Ekesode 27:9 - MUKANDA WA MYIDI MUKULU

⁹ “Muaba wa tshijila wikale munyungulule ne lupangu. Lupangu alu, luikale lua bilamba bia buanda bua ndanda. Kuinshi kua lupangu, mu bule muikale metre makumi atanu a bilamba.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Wewe neulongolole luhangu lua tshitendelelu, ku luseke lua sude enza bilulu bidi bituangane tô ne ku coudées lukama,

Ekesode 27:9 교차 참조

1 Bakalenga 6:36

Pashishe, lupangu lua munda mua nzubu wa Mvidi Mukulu, bavua banyungulule ne tshimana tshibaka ne mabue masonge avuabu batentakaja milongu isatu. Mulongu muinayi uvua wa mitshi minene ya sedre.

1 Bakalenga 8:64

Dituku adi, mukalenga Shelomu kujidila tshitupa tshijima tshia pankatshi tshia lubanza luvua kumpala kua nzubu wa Mvidi Mukulu. Tshilambuilu tshia tshiamu tshikunze tshivua pabuipi ne mushiku wa mbelu wa nzubu wa Mvidi Mukulu, tshivua tshikese tshitambe. Katshivua tshikumbane mua kulambuilapu milambu yonsu to. Nanku, Shelomu kulambuila milambu ya kuosha, ya bintu bia mu madimi, ne manyi a nyama ya milambu ya bobumue anu mu lubanza amu.

2 Kulondolola 33:5

Menashe kuasa bilambuilu mu mbanza ibidi ya ku nzubu wa Mvidi Mukulu, bua kutendelela mabulunge a mulu.

2 Kulondolola 4:9

Kuenzabu lupangu lua batuangaji ne lupangu lukuabu lunene luikale ne biibi. Biibi ebi bavua babilamika tshiamu tshikunze.

Misambu 100:4

Panudi nubuela mu nzubu wende wa pambelu, numuele tunkunduluila; mu nzubu wende wa munda, numutumbishe. Tumbishayi Maweja-Nangila, numusakidile bualu udi Mvidi Mukulu wenu.

Misambu 116:19

mu lubanza lua nzubu wende wa tshijila, udi munkatshi muebe wewe, Yerushalayime. Tutumbishayi Maweja-Nangila, Aleluya!

Misambu 84:10

Eyi, Mvidi Mukulu, mukalenga wetu ne ngabu wetu, akidila muntu webe uudi mujidile.

Misambu 92:13

Kadi muntu muakane udi ukola, bu dibue dia ngaji, udi ulepa bu mutshi wa sedre wa mu Lebanone.

Ekesode 27:10

Bilamba abi bikale bilamakaja ne nkanu ne milonda ya tshiamu tshitoke tshia mushinga mukole. Bikale bilembeleja ku makunji makumi abidi a tshiamu tshikunze. Makunji awu, ikale ne bitaku makumi abidi bia tshiamu tshikunze.

Ekesode 35:17

Benze bilamba bia ku lupangu, ne makunji alu, ne bitaku biawu; tshilamba tshia mu mushiku wa mbelu wa lupangu;

Ekesode 36:17

Kuenzabu makopa makumi atanu ku mibangu ya tshilamba tshia ndekelu tshia ku bilamba bitanu. Kuenzabu makopa makuabu makumi atanu, ku mibangu ya tshilamba tshia kumpala tshia tshisumbu tshibidi.

Ekesode 39:40

— bilamba bia ku lupangu, makunji abi ne bitaku biawu, kabidi ne tshilamba tshia mu mushiku wa mbelu wa lupangu, mionji ne milonda ya bitupa yatshi; — bintu bionsu bivuabu ne bua kuenza nabi mudimu mu ntenta wa kusambakena, kabidi ne mu nzubu wa tshijila;

Ekesode 40:33

Pashishe Moshe kuasa lupangu luvua lunyungulula ntenta wa kusambakena ne tshilambuilu. Kulembelejaye tshilamba mu mushiku wa mbelu wa lupangu alu. Mudimu uvua Moshe muenze kujikawu.

Ekesode 40:8

Pashishe usuike bilamba bia kunyungulula nabi lupangu, ulembeleje tshilamba ku tshibuelelu tshia lupangu.

Yezekiyele 40:14

Kupimaye kabidi tshibambalu tshinene tshivua ku ndekelu kua muaba wa kupitshila. Tshivua butshiama bua metre dikumi. Lubanza lua nzubu wa Mvidi Mukulu luvua lunyungulule tshibambalu atshi nseke yonsu.

Yezekiyele 40:17

Muntu awu kumfikisha mu lubanza lua pambelu pa nzubu wa Mvidi Mukulu. Mu lubanza elu bavua balamika mabue manene panshi. Bavua basa bibambalu makumi asatu, bivua bilamakane ne tshimana tshivua tshinyungulula lubanza.

Yezekiyele 40:20

Kupimaye kabidi bule ne butshiama bua tshiibi tshia kubuela mu lubanza lua pa mbelu tshia ku luseke lua ku mutu kua nzubu.

Yezekiyele 40:23

Bitangilangane ne tshibuelelu tshia ku mutu kua nzubu, kuvua tshiibi tshia kubuela mu lubanza lua munda mua nzubu, bu muvuabi kabidi ku luseke ludi diba dipatukila. Muntu kupima mutantshi uvua pankatshi pa biibi bibidi, uvua ne bule bua metre makumi atanu.

Yezekiyele 40:28

Nanku, muntu awu kumfikisha mu lubanza lua munda mua nzubu ku tshiibi tshia kuinshi kua nzubu. Kupimaye bule bua tshiibi atshi. Bule buvua bua momumue ne bua biibi bivua mu tshimana tshia lubanza lua pa mbelu.

Yezekiyele 40:32

Pashishe muntu kupitshila nanyi ku tshiibi tshia luseke ludi diba dipatukila lua nzubu, bua kubuela mu lubanza lua munda mua nzubu. Muntu kupima tshiibi, kusanganaye bule buatshi anu bua momumue ne bua biibi bikuabu.

Yezekiyele 40:44

Muntu kumfikisha mu lubanza lua munda mua nzubu. Muvua bibambalu bibidi, tshimue tshivua ku luseke lua tshiibi tshia ku mutu wa nzubu, kadi tshibuelelu tshiatshi tshivua tshitangila luseke lua kuinshi kua nzubu; tshikuabu tshivua ku luseke lua tshiibi tshia kuinshi kua nzubu, kadi tshibuelelu tshiatshi tshivua tshitangila ku mutu kua nzubu.

Yezekiyele 42:3

Luseke lumue, bibambalu ebi bivua bitangilangane ne muaba uvua mushale, wa butshiama bua metre dikumi. Muaba awu, uvua munyungulule nzubu wa Mvidi Mukulu. Lunga luseke bivua bitangilangane ne lubanza lua pa mbelu. Bivua ne milongu isatu ya tuzubu tuvuabu batentakaja.

Dibadika 3:26

Bavua balama kabidi bilamba bia ku lupangu, ne tshilamba tshia ku tshibuelelu tshia lupangu luvua lunyungulula nzubu wa tshijila ne tshilambuilu. Bavua balama kabidi mionji yonsu ya kuasa nayi ntenta.

Dibadika 4:26

Badi bambula kabidi ne bilamba bia ku lupangu, ne tshilamba tshia mu mushiku wa lupangu. Ke bilamba bidi bileja mikalu ya lupangu ludi lunyungulula muaba wa tshijila ne tshilambuilu. Nebambule kabidi mionji ya ku lupangu ne biamu bikuabu bionsu bia kuenzabu nabi mudimu ku lupangu.

Dibadika 4:32

kuambula makunji a ku lupangu ne bitaku biawu, milonda ne mionji ne bintu bionsu bidibu nabi mudimu. Batuangaji nebaleje muntu yonsu tshintu tshidiye mua kuambula.