Ekesode 26:36 - MUKANDA WA MYIDI MUKULU

³⁶ “Tshilamba tshia kulembeleja mu mushiku wa mbelu wa ntenta, tshikale tshitela bimpe ne buanda bua ndanda busambakaja ne bua miosa ya nyama bufikuluke, bukunzubile ne bukunze kunzuu.

Mukanda wa Nzambi Dihungila Dikulukulu ne Dihungila Dihia-dihia 2003

³⁶ Enza biebe tshilulu tshia kuteka ku mbelu kua tshitendelelu tshia buanda bua bleu ne bukunzubile ne bukunze-kunzû ne bua lin mutambe buimpe, utshienzeshe kudi muntu udi ne lungenyi lule lua kulengesha.

Ekesode 26:36 교차 참조

2 Samuele 7:6

Bualu biangatshile dituku dimvua mupatule bena Izrayele mu Ejipitu too ne mpindiewu, katshia tshiena muanji kusomba mu nzubu to. Kadi, mvua anu musombe mu ntenta, muaba wa tshijila, ngendakana ne bena Izrayele mu njila. Matuku awu onsu, mvua muteke balombodi bashilangane bua baludike bantu banyi bena Izrayele bimpe. Kadi tshivua mujane mulombodi nansha umue ne: kena mungashile nzubu wa mitshi ya sedre bua tshinyi?

Misambu 78:60

Kushiyaye nzubu wende wa Silo, ntenta uvuaye musombe munkatshi mua bantu.

Ekesode 26:31

“Batedi benze tshilamba tshinene tshia mu mushiku wa mbelu. Tshikale tshitela ne buanda bua ndanda busambakaja ne bua miosa ya nyama bufikuluke, bukunzubile ne bukunze kunzuu. Kabidi, tshikale tshizola bimfuanyi bia Bakerubine.

Ekesode 27:16

Mu mushiku wa mbelu wa lupangu, muikale tshilamba tshia bule bua metre dikumi, tshitela ne buanda bua ndanda ne bua miosa ya nyama bufikuluke, bukunzubile ne bukunze kunzuu. Ukudike tshilamba atshi, ku makunji anayi adi pa bitaku binayi.

Ekesode 28:15

“Uteleshe tshilamba tshia kuvuala pa tshiadi, tshia pa dilumbulula. Tshilamba atshi, tshikale tshitela ne buanda bua ndanda, busambakaja ne bua miosa ya nyama bufikuluke, bukunzubile ne bukunze kunzuu. Tshikale tshitela bu tshilamba tshia efode ne buanda buengelela bu tshiamu tshia mpawungi.

Ekesode 28:39

“Nebatelele kabidi Arone: tshilamba tshia muinshi tshia miosa ya nyama, tshifulu tshia buanda bua ndanda ne mukaba mulengeja.

Ekesode 35:11

Benze nzubu wa tshijila ne ntenta, tshilamba tshia kubuikila pa mutu pa ntenta, nkanu, mabaya, mitshi, makunji ne bitaku.

Ekesode 35:15

Benze tshilambuilu tshia manananshi, ne mitshi ya kuelaku; mafuta a kuela pa mutu, ne manananshi a kuosha; tshilamba tshia mu mushiku wa mbelu wa nzubu wa tshijila;

Ekesode 36:37

Nanku batedi kutela tshilamba tshia mu mushiku wa mbelu wa nzubu wa tshijila ne buanda bukole bua ndanda busambakaja ne bua miosa ya nyama bufikuluke, bukunzubile ne bukunze kunzuu.

Ekesode 38:18

Tshilamba tshia mu mushiku wa mbelu wa lupangu, tshivua tshitela bimpe kudi batedi ne buanda bukole bua ndanda busambakaja ne bua miosa ya nyama bufikuluke, bukunzubile ne bukunze kunzuu. Tshilamba atshi, tshi vua ne metre dikumi mu bule, ne metre abidi ne tshitupa mu butumbuke, amu bu bilamba bia lupangu.

Ekesode 39:29

Kubatekabu kabidi mikaba milengeja ne buanda bukole bua ndanda, busambakaja ne bua miosa ya nyama bufikuluke, bukunzubile ne bukunze kunzuu, bu muvua Maweja-Nangila muambile Moshe.

Ekesode 39:33

Bena Izrayele kuleja Moshe bintu bionsu bivuabu benza bua nzubu wa tshijila: — ntenta wa kusambakena ne bintu bionsu bivuaku: nkanu, mabaya, mitshi, makunji ne bitaku biawu;

Ekesode 40:5

Bateke tshilambuilu tshia tshiamu tshia mpawungi bua kuosha manananshi. Utshiteke kumpala kua mushete wa ndondu. Ulembeleje tshilamba mu mushiku wa mbelu wa nzubu wa tshijila.

Yezekiyele 16:10

Meme kukupesha bilamba bizola bimpe, ne bisabata bia tshiseba tshimpe, ne mukaba wa buanda bua ndanda, ne tshinkutu tshienza ne buanda bua miosa ya nyama.

Dibadika 3:25

Bena Ngershone ke bavua ne mudimu wa kulama bintu bia ntenta wa kusambakena ebi: ntenta wa munda, ntenta muibidi, ne ntenta wa kubuikila ku ntenta ibidi ayi, kabidi ne tshilamba tshivua tshilembeleja ku mushiku wa ntenta.

Dibadika 9:15

Dituku divuabu base nzubu wa tshijila, divuba divua dibuikila ntenta uvua ne mushete wa ndondu. Butuku, divuba adi divua dikenka bu kapia too ne muatshiabu.

Yowanane 10:9

Ndi tshiibi. Muntu udi ubuelela kundi neapande. Neabuele, neapatuke, neapete kabidi tshiakudia tshiende.

Yowanane 14:6

Yezu kumuandamuna ne: — Ndi njila, ndi bulelela, ndi muoyi. Muntu nansha umue kena mua kuya kudi Tatu kayi mupitshile kundi.