela kuenza malu mabi.”

Didimanyisha 7:2

Meme kumona mutumibue mukuabu ubuuka, utumina kudi diba dipatukila, ne tshitampi tshia Mvidi Mukulu udi ne muoyi mu bianza. Kuelaye diyi dikole kudi batumibue banayi bavua ne bumfumu bua kunyangakaja buloba ne mayi manene, ubambila ne: